Ngechuchuarü ngúexü̃gü ga yamugüxü̃arü puracüchiga 7:57-58

Natürü nümagü rü nügü narütütamachi̱xẽgü, rü tagaãcü aixta naxüeãcüma wüxigu nüxna nayu̱xgu. Rü ínanagaxüchigü ga ĩanewa, rü nutagümaxã ínanamuxũchigü. Rü yéma nayexma ga wüxi ga ngextü̱xüxü̃ ga Chaurugu ãégaxü̃. Rü yemaxü̃ nanawotanü ga norü gáuxü̃chirugü ga ínacuxuchigüxü̃ ga yema duü̃xü̃gü ga Estébaü̃xü̃ íxuaxü̃güxü̃.