Luke 3
3
1ရောမအင်ပါယာသခင် တိဗေရိနန်းဆောက်(င်) ဂုမ်းကလာဟိုရ်ဝေါလ် ပုန္တိပိလတ်ခေါမ် ယုဒဘီရိုးကိဘုရင်ခံထောလ်ထေ့နား၊ ဟေရုဒ်ခေါမ် ဂါလိလဲအောလ်ကိ ဘုရင်ခံဝေါလ် အထောလ်ဟိလ့်။ ဟေရုဒ်နား အနောင်(င်) ဖိလိပ္ပုခေါမ် ဣတုရဲ လား တရာခေါနိတ်လီရိုကိဘုရင်ခံ ထောလ်ထေ့နား လုသာနိစေး ဘိလင်ဘီရိုကိ ဘုရင်ခံဝေါလ် အထောလ်ဟိလ့်။ 2အင်(မ်)ချိန်ငေါလ် အန္နနား ကယာဖနောက်ခေါမ် ပုရောဟိတ်အလန်ဆုံး ထောလ်ဟိလ့်ဟိုဝေါလ် တောကန္တာရဒုလ်ကာလ်မယ်တိ ဇာခရိနားအစိုး ယောဟန်စငေါလ် ဖုလော်ရှင်နားနှုတ်ကပါတ်တော် အခိုက်လူး။ 3ယောဟန်နား ဂျော်ဒန်မြစ်အောလ် လှည့်လည်ရောခ့်ထေ့နား နောင်တသံဝေဂလောဒ့်ထေ့နား အပြစ်ဒုစရိုက်ခွင့်လွှတ်ခေါမ်လောဒ့်ဟိုင်တွက် သွီးဓေါလ်မင်္ဂလာခံဟိုင်အကြောင်း ဈာတ်ရော့ခ်ထေ့နား အဟောဟိလ့်။ 4ပရောဖက် ဟေရှာယကျမ်းဒုလ်ကာလ် ရော့ဟိလ့်ခေါမ်စေး “တောကန္တာရဒုလ်ကာလ် ပွလ်ဟှတ်နား နီဘော်ဈာတ်ရော့ခ်ထေ့နား အကြွေးကြော်ဝိုက်။ အင်(မ်)နီလာမ်း ဖြောင့်ဖြူးဆတ်။ 5ကုမ်းချိုင့်ဝှမ်းလှီ့တိုင် သပ်ဖို့ထေ့နား ကုမ်းလှီ့ အညီညာဟိုင်နောလ် ညှိဘွတ်စူး။ လာမ်းကုလပ်တိလှီ့ ဖြောင့်ထေ့နား ညီယတိဒိလ်လှီ့ ချောမွေ့ပြေပြစ်ဆသ်။ 6အင်(မ်)ပါလ်နောလ် ခေါင်တိုင်(င်)နား ဖုလော်ရှင်ကယ်တင်ဟိုင်နည်းလမ်း အမုလောဒ့်အိုက်” တိရိုအထောလ်။ 7အင်(မ်)ခန်းနောလ် ယောဟန်နား အပုန်းဟိုးစငေါလ် သွီးဓေါလ်မင်္ဂလာခံဟိုင် ခိုက်လူးတိခေါင်လှီ့အောလ် ယောဟန်နား “နာ(င်)မီးနောက်ခေါမ် အဆိပ်မယ်တိဖွာဆီးလှီ့ဘော် ဆိုးယုတ်တိလှီ့ရိုး နာမ်ထောလ်။ ကျရောက်လူးဟိုင်ပြစ်ဒဏ်ရိုးကိ ရှောင်းပြေးဟိုင် ဟအူးနား သတိအပက်။ 8အင်(မ်)ဘော်ခန်းနောလ် နာ(င်)မီး မကောင်းမှုလှီ့ နာမ်စွန့်လွတ်ဟိလ့်ပါလ်နောက်ခေါမ် အကြောင်းပွလ်ဟှတ်စေး စိုင်းပြအောလ်။ နာ(င်)မီးနား ပုန်းဟို့နားပုန်းဟို့၊ ကေးမီးနောက်ခေါမ် အာဗြဟံ မျိုးဆက်လှီ့ယောင်" တိရို ဟောင်ကော့စူး။ ဖုလော်ရှင်နား နီလုံးလှီ့ အာဗြဟံမျိုးဆက်လှီ့အဖြစ် အဖန်ဆင်းခွတ်။ 9နီချိန်ငေါလ်ကုံးခါ ဟေလက်ဟှတ်နား ထိင့်လှီ့အရုန်းငေါလ်ကထု ခုတ်ဟိုင် ဆင်သင့်မယ်။ အင်(မ်)ဘော် အဌေ့ပွန် ဌေးယတိ ထိင့်လှီ့ခုတ်ထေ့နားမဲရိုး ဆီခေါမ်ခံလောဒ့်အိုက်” တိရိုအဟောင်။ 10အင်(မ်)ပါလ်နောလ် ခေါင်လှီ့ဒုလ်ကာလ်ကိ ခေါင်တချို့နား “အင်(မ်)ဘော်နောက်ဟိုဝေါလ်စေး ကေးမီးနား ဟအီဘော် ကမ်စိုင်းလောဒ့်အိုက်” တိရို အာမ်ဟိ့။ 11အင်(မ်)ဟိုဝေါလ် ယောဟန်နား “နာ(င်)မီးနား ဖိုင်း(င်)လိုပ်(ဖ်)နှိ နာမ်တောဒ်ကာလ်ဟိုဝေါလ် တောဝေယတိလှီ့အောလ် လိုပ်(ဖ်)ဟှတ်ပက်သင့်။ နာ(င်)မီးစငေါလ် အေအော့တ် နာမ်တောဒ့်ကာလ်ဟိုဝေါလ် စစ်ကယ်တိလှီ့အောလ် ဖဲ့လောဒ်အိုက်” တိရို အဖြေဘွာလ်။ 12အခွန်ကောက် တိလှီ့နားခါ ယောဟန်စငေါလ် သွီးဓေါလ်မင်္ဂလာခံဟိုင် အာမ်ခိုက်လူးဟိုဝေါလ် “ဆရာ၊ ကေမီးနား ဟအီကေစိုင်လောဒ့်တောန် “တိရို အာမ်ဟိ့။ 13အင်(မ်)ဟိုဝေါလ် ယောဟန်နား အင်(မ်)လှီ့အောလ် "အခွန်တလာဘော်တိုင်းငေါလ် အခွန်ကောက်လောဒ့်အိုက်၊ အပိုကောက်လောဒ့်ယော်” တိရိုအဟောင်။ 14အင်(မ်)ဟိုဝေါလ် အစွာစစ်ဆော်လှီ့နား ယောဟန်ရိုး “ကေးမီးစေး ဟအီကေစိုင်းလောဒ်အိုက်” တိရို အာမ်ဟိဟိုဝေါလ် ယောဟန်နား” နာ(င်)မီးနား ခေါင်လှီ့စငေါလ်ကိ ဒေါင်းဂို အဓမ္မ တောင်းကောစု၊ အူဝေါလ်ခါ ဆီးယတိ စွပ်စွဲကော့စု၊ နာ(င်)မီးနား နာလောဒ့်ခေါမ် ဒေါင်းဂိုဝေါလ် ရောင့်ရဲတင်းတိမ်ဘွတ်စူး” တိရိုအဆောင်ဟိလ့်ပက်။ 15တုအောလ် ခေါင်လှီ့ကိမ်ကိမ်နား ကယ်တင်ရှင်မေရှိယ အလူးဝိုက်ဟိလ့်ခေါမ် အာမ်စောင်(င်)ခန်းနောလ် ခေါင်လှီ့နား ယောဟန်နောက်ခေါမ် မေရှိယအောလ် အထောလ်နိုက်ယာ" တိရို အာမ်ခိလ်နယ်လူး။ 16အင်(မ်)ချိန်ငေါလ် ယောဟန်နား အင်(မ်)လှီ့အောလ် အဖြေဘွာလ်ခေါမ်စေး “ကေးနား ခေါင်လှီ့အောလ် သွီးဓေါလ်မင်္ဂလာ ကေစိုင်းပက်ခေါမ် အမှန်။ အင်(မ်)ဘော်နားခါ ကေးထက်ကာလ် တန်ခိုးစွမ်းအားပြည့်ဝတိ အခိုက်လူးဝိုက်။ ကေးနား အင်(မ်)ဖိနပ်ရွန်း ဖြုတ်ပက်ဟိုင် ထိုက်တန်ဟီ။ အင်(မ်)နား ခေါင်လှီ့အောလ် ဉာဏ်အလင်းတော်ဓေါလ်ခါဆီးဆတ်၊ မေးရိုးခါဆီးဆတ် နှစ်ခြင်းမင်္ဂလာအပက်တိုက်။ 17အင်(မ်)နီကွတ်ဒုလ်ကာလ် ကုလောင်အမယ်။ ခက်ရင်းခွလှံတံဝေါလ် ဂျုံစေးနားအဟော့လှီ့ အာမ်ခွဲခြားဝိုက်။ အင်(မ်)ကုလောင်နား စာန်လုံးလား အဟော့လှီ့ အခွဲခြားရိုက်။ စာန်လုံးလှီ့ ဖိစ့်ဒုလ်ကာလ် လှောင်ထေ့နား အဟော့လှီ့စေး အီဟိုဝေါလ်ခါငြိမ်းယတိ မေးဒုလ်ကာလ်အဆာမ်းနိုက်” တိရိုဟောင်။ 18ယောဟန်နား နီဘောင်နည်းလမ်းလှီ့ဓေါလ် ခေါင်လှီ့အောလ် နောင်တေသံဝေဂ လောဒ့်ထေ့နား ဖုလော်လာမ်းမာလ် မင်(င်)ဟိုင် အဟောဟိလ့်။ 19မိုးနားခါ ဆောင်ဖလောင် ဟေရုဒ်နား အနောင်(င်)အပီးဟာ ဟာရောဒိဓေါလ်လက်ထပ်ဟိလ့်ခေါမ်ဓေါလ် ပတ်သတ်ကယ်နားခါဆီးဆတ်၊ အပုန်းဟို့ကျူးလွန်ဟိလ့်ခေါမ် အပြစ်လှီ့ဓေါလ် ပတ်သတ်ကယ်နား ယောဟန်နား အဆုံးမဟိလ့်။ 20အင်(မ်)ပါလ်နောလ် ဟေရုဒ်နား အထာပွန်ယတိ အလုပ်ပွလ်ဟှတ်စေး အတပည်လှီ့အောလ် ယောဟန်ခေါမ် မင်ထေ့နားထောင်အခက်ဟိလ့်ဆောက်။ 21ယောဟန် ထောင်အကိုးလှောင်နောလ် ခေါင်လှီ့ သွီးဓေါလ်မင်္ဂလာအပက်ဟိလ့်။ ယောဟန်နား ကိုယ်တော်ယေရှုခါ သွီးဓေါလ်မင်္ဂလာ အစိုင်းဟိလ့်ပက်။ အင်(မ်)ပါလ်နောလ် ကိုယ်တော်ယေရှုနား ဆုအတောင်းဟိုဝေါလ် နေဟြွလ်ခေါမ် ဟင်းလင်းပွင့်ထေ့နား 22ဉာဏ်အလင်းတော်ခေါမ် ခေါင်း(င်)ခိုအသွင်ငေါလ် အင်(မ်)စငေါလ် ဆင်းသက်လူးထေ့နား နေဟြှလ်နောလ်ကထု ဖုလော်ရှင်နား ယေရှုအောလ် "နာ(မ်)နောက်ခေါမ် ကေးနား ကေမြတ်နိုးခေါမ် ကေးစိုးယောင်၊ ကေးနား နာ(င်)ကေနှစ်သက်" တိရို အဟောင်ဟိလ့်။ 23ယေရှုနား ဖုလော်သခင် အမှုတော် စထေ့နား အဆောင်ရွက်ဟိုဝေါလ် အဆောက် ထုမ်ကိပ်(ပ်) အမယ်ပါလ်။ အင်(မ်)ခေါင်နောက်ခေါမ် ယောသပ်နားအစိုး ယောသပ်စေး ဧလိနားအစိုး။ ဧလိစေး မဿတ်နားအစိုး။ 24မဿတ်စေး လေဝိနားအစိုး၊ လေဝိစေး မေလခိနားအစိုး၊ မေလခိစေး ယန္နနားအစိုး၊ယန္နစေး ယောသပ်နားအစိုး။ 25ယောသပ်စေး မတ္တသိနားအစိုး၊ မတ္တသိစေး အာမုတ်နားအစိုး၊ အာမုတ်စေး နာဟုံနားအစိုး၊ နာဟုံစေး ဧသလိနားအစိုး၊ ဧသလိစေး နဂ္ဂဲနားအစိုး၊ 26နဂ္ဂစေး မာအတ်နားအစိုး၊ မာအတ်စေး မတ္တသိနားအစိုး၊ မတ္တသိစေး ရှေမိနားအစိုး၊ ရှေမိစေး ယောသပ်နားအစိုး၊ ယောသပ်စေး ယုဒနားအစိုး 27ယုဒစေး ယောဟန္နနားအစိုး၊ ယောဟန္နစေး ရေသနားအစိုး၊ ရေသစေး ဇေရုဗဗေလနားအစိုး၊ ဇေရုဗဗေလစေး ရှာလသေလနားအစိုး၊ ရှာလသေလစေး နေရိနားအစိုး၊ 28နေရိစေး မေလခိနားအစိုး၊ မေလခိစေး အဒ္ဒိနားအစိုး၊ အဒ္ဒိစေး ကောသံနားအစိုး၊ ကောသံစေး ဧလမောဒံနားအစိုး၊ ဧလမောဒံစေး ဧရနားအစိုး။ 29ဧရစေး ယောရှုနားအစိုး၊ ယောရှုစေး ဧလျေဇာနားအစိုး၊ ဧလျေဇာစေး ယောရိမ်နားအစိုး၊ ယောရိမ်စေး မဿတ်နားအစိုး၊ မဿတ်စေး လေဝိနားအစိုး။ 30လေဝိစေး ရှိမောင်နားအစိုး၊ ရှိမောင်စေး ယုဒနားအစိုး၊ယုဒစေး ယောသပ်နားအစိုး၊ ယောသပ်စေး ယောနန်နားအစိုး၊ ယောနန်စေး ဧလျာကိမ်နားအစိုး။ 31ဧလျာကိမ်စေး မေလေနားအစိုး၊ မေလေစေး မဲနန်နားအစိုး၊ မဲနန်စေး မတ္တနားအစိုး၊ မတ္တစေး နာသန်နားအစိုး၊ နာသန်စေး ဒါဝိဒ်နားအစိုး။ 32ဒါဝိဒ်စေး ယေရှဲနားအစိုး၊ ယေရှဲစေး ဩဗက်နားအစိုး၊ ဩဗက်စေး ဗောဇနားအစိုး၊ ဗောဇာစေး စာလမုန်နားအစိုး၊ စာလမုန်စေး နာရှုန်နားအစိုး၊ 33နာရှုန်စေး အမိနဒနားအစိုး၊ အမိနဒစေး အဒ်မိန်နားအစိုး၊ အဒ်မိန်စေး အာရံနားအစိုး၊ အာရံစေး ဟေဇရုံနားအစိုး၊ ဟေဇရုံစေး ဖာရက်နားအစိုး၊ ဖာရက်စေး ယုဒနားအစိုး၊ 34ယုဒစေး ယာကုပ်နားအစိုး၊ ယာကုပ်စေး ဣဇက်နားအစိုး၊ ဣဇက်စေး အာဗြဟံနားအစိုး၊အာဗြဟံစေး တေရနားအစိုး၊ တေရစေး နာခေါ်နားအစိုး၊ 35နာခေါ်စေး စေရောက်နားအစိုး၊ စေရောက်စေး ရာဂေါနားအစိုး၊ရာဂေါစေး ဖာလက်နားအစိုး၊ ဖာလက်စေး ဟေဗာနားအစိုး၊ ဟေဗာစေး ရှာလနားအစိုး၊ 36ရှာလစေး ကာဣနန်နားအစိုး၊ ကာဣနန်စေး အာဖာဇဒ်နားအစိုး၊ အာဖာဇဒ်စေး ရှေမနားအစိုး၊ ရှေမစေး နောဧနားအစိုး၊ နောဧစေး လာမက်နားအစိုး။ 37လာမက်စေး မသုရှလနားအစိုး၊ မသုရှလစေး ဧနောက်နားအစိုး၊ ဧနောက်စေး ယာရက်နားအစိုး၊ ယာရက်စေး မဟာလေလနားအစိုး၊ မဟာလေလစေး ကာဣနန်နားအစိုး။ 38ကာဣနန်စေး ဧနုတ်နားအစိုး၊ ဧနုစေး ရှေသနားအစိုး၊ ရှေသစေး အာဒံနားအစိုး၊ အာဒံစေး ဖုလော်ရှင်နားအစိုးဝေါလ်အထောလ်။
Currently Selected:
Luke 3: ctpv-rv
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
This translation of the Chin-Songlai Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.