Ra Vei Hira Yarisula 13
13
NASOPENA 13.
1Valura provet me tiier tenie me Antiok hira uluo hi Iesu. Ra hisera Parnapas, Simeon na valuna hisena Maito, Lusius hi Sairine, Manen na sitahanonoho hi Herot, me Saul.
2Hisa telotu me na Moli, tesahani, na Talume Tapu moaso, “Otorahu tuhe suri au Parnapas me Saul sura na varao ajuri merarua.”
3Tau tesahani, tematanisi, tesehera havera ta merarua, tesulararua teralaho.
4Hirerua, na Talume Tapu mosulararua teralaho me Selusia; natuha tehaoani me Saiprus.
5Hisa teratoho me Salamis teralalaa na Leo hi Atua me ra pea hina lotu hi ra Ju: Jon mono motui-turi tuararia.
6Hisa telaho tusi na ureure me Pavos tepasu na taha muhamuha, na jihajiha provet na Ju, na hisena Par-iesu.
7Tomotoho me na vonae hina moli Serjius Paulus, na tajua pinisi; movarisula Parnapas tenumai, momeje na roho na Leo hi Atua.
8Maa Elimas na taha mahumahu (na hisena mopalea) momeje na tahaperehea ture na rohoroho.
9Natuha Saul (mojuria Paul mono) motavere hina Talume Tapu, moriopeturi nie,
10Moaso, “O tajua hina jihajiha, oipahilu! Iniho matuna Tamate! Iniho satuana hira sanu vunuvunu tataholo, motoma oisasori na peli ra rio hi na Moli?
11Varihi na havena Moli meho, iniho matapisi pa, oisareni na maso valarani.” Vileahi na jojora me na pohi mojovi mea: molaholaho, motiro na tajua sura pisea na rio.
12Natuha na moli hisa morena sanu movea, morohoroho, momahemahehae suri na lalaa hina Moli.
13Hisa Paul me ra tuana terune me Pavos, temalua me Perka hi Pamvilia: me Jon mojurira, motaliliu me Jerusalem.
14Hisa telaho me Perka, temalua me Antiok hi Pisitia, teruhusahamai me na pea hina lotu me na sapat, tesihe.
15Tau na evi na Leo hauhaua me ra Provet, na varese hina pea hina Lotu tevarisula mera, teaso, “Tajua me Tuahaja, vai orameje na lalaa na Leo tahonai me ra tanoho, oraaso naanoi.”
16Natuha Paul momaraha, moalo, moaso, “Tajua hi Israel me ra tajua isei otoroho Atua, otorohoau.
17Atua hira tajua Israel molavi ra tamaja, moau-rahai ra tajua hisa tesatajua hia me na ureure Ijipt, valui na have hauhaua, molavituhera.
18Suri ra tauni havulavate morahu hara me na Tano-Oru.
19Tau movei leelee ra tanoho molimaraverua me na ureure Kenan, movusi na tano mera.
20Tau morahu ta mera ra Taha-ilailahi suri ra tauni tari vahavate havulalima me na rani Samuel na Provet.
21Tau temeje na moli: Atua morahu ta mera Saul na matuna Sis, na tajua tavu hi Penjamen, suri ra tauni havulavate.
22Hisa molavi tuhea, moaurahai Tevit na moli hira; suria moaso, Apasu Tevit matui Jesse, na tajua pala lolou, movei pa ra sanu amejeia.
23Hira matura, Atua, palahi moaso mine, molavi me Israel na Taha-jolo Iesu.
24Hisa Jon molalaa majiha, mine momalua, molalaa na paptais hina jomi me ra tajua Israel.
25Taroroi na pilana varao mosori, moaso, “Otoninima inau isei? Inau sa Inie. Maa itea momalua me na tahuu, inau asatahonai sura nuni na vonae hina ena.
26Tajua me Tuahau, paule hina tavu hi Epereham, hije otoine Atua na Leo jolo hina momalua.
27Hire tetoho me Jerusalem, na varese hira mono, suria tesapinisia, tesapinisi ra rorona provet, isei teevi ra sapat vunuvunu, tevera tahajahu suria tevotoa.
28Tesapasu na sanu sura veimeteia maa tetuhae Pailot moveimeteia.
29Tau tevera sanu vunuvunu moulia suria, tealojuria mosivo me na hau, teputuhea me na moru.
30Maa Atua movea motamaraha hina mate:
31Hire temaraha me Kalili tevano me Jerusalem, isei tepisea me na vau, terenia ra rani ra tari.
32Tevaraija na leo ejieji paleve na aso me ra tamaja.
33Atua movea momalua ta meja, ra matura, suria movei Iesu motamaraha; mopala moulia me na Aviavi vaharua hi Tevit, “Iniho Matuu, havui oimalua.”
34Movea motamaraha hina mate, mosori mojano, moaso, “Arahu pa meja ra sanu tataholo hi Tevit.”
35Suria Tevit, tau movarao suri ra tajua me na rani hina, suria
36Atua momejeia, momate, tejuria taroroi me ra tamana, morena jano:
37Maa Inie, Atua movea motamaraha, mosarena jano.
38Suria, tajua me tuahau, otosipinisi suria na tajua naa telalaa ta meja na lavituhe na veivasoosoo.
39Suria hire vunuvunu terohoroho, tevera tetataholo, na sanu naa na leo hauhaua hi Moses mosavea.
40Otomata hije vai na sanu momalua meja, ra provet teaso suria,
41“Otoreni, tajua isei otovotoa, otomahamahae, otomate: suria avarao na varao me na rani hija, na varao otosarohoroho vai te tajua movarai amiu.”
42Hisa ra Ju teruhusivo me na oea hina Lotu, ra lolopohitupu tetuhae molalaa ra leo naa me na sapat valavano.
43Hisa ra tajua telaho, ra Ju ra tari me ra tajuatahapere hera telaho tahu Paul me Parnapas, tetivaraira tetitoho me na tahonai hi Atua.
44Me na sapat valavano taroroi ra tajua vunuvunu hina vanua tehuhurahi sura roho na Leo hi Atua.
45Hisa ra Ju tereni ra tajua ra tari, tepuripuri, tee tieti sura aso hi Paul, teaso mosalalaa taharahu, teaso oso.
46Hisa Paul me Parnapas terahauhaua, teraaso, “Tosilalaa na Leo hi Atua ta me aniiu majiha: maa suria otovotoa, ototapumto ninima otosatahonai sura mauri tuitui, suria to tahapereheja me ra lolopohitupu.
47Suria na Moli movaraija palahi, “Asulaja na Rani hira lolopohitupu, sura lavi na jolo me ra erena hina ulu.”
48Hisa ra lolopohitupu terohoe teejieji, teaso tahonai suri na Leo hi Atua: hire telavi na mauri tuitui, terohoroho.
49Na Leo hi Atua molaho tali na vonae.
50Maa ra Ju tevei ra hajae tahonai me tataholo tepuripuri, ra varese hina vanua sura veioso me Paul me Parnapas, tevera terovo ture ra vonara.
51Terajilejilea, temalua me Aikonium.
52Ra uluo hi Iesu tetavere hina ejieji, hina Talume Tapu mono.
Currently Selected:
Ra Vei Hira Yarisula 13: TLM9109
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
This is a historic text maintained by the British and Foreign Bible Society.