Ra Vei Hira Yarisula 9
9
NA SOPENA 9.
1Maa Saul to-moaso sura veioso me veimete ra uluo hina Moli, movano me na varese-prist,
2Motuhae morahu ta mea ra pepe me Tamaskus mera pea hina Lotu, suria mo-pasu ra uluo hina, ra tajua e ra hajae, mohajirira, molavira me Jerusalem.
3Hisa molaho, monumai tararoi Tamaskus: vileahi na rani me tailahi motila taitalia:
4Mojovi me na tano, moroho na rorona moaso mea, Saul, Saul, sura sava oiveioso meau?
5Moaso, Iniho isei, Moli? Na Moli moaso, Inau Iesu, isei oiveioso mea:
6Oimaraha, oivano me na vanua tahajia, me itea movaraiho na sanu oivea.
7Ra tajua telaho valuia, tetetoho, tesaaso. Teroho na rorona, tesareni te tajua.
8Saul momaraha me na tano; ihisa ra matana teriorio, mosareni tajua: teau na havena, telavia me Tamaskus.
9Mosarioriova na nohi tolu, mosahani, mosa-oo.
10Na uluo hi Iesu, na hisena Ananaias, tomotoho me Tamaskus: mea na Moli moaso me na navuriorio, Ananaias. Moaso, Io, inau naanoi, Moli.
11Na Moli moaso mea, Oimaraha oivano me na rio na hisena Tataholo, oituhatuha me na peai Jutas suri na tajua Saul hi Tarsus: Varihi momatapisi.
12Moreni me na navuriorio na tajua Ananaias moruhusahamai, mojura havena ta mea sura morioriova.
13Natuha Ananaias moaso liliu, Moli, aroho ra tajua ra tari tevaraiau suri na tajua naa, moveioso tavere me ra uluo hi Iesu me Jerusalem:
14Naano molavi na hauhaua me ra varese-prist sura hajirira vunuvunu hire teore me na hisemu.
15Maa na Moli moaso mea, “Oisivano: alavi na, tajua naa movarao suriau me na vuati lolopohitupu me ra varese hire, na tajua Israel mono:
16Apisea pa ra sanu oso tahajia tevera mea suriau.”
17Ananaias molaho, moruhusahamai me na peana; mojura havepa mea, moaso, Tuahau Saul, Na Moli Iesu, isei momalua ta meho me na rio, mosulau sura oirioriova, oitavere hina Talume Tapu.
18Varihi ra sanu pala irisana tejovi mera matana: morioriova, momaraha, mopaptais.
19Tau mohani, mohauhaua. Natuha tomotoho valarani valui ra uluo hi Iesu me Tamaskus.
20Vileahi molalaa suri Iesu, me ra pea hina lotu hira Ju, inie na Matui Atua.
21Maa hire vunuvunu terohoe, teaso suria, inie na tajua movei leelee hire teore me na hise naa me Jerusalem, mosumai naa sura vea, sura hajirira, molavira me ra varese-prist.
22Maa Saul momauri hauhaua jivi: movera Ju me Tamaskus tepinisi tesapinisia, ipisera tajua naa inie Kristo.
23Tau na rani ra tari, ra Ju tetapura aso sura veimeteia,
24Maa Saul mopinisi telohotia. Temata ra riohouli me na pohi sura veimeteia.
25Natuha ra uluo hi Iesu telavia me na pohi, tesohonia me na taha, tejuria sivo me na tano, tararoi na sisi.
26Hisa Saul momalua me Jerusalem, momeje toni ra uluo hi Jesu: maa teine nie, tesarohoroho mo-uluo hi Iesu.
27Maa Parsapus molavia me ra Varisula, movaraira paleve morena Moli me na rio, moaso mea, paleve molalaa hauhaua me Tamaskus me na hisei Iesu.
28Tau Saul tomotoho me Jerusalem valuira Varisula.
29Molalaa hauhaua me na hisei Moli Iesu, moaso me ra tajua hi Kris; maa telaholaho sura veimeteia.
30Hisa Ra Tuahana tepinisia, telavia mosivo me Seseria, tesulae me na rio me Tarsus.
31Natuha ra uluo hi Iesu tetoho tamautu me Jutia, Kalili, Sameria vunuvunu temauri hauhaua; teine Atua, suria na Talume Tapu mo tuiturituara, temauri tetavere.
32Hisa Piter molaholaho me ra vanua ra tari, mosumai mono me ra uluo hi Iesu me Litta.
33Natuha mopasu na tajua na hisena Inias, monavu tuitui ra tauni limaravito, suria na epena momate.
34Piter moaso mea, “Inias, Iesu Kristo moveho oihauhaua: oimaraha, ve na hirem.” Varihi momaraha.
35Hire vunuvunu tetitoho me Litta me Saron terenia, teperehera me na Moli.
36Me Jawa, na hajae na uluo hi Iesu, na hisena Tapita, me na loei Kris, Torkas: movarao tahonai tuitui, morahuvuso.
37Momalua me na rani natuha morojo, momate: hisa telosovia, tejuria me na lolona pea neesahe.
38Suria Litta motararoi Jawa, ra uluo hi Iesu teroho Piter tomotohoae, tesulura tajua morua mea sura tuhae mosumai vileahi ta mera.
39Natuha Piter momaraha, molaho valuiral Hisa momalua, telavia me na lolona pea neesahe; ra patinau tetoho taitalia, tetahi, tepisera visivisi Torkas motulara, hisa momauri.
40Maa Piter morahutuhera, motie pau, momatapisi; mota perehea me na epena moaso, Tapita, oimaraha. Moriorio: hisa moreni Piter, mosihe turi.
41Moauraha na havenri, moalorahai, ihisa more ra uluo hi Iesu me ra patinau mopisea momauri.
42Hire vunuvunu hi Jawa tepinisia: ra tari tero-horoho me Na Moli.
43Momalua, tomotoho ra rani ra tari me Jawa valui Saimon, motaha-varao-hina-pinira.
Currently Selected:
Ra Vei Hira Yarisula 9: TLM9109
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
This is a historic text maintained by the British and Foreign Bible Society.