ᒐᓂᓯᔅ 9
9
ᒋᓴᒪᓂᑐᐤ ᑭᔭ ᓄᐛ ᐅᓂᔅᑯᒥᑐᐅᓄᐛᐤ
1ᒋᓴᒪᓂᑐᐤ ᒋ ᓱᐛᔨᑕᑯᐛᐤ ᑭᔭ ᒋ ᐃᑕᐤ ᓄᐛᔨᒋ ᑭᔭ ᐅᑯᓯᔪᐛ, “ᓇᑐᐛᔨᑕᓐ ᒥᓯᐛ ᒐᒂᓐ ᒐᒋ ᐃᓯ ᒥᔪᐱᔨᔭᒄ᙮ ᒐ ᒥᒐᑥᐊᑯᒡ ᒋᑦ ᐊᐛᓯᒧᐛᐅᒡ ᑭᔭ ᒍᓯᒧᐛᐅᒡ, ᐊᑯ ᒐᒋ ᒥᒐᑎᒡ ᐃᔪᒡ ᐅᑕ ᐊᔅᒋᒡ᙮ 2ᒥᓯᐛ ᐊᐛᓯᓯᒡ, ᐱᔭᓱᐅᒡ, ᒥᓐᑐᓯᒡ, ᑭᔭ ᓂᒪᓯᒡ ᒋᑭ ᑯᔅᑎᑯᐛᐅᒡ᙮ ᒋ ᐱᔅᑎᓂᒪᑎᓇᐛᐤ ᒐᒋ ᑎᐸᔨᒪᑯᒡ, 3ᑭᔭ ᒋ ᒥᔨᑎᓇᐛᐤ ᐅᒡ ᒐ ᐅᒥᒋᒥᔭᒄ᙮ ᒋᑭ ᒋ ᒧᐛᐛᐅᒡ ᐅᒡ, ᒧᔭᒻ ᑲ ᐃᓯ ᒥᔨᑎᑯᒡ ᑲ ᓯᐸᑯᐅᒋ ᓂᐱᔭ᙮
4ᒥᒄ ᑕᐸ ᒋᑭ ᒋ ᒥᒍᐛᓇᐛᐤ ᐎᔭᔅ ᐊᐛᓯᔅ ᐊᔅᒄ ᐊᑲ ᓯᑯᓂᒺᒄ ᐅᒥᐧᒄ, ᐛᔅ ᐊᐅᑯᔪᐤ ᐊᓂᔭ ᐅᑦ ᐃᔪᐎᓐ᙮ 5ᓂᒋ ᐃᓯᓇᒂᐅᒡ ᐃᔪᒡ ᒧᔭᒻ ᓂᔾ ᐊᓯᓇᑯᓯᔭᓐ, ᑭᔭ ᓂᑭ ᐊᓏᔨᒪᐤ ᓂᑐᐎᔾ ᐊᐛᓯᔅ ᑭᔭ ᒪᒃ ᐃᔪᐤ ᐅᑎᓇᒐ ᐃᔪᐅᓂᔪᐤ᙮ ᒥᓱᐤ ᐊᐛᓯᔅ ᓂᐸᐊᒐ ᐊᐛᔪᐛ, ᐊᐛᓯᔅ ᒋᑭ ᓂᐸᐊᑭᓄᐤ,
6ᑭᔭ ᒥᓱᐤ ᐊᐛᓐ ᐅᑎᓂᒺᒐ ᑯᑎᑲ ᐊᐛᔪᐛ ᐅᑦ ᐃᔪᐅᓂᔪᐤ, ᐊᓐ ᐊᐛᓐ ᒋᑭ ᐱᔅᑎᓇᑭᓄᐤ ᓂᐳᐅᓂᒡ;
ᐛᔅ ᒋ ᐃᑐᑐᐛᐤ ᒋᓴᒪᓂᑐᐤ ᐊᐛᔪᐛ ᒐ ᓂᔅᐱᑕᑯᑦ᙮
7ᒋ ᓂᑐᐛᔨᒥᑎᓇᐛᐤ ᒋᔾ ᑭᔭ ᒋᑐᑕᒥᒡ ᒐᒋ ᒥᒐᑐᓴᔭᒃ, ᐊᑯ ᒐ ᑕᒡ ᐃᔪᒡ ᒥᓯᐛ ᐅᑕ ᐊᔅᒋᒡ᙮”
Genesis 9.8-17 (Lent-1 Year B)
8ᒥᓐ, ᒋᓴᒪᓂᑐᐤ ᐃᑕᐤ ᓄᐛᔨᒋ ᑭᔭ ᐅᑯᓯᔪᐛ, 9“ᓂᑭ ᑐᑕᓐ ᐊᓱᑎᒪᒐᐅᓐ ᒋᔨᐛᐤ ᐅᒡ, ᑭᔭ ᒥᓯᐛ ᐊᐛᓐ ᒐ ᐱᒪᑎᓯᑦ, 10ᒋᒡ ᐱᔭᓱᐅᒡ ᑭᔭ ᐊᐛᓯᓯᒡ ᐅᐤᑎᒡ ᑲ ᐅᒋ ᐎᐎᒡ᙮ 11ᓂᑦ ᐊᓱᑎᒪᒐᓐ ᒥᓯᐛ ᐱᒪᑎᓯᐤ ᐊᐛᓯᔅ ᑭᔭ ᐊᓐᒡ ᐊᑕᒡ ᐅᑕ ᐊᔅᒋᒡ ᒐ ᐊᑲ ᒥᓐ ᐃᔅᒋᐸᒡ ᒐᒋ ᓂᓱᐅᓇᑎᒡ᙮”
12ᒥᓐ, ᒋᓴᒪᓂᑐᐤ ᐃᑕᐤ, “ᓂ ᐱᔅᑎᓇᓐ ᐎᐧᑯᐱᓴᑭᓐ ᐊᓐᑕ ᒋᓯᑯᒡ ᒐᒋ ᐛᐸᑎᔨᑎᑯᒡ ᑭᔭ ᒥᓯᐛ ᐱᒪᑎᓯᐤ ᐊᐛᓯᓯᒡ, 13ᒐᒋ ᒋᔅᒋᔭᒄ ᓇᓂᑎᒻ ᒐ ᑭᓄᐛᔨᑎᒪᓐ ᐅ ᐊᓱᑎᒪᒐᐅᓐ ᐊ ᐃᑐᑎᒪᓐ᙮ 14ᐃᑎᓴᐅᒂᐛ ᑭᔅᑯᐅᓐᒡ ᐃᔅᐱᒥᒡ ᐊᔅᒋᒡ, ᑭᔭ ᐎᐧᑯᐱᓴᑭᓐ ᓄᒂᒐ ᒋᓯᑯᒡ, 15ᓂᑭ ᒋᔅᒋᑕᓐ ᐊᓱᑎᒪᒐᐅᓐ ᑲ ᐃᑐᑎᒪᑎᑯᒡ ᑭᔭ ᒥᓯᐛ ᑯᑎᑭᒡ ᐱᒪᑎᓯᐤ ᐊᐛᓯᓯᒡ᙮ ᓇᒪ ᓂᑕ ᒥᓐ ᒋᑭ ᒋ ᐃᔅᒋᐸᐤ ᒐᒋ ᓂᓱᐅᓇᑎᒡ ᐱᒪᑎᓯᐅᓐ᙮ 16ᐛᐸᑎᒪᓇ ᐎᐧᑯᐱᓴᑭᓐ ᒋᓯᑯᒡ, ᓂᑭ ᒋᔅᒋᑕᓐ ᓇᓂᑎᒻ ᒐ ᑎᑯᓂᔨᒡ ᐊᓱᑎᒪᒐᐅᓂᔪᐤ ᒥᓯᐛ ᑲ ᐃᑐᑎᒧᐅᒂᐤ ᑲ ᐱᒪᑎᓯᒡ ᐃᔪᒡ᙮”
17ᒥᓐ, ᒋᓴᒪᓂᑐᐤ ᐃᑕᐤ ᓄᐛᔨᒋ, “ᐎᐧᑯᐱᓴᑭᓐ ᒋᑭ ᒋᔅᒋᓄᐛᓯᓇᑯᓐ ᐊᓐ ᓂᑦ ᐊᓱᑎᒪᒐᐅᓐ᙮”
ᓄᐛ ᑭᔭ ᐅᑯᓴ
18ᓄᐛ ᐊ ᓂᔅᑎᔨᒋ ᐅᑯᓴ ᐅᐤᑎᒡ ᑲ ᐅᒋ ᐎᐎᔨᒋ ᓴᒻ, ᐊᒻ ᑭᔭ ᒐᐸᑦ ᐃᓯᓂᐧᑲᓱᔪᐛ᙮ ᐊᒻ ᓇᓇᒐ ᒋ ᐅᑯᓱᐤ ᑲᐃᓇᓐ ᒋ ᐃᓯᓂᐧᑲᑕᑭᓄᐅᔪᐛ᙮ 19ᐅᔭ ᐊ ᓂᔅᑎᔨᒋ ᓄᐛ ᐅᑯᓴ ᐊᑯᑕ ᑲ ᐅᒋᐱᔨᒡ ᒥᓯᐛ ᐃᔪᒡ ᐅᑕ ᐊᔅᒋᒡ᙮
20ᓄᐛ ᒂ ᐃᑕᐱᑎᓯᑦ ᐊ ᓂᑕᐅᒋᑕᑦ ᒥᒋᒥᔪᐤ ᑭᔭ ᐎᔾ ᓂᔅᑎᒻ ᒋ ᓂᑕᐅᒋᑕᐤ ᓱᒥᓇᑎᑯ ᓂᑕᐅᒋᑕᑭᓂᔪᐤ᙮ 21ᐸᐃᒂᐤ ᒋ ᒥᔪᑯᓱᐤ ᐅᓴᒻ ᐊᒋ ᒥᔅᑎᒥᓂᑦ ᑲ ᒥᒂᑭᒥᔨᒡ ᑭᔭ ᑲ ᐱᒥᓯᐧᒃ ᐊ ᒧᓴᔅᑭᑕᑦ ᐊᓐᑕ ᐅᐱᒍᐎᔭᓂᒋᐛᐱᒡ᙮ 22ᐊᒻ, ᑲᐃᓇᓐ ᐅᑕᐎᔭ, ᒂ ᐱᒐᑦ ᐱᒍᐎᔭᓂᒋᐛᐱᒡ, ᐎᔭᐱᒪᑦ ᐊ ᒧᓴᔅᑭᑕᔨᒋ, ᒂ ᐎᑎᒧᐛᑦ ᐎᐧᑲᓂᓴ᙮ 23ᓴᒻ ᑭᔭ ᒐᐸᑦ ᒂ ᐅᑎᓇᒡ ᐊᑯᐱᔪᐤ ᐅᑎᑎᒥᓄᐛᒡ ᐊᔅᑕᒡ ᑭᔭ ᒂᓴᑕᒡ ᐊ ᐱᒐᒡ ᐱᒍᐎᔭᓂᒋᐛᐱᒡ᙮ ᐊᑯ ᐊᑯᓇᐛᒡ ᐅᑕᐎᐛᐛ ᐊᑲ ᒋᑕᐱᒪᒡ᙮
24ᑲᒋ ᐅᓂᑦ ᓄᐛ ᑭᔭ ᑲ ᒋᔅᒐᔨᑕᐧᒃ ᐊᐛᓯᐎᔨᒋ ᐅᑯᓴ ᐊᒻ ᑲ ᐃᑐᑎᒥᔨᒋ, 25ᒂ ᐃᔅᒋᔄᑦ,
“ᓂᑦ ᐊᓏᔨᒪᐤ ᑲᐃᓇᓐ !
ᐅᔅᑕᓴ ᐅᑯᐸᓇᒥᔪᐛ ᒋᑭ ᐅᑯᐸᓇᒥᑕᑯᐤ᙮”
26ᑭᔭ ᒂ ᐃᔅᒋᔄᑦ,
“ᒪᒃ ᓂᑐᐛᔨᑎᒧᐛᐤ ᑎᐸᔨᒋᒐᓱᐤ, ᓂᒋᓴᒪᓂᑐᒻ,
ᒐᒋ ᓱᐛᔨᒪᑦ ᓴᒪ ᑭᔭ ᒐᒋ ᐃᑐᑐᐛᑦ ᑲᐃᓇᓇ ᒐᒋ ᑯᐸᓇᐎᔨᒋ᙮
27ᑭᒪ ᒥᓐ ᑎᐸᔨᒋᒐᓱᐤ ᒥᔭᑦ ᒐᐸᑕ ᐊᔅᒋᔪᐤ;
ᑭᔭ ᐃᑐᑐᐛᑦ ᒐᒋ ᐅᑎᓂᒺᑦ ᓴᒪ ᐅᑎᐸᔨᑎᒧᐅᓂᔪᐤ,
ᑭᔭ ᑲᐃᓇᓇ ᒐ ᐅᑯᐸᓇᒥᔨᒋ᙮”
28ᓄᐛ ᓂᔅᑐ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᔪᐤ ᐱᐳᓇ ᒋ ᐃᔅᐱᔅ ᐱᒪᑎᓯᐤ ᑲᒋ ᐃᔅᒋᐸᔨᒡ, 29ᑭᔭ ᐸᐃᑯᔅᑕᐤ ᑕᑐᐤ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᔪᐤ ᒋ ᐃᑕᑐᐳᓇᓱᐤ ᑲ ᐳᓂᐱᒪᑎᓯᑦ᙮
Currently Selected:
ᒐᓂᓯᔅ 9: ᓇᔅᑲᐱ
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada