Luke 4:5-8

အင်(မ်)ပါလ်နောလ် မာရ်နတ်နား ယေရှုခေါမ် ကုန်းတိန်ဟြွလ်နောလ် ဈာလ်ပူနိုးထေ့နား ဆုမ်သပ့်ခုံငေါလ် မယ်တိတက တနော်ဇိုး အဓေါင်။ မာရ်နတ်နား "ကေးနားနောက်ခေါမ် တန်ခိုးအာဏာ ကိမ်ကိမ်လား ဘုန်းစည်းစိမ်လှီ့ ကေပက်ဟိုင်ကေလီခေါင်ငေါလ် ကေပက်ခွတ်ခန်းနောလ် နာ(င်)ငေါလ် ကေပက်တိုက်။ အင်(မ်)ခန်းနောလ် ကေး ကုလုတ်ထေ့နား နာခခ်ဘွတ်ကုံ့ငေါလ် နာ(င်)နား နီလှီ့ကိမ်ကိမ် အုပ်စိုးခွင့်ကေပက်တိုက်" တိရို အဟောင်။ အင်(မ်)ဘော်နားခါ ကိုယ်တော်ယေရှုနား "ကျမ်းစော်ဝေါလ် နာ(င်)သခင်ဖုလော်ရှင်ယောင် နာကိုးကွယ်လောဒ့်အိုက်။ အင်(မ်)ဖုလော် အမှုတော်ယောင် နာထမ်းဆောင်လောဒ်အိုက် တိရို ကျမ်းစော်ဝေါလ် အပူလ်" နောက်ခေါမ် မာရ်နတ်ရိုး အဟောင်ဘွာလ်။