Oseas 14
14
Oseazen llatyoere Israelen nench'na lljabiye raw Diozen
1 1 (2) Israel, jabiy kwit Xanllon, Dios ko'on,
le daxhinj ko'o ka' ba bllixen rwe'.
2 2 (3) Lewabi konen Xanllon
le werene ke di'll ki:
Bazixhen da mar keto ka'
na bxhichga wen
da ka' llulto konen llwato ki.
3 3 (4) Bi gak wazra Asirian neto',
na bigakse waxhonjto lakse cha ba sjalliato kull kabay ka'.
Bill neto' Dios keto
ke da ka' llunchaoto konen nianato ka',
le tuze rawo rwe' Xanto,
llallelre be'nn wazeben yel llayachrallen.
Xanllon bche'be we'e to yelnban kub ke Israelen
4 4 (5) Ki ne Xanllon:
Guna rmell yel wednay ke aken,
na lli'e akre lakse bi llayal si ake' yel nllie kian,
le ba baka yel llaklla kian konen le ake'.
5 5 (6) Gaka ke Israelen ka bzan dan llxhoa tzir, dan llexj le yeban,
na le'en yiarje'e ke yej da ka nzi lirios.
Na zitj chin rue ka'
kan nak yan nzi Líbano.
6 6 (7) Xhoze ka' llirj aken,
gak aken nbaraz, kan nak xhos yay olivos ka',
na lan xhixh kakse yay sedr ka, da ka' sjalla gan nzi Líbano.
7 7 (8) Israelen yed soe'e xhan xhur kian dayubre,
na chiw ake' kan lliw dan nzi trigo,
na kwia ake' yej kakse yay uvas ka',
na se ke ake' kan llze ke zu ke uva dan de gan nzi Líbano.
8 8 (9) Efraín'na ne': ¿Bixha kwent kia loe lsak ka'?
Nadan llapa na llkoeja yell kian.
Nadan naka ka to yay dud da nakteze naken ga',
na konen nada' yell kian wallelre daxhixh ke'en.
Gani' zeraon
9 9 (10) Be'nn sin ka', na be'nn ka' llajnien
le chejnie dani:
Nez ke Xanllo naken dalixhej,
na be'nn wendalixhej ka' naw aken,
axha be'nn wednay ka', konen len sjachew ake'.
Currently Selected:
Oseas 14: ZPUPAT
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo