ڢَارَوَ 23
23
إِبْرَٰهِيمْ يَا سَيِ وُرِنْ بِنّٜىٰ ذُرِيَرْسَ
1سَارَةُ تَايِ شٜىٰكَرَا طَرِے دَ عَشِرِنْ دَ بَݣَويْ عَدُونِيَا؞ 2تَا مُتُ أَ كِرِيَتْ أَرْبَ، وَتُواْ هٜىٰبْرُوانْ، عَيَنْكِنْ ڧَسَرْ كَنْعَنَ؞ سَيْ إِبْرَٰهِيمْ يَجَنْيٜىٰ يَيِ كُوكَنْ مُتُوَرْتَ يَنَ بَڧِنْ ثِكِ سَبُواْدَ سَارَةُ؞
3إِبْرَٰهِيمْ يَا تَاشِ يَا بَرْ غَاوَرْ مَاتَرْسَ، يَا جٜىٰ يَيِمَغَنَ دَ هِتِّيَاوَا؞ 4يَا ثٜىٰ مُسُ «نِے إِنَ ذَمَنْ بَڧُنْثِ عَثِكِنْكُ؞ كُسَيَرْ مِنِ دَ ڢِيلِ عَڧَسَرْكُ دُواْمِنْ إِنْ بِنّٜىٰ غَاوَرْ مَاتَتَ، إِنْكَوَرْدَ غَاوَرْ دَغَ غَبَنَ؞»#إِبْرَ 11.9،13؛ أَيُّكَنْ 7.16
5سَيْ هِتِّيَاوَا سُكَ أَمْسَوَ إِبْرَٰهِيمْ سُكَثٜىٰ، 6«سَوْرَرٜىٰمُ، رَنْكَيَدَطٜىٰ! كَيْ بَبَّنْ مُتُمْ نٜىٰ عَثِكِنْمُ؞ كَبِنّٜىٰ مَاتَرْكَ عَكَبَرِ مَڢِے ݣَوْ دَغَ كُواْوَنٜىٰ كَبَرِنْمُ دَ كَكٜىٰسُواْ؞ بَا وَنِنْمُ دَ ذَيْ حَنَ مَكَ كَبَرِنْسَ، كُواْ يَهَنَكَ كَبِنّٜىٰ مَاتَرْكَ؞»
7سَعَنً إِبْرَٰهِيمْ يَاتَاشِ يَاسُنْكُيَاوَ هِتِّيَاوَنْ، وَتُواْ مُتَنٜىٰنْ ڧَسَرْ؞ 8يَاثٜىٰ مُسُ «كُسَوْرَرَتَ، عِدَنْ دَ غَسْكٜىٰ كُنْيَرْدَ إِنْبِنّٜىٰ غَاوَرْ مَاتَتَ عِنْدَينَ غَنِنْتَ، تُواْ، إِنَ سُواْ كُضُواْڧَا مِنِ عٜىٰڢْرُوانْ طَنْ ذُواْهَرْ؞ 9كُضُواْڧٜىٰشِ يَبَانِ كُواْغُوانْ مَكْڢٜىٰلَ، وَنْدَ يَكٜىٰ نَاسَ نٜىٰ؞ يَنَنً تَ إِيَاكَرْ ڢِيلِنْ غُواْنَرْسَ؞ بَرِ يَڢَطِ عَيْنِحِنْ كُطِنْ ڢِيلِنْ، ذَنْ كُوَ بِيَ أَغَبَنْكُ دُواْمِنْ يَذَمَ مَلَّكَتَ؞ وَنَّنْ وُرِنْ ذَيْ ذَمَ أَبِنْ غَادُواْ دُواْمِنْ بِنّٜىٰوَرْ ذُرِيَرْتَ؞»
10أَ لُواْكَثِنْ كُوَ عٜىٰڢْرُوانْ يَنَ ظَوْنٜىٰ دَ سَوْرَنْ هِتِّيَاوَنْ عَبَاكِنْ ڧُواْڢَرْ غَرِ؞ سَيْ عٜىٰڢْرُوانْ يَأَمْسَ وَ إِبْرَٰهِيمْ عَكُنُّوَنْ هِتِّيَاوَنْ دَ وَطَنْدَ سُكٜىٰ شِغَ دَ ڢِتَ عَبَاكِنْ ڧُواْڢَرْ بِرْنِنْ؞ 11يَاثٜىٰ «أَعَ، رَنْكَيَدَطٜىٰ، كَسَوْرَرَ؞ نَبَاكَ غُواْنَرْ دَ كُواْغُوانْ دَيَكٜىٰ ثِكِنْ غُواْنَرْ؞ أَغَبَنْ مُتَنٜىٰنَ إِنَبَاكَ غُواْنَرْ كَبِنّٜىٰ مَاتَرْكَ؞»
12سَعَنً إِبْرَٰهِيمْ يَسُنْكُيَ أَغَبَنْ مُتَنٜىٰنْ ڧَسَرْ؞ 13يَايِمَغَنَ دَ عٜىٰڢْرُوانْ عَكُنّٜىٰنْ دُكَنْ مُتَنٜىٰنْ ڧَسَرْ؞ يَثٜىٰ «كَسَوْرَرَ، عِدَنْ دَيْ كَيَرْدَ، بَرِ إِنْبِيَ كُطِنْ ڢِيلِنْ؞ كَكَرْٻِ كُطِنْ دُواْمِنْ إِنْ عِيَ بِنّٜىٰ مُتَنٜىٰنَ أَوُرِنْ؞»
14عٜىٰڢْرُوانْ يَا أَمْسَ، 15يَثٜىٰ «رَنْكَيَدَطٜىٰ! كَسَوْرَرَ، ڢِيلِنْ ذَيْثِ أَظُرْڢَا طَرِے حُطُ، أَڟَكَانِينَ دَكَيْ وَنَّنْ بَكُواْمٜىٰبَنٜىٰ! كَبِنّٜىٰ مَاتَرْكَ!» 16إِبْرَٰهِيمْ يَايَرْدَ دَ عٜىٰڢْرُوانْ؞ سَيْ يَ عَوْنَ وَ عٜىٰڢْرُوانْ يَوَنْ أَظُرْڢَرْ دَ يَڢَطَا أَعِدُوانْ مُتَنٜىٰنْ هِتِّ؞ يَا عَوْنَ أَظُرْڢَا طَرِے حُطُ بِسَغَ مَعَوْنِ نَیَنْ كَاسُوَ أَ لُواْكَثِنْ؞
17تَهَكَنٜىٰ غُواْنَرْ دَتَكٜىٰ تَ عٜىٰڢْرُوانْ أَ مَكْڢٜىٰلَ، غَبَسْ دَ مَمْرٜىٰ تَذَمَ تَ إِبْرَٰهِيمْ، حَطٜىٰ دَ ڢِيلِنْ دَ كُواْغُوانْ دَيَكٜىٰ عَثِكِنْتَ دَ دُكَنْ عِتَتُوَنْ دَسُكٜىٰ أَ ڢِيلِنْ، حَرْ ذُوَا إِيَاكَرْ غُواْنَرْ؞ 18دُكَنْ هِتِّيَاوَنْ دَ وَطَنْدَ سُكٜىٰ ڢِتَ دَ شِغَ عَڧُواْڢَرْ غَرِنْ أَ لُواْكَثِنْ، سُنْ تَبَّتَرْ ثٜىٰوَ غُواْنَرْ تَذَمَ تَ إِبْرَٰهِيمْ؞
19بَايَنْ حَكَ، إِبْرَٰهِيمْ يَابِنّٜىٰ مَاتَرْسَ سَارَةُ عَكُواْغُوانْ دَيَكٜىٰ أَغُواْنَرْ مَكْڢٜىٰلَ كُسَدَ مَمْرٜىٰ، وَتُواْ هٜىٰبْرُوانْ، عَثِكِنْ يَنْكِنْ ڧَسَرْ كَنْعَنَ؞ 20سَبُواْدَ حَكَ دَ ڢِيلِنْ دَ كُواْغُوانْ دَيَكٜىٰ ثِكِنْسَ، هِتِّيَاوَا سُنْ بَا إِبْرَٰهِيمْ يَذَمَ مَلَّكَرْسَ؞ وَنَّنْ وُرِنْ يَاذَمَ أَبِنْ غَادُواْ دُواْمِنْ بِنّٜىٰوَرْ ذُرِيَرْسَ؞
Currently Selected:
ڢَارَوَ 23: hauAS
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Hausa Common Language Ajami Bible © The Bible Society of Nigeria, 2020