ᒐᓂᓯᔅ 22
22
ᒋᓴᒪᓂᑐᐤ ᑲ ᑯᒂᒐᐊᑦ ᐊᑉᕋᐊᒪ
Genesis 22.1-14 (Proper-8 Year A)
1ᓇᓇᒐ ᒋᓴᒪᓂᑐᐤ ᒋ ᑯᒂᒐᐊᐤ ᐊᑉᕋᐊᒪ ᑭᔭ ᒂ ᐃᑕᑦ, “ᐊᑉᕋᐊᒻ !” ᐊᑉᕋᐊᒻ ᐊᑕᑦ, “ᒐᒂᓐ ᑎᐸᔨᒋᒐᓱᐤ ? ᒋ ᓂᑐᑕᑎᓐ᙮”
2ᐊᑯ ᒋᓴᒪᓂᑐᐛ ᐊᑎᑯᑦ, “ᐅᑎᓐ ᒋᑯᔅ, ᑲ ᐸᐃᑯᓯᑦ ᒥᒄ ᒋᑯᔅ ᐊᐃᓯᒃ ᐊᓐ ᒪᐅᒡ ᑲ ᓴᒋᐃᑦ ᑭᔭ ᒐ ᐃᑐᑕᔭᒄ ᐊᓐ ᐱᔅᑯᑎᓇᐤ ᒐ ᐛᐸᑎᔨᑕᓐ ᐊᓐᑕ ᒧᕋᔭ ᐊᔅᒋᒡ᙮ ᒐ ᐱᔅᑎᓂᒐᔨᓐ ᒋᑯᔅ ᐊᓐᑕ ᐱᔅᑎᓂᒐᐅᓇᐱᔅᑯᒡ ᒧᔭᒻ ᒥᑐᔅᑕᐊᒪᒐᐅᓐ᙮”
3ᒥᓐ ᒋᔭᒋᓴᐸᔭᔨᒡ ᐎᐱᒡ ᒋ ᐅᓂᔪᐤ ᐊᑉᕋᐊᒻ ᑭᔭ ᒋ ᐛᑕᔭᐤ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮ ᓂᓱ ᒋ ᐅᑎᓇᐤ ᐅᑦ ᐊᐱᒋᐊᑭᓇ ᒐ ᐎᒐᐅᑯᑦ ᑭᔭ ᐅᑯᓴ ᐊᐃᓯᑲ᙮ ᐊᒺᔭ ᔅᑐᑕᑦ, ᐊᑉᕋᐊᒻ ᒋ ᑕᔅᑲᐊᒻ ᒥᑕ ᒐ ᑯᑐᐛᒐᑦ ᑭᔭ ᒋ ᐃᑐᑕᐤ ᐊᓐᑕ ᐃᑕᐅᓂᒡ ᑲ ᐃᑎᑯᑦ ᒋᓴᒪᓂᑐᐛ ᒐᒋ ᐃᑐᑕᑦ᙮
4ᓂᔅᑐ ᒋᓯᑲᐛ ᑲᒋ ᐃᔅᐱᔅ ᐱᒧᑕᒡ, ᐊᑉᕋᐊᒻ ᒋ ᔭᐛᐸᑎᒻ ᐱᔅᑯᑎᓇᔪᐤ᙮ 5ᐊᑯ ᐊᑉᕋᐊᒻ ᐊᑕᑦ ᐅᑦ ᐊᐱᒋᐊᑭᓇ, “ᓂᔾ ᑭᔭ ᓂᑯᔅ ᓂᑭ ᐃᑐᑕᓇᓐ ᓇᑕ ᐱᔅᑯᑎᓇᒡ ᑭᔭ ᓂᑭ ᒥᔭᓇᓐ ᒋᓴᒪᓂᑐᐤ ᒥᑐᔅᑕᐊᒪᒐᐅᓂᔪᐤ, ᐊᑯ ᒪᒃ ᑲᐤ ᒐ ᓂᑐᐛᐱᒥᑕᒡ᙮ ᐊᑯ ᑕᒄ ᐅᑕ ᐊᓯᒡ ᑲᓂᐧᑲᑎᓯᑦ ᑲᐸᐃᑭᔎᐤ ᐸᑎᒪ ᑎᑯᓯᓂᔭᒐ᙮”
6ᐊᑉᕋᐊᒻ ᒋ ᒥᔭᐤ ᐅᑯᓴ ᒥᑕ ᒐᒋ ᑕᐧᑯᓂᒥᔨᒋ᙮ ᐎᔾ ᒧᐧᑯᒪᓂᔪᐤ ᑭᔭ ᐃᔎᔅᒐᔪᐤ ᒐ ᑯᑐᐛᒐᑦ ᒋ ᑕᐧᑯᓂᒻ᙮ ᒪᒧᐤ ᐊ ᓂᓯᒡ ᒂ ᔅᑐᑕᒡ᙮ 7ᐊᐃᓯᒃ ᒋ ᐃᔨᒧᐤ ᑭᔭ ᒂ ᐃᑕᑦ ᐅᑕᐎᔭ ᐊᑉᕋᐊᒪ, “ᓄᑕ !”
ᐊᑉᕋᐊᒻ ᒋ ᐃᑕᐤ, “ᒐᒂᓐ ᓂᑯᓴ ?”
ᐊᐃᓯᒃ ᐃᑕᐤ, “ᒋ ᑭᓄᐛᔨᑕᓇᓄᐤ ᒥᑕ ᑭᔭ ᐃᔎᔅᒐᐤ ᒐ ᑯᑐᐛᒐᔭᐧᒄ, ᒥᒄ ᑕᓐ ᐊᓐ ᒪᔭᑕᓂᔅ ᒐ ᒥᑐᔅᑕᐊᒪᒐᔭᐧᒄ ?”
8ᐊᑉᕋᐊᒻ ᐃᑕᐤ᙮ “ᓂᑯᓴ, ᐎᔾ ᑎᐱᔨᐛ ᒋᓴᒪᓂᑐᐤ ᒋᑭ ᐅᑎᓇᐤ ᒪᔭᑕᓂᓴ ᒐ ᒥᑐᔅᑕᐊᒪᒐᐛᐧᒄ᙮” ᐊᑯ ᒪᒧᐤ ᐊᑎ ᐱᒧᑕᒡ᙮
9ᐃᔅᐱ ᐛᑎᑕᒡ ᐃᑕᐅᓂᔪᐤ ᑲ ᐊᔨᒧᑎᒪᑯᑦ ᒋᓴᒪᓂᑐᐛ, ᒋ ᐅᓯᑕᐤ ᒪᒃ ᐊᑉᕋᐊᒻ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒋ ᑕᐧᑯᑎᔅᑕᐤ ᐊᓐᑕ ᒥᑕ᙮ ᒋ ᒪᑯᐱᑕᐤ ᐅᑯᓴ ᐊᐃᓯᑲ ᑭᔭ ᐱᔅᑎᓂᒐᐅᓇᐱᔅᑯᒡ ᒂ ᑕᑯᒋᐱᔅᑎᓇᑦ ᒥᑎᒡ᙮ 10ᐊᑯ ᐛᑎᓇᐧᒃ ᒧᐧᑯᒪᓂᔪᐤ ᒐᒋ ᓂᐸᐊᑦ ᐅᑯᓴ᙮ 11ᓯᔅᒋᑯᒡ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ ᒋᒋᒋᓯᑯᒡ ᒋ ᐅᒋ ᑕᑈᑎᑯ ᐊ ᐃᑎᑯᑦ, “ᐊᑉᕋᐊᒻ ! ᐊᑉᕋᐊᒻ !”
ᐊᑉᕋᐊᒻ ᐃᑕᐤ, “ᓂᑦ ᐃᑕᓐ ᐅᑕ᙮”
12ᐊᓐᒋᓇ ᐃᑎᑯᐤ, “ᐊᑲ ᓂᐸᐃ ᒋᑯᔅ, ᐊᑲ ᐃᔭᐱᒡ ᐊᐧᑯᐃᔾ, ᐛᔅ ᐊᓄᒡ ᓂ ᒋᔅᒐᔨᑕᓐ ᐊ ᒋᔅᑕᔨᒥᑦ ᑭᔭ ᓂᔭᐃᑐᐅᑦ ᒋᓴᒪᓂᑐᐤ᙮ ᓇᒪ ᒋ ᐅᒋ ᐊᓏᑕᓐ ᑲ ᐸᐃᑯᓯᑦ ᒋᑯᔅ ᒐᒋ ᐱᔅᑎᓂᒪᒐᔨᓐ᙮”
13ᒋ ᐅᐸᐳᐤ ᐊᑉᕋᐊᒻ ᑭᔭ ᒂ ᐛᐱᒪᑦ ᓇᐸ ᒪᔭᑕᓂᓴ ᐊᓴᑲᔅᑯᒋᒪᔨᒋ ᐅᑦ ᐊᔅᑭᓂᔪᐛ ᐊᓐᑕ ᓯᑲᒡ᙮ ᒋᓇᑕᐤ ᑭᔭ ᒂ ᐅᑎᓇᑦ ᑭᔭ ᐸᔅᑎᓂᒐᑦ ᓇᐸ ᒪᔭᑕᓂᓴ ᒧᔭᒻ ᒥᑐᔅᑕᐊᒪᒐᐅᓂᔪᐤ, ᐊᑲ ᒥᔅᑯᒡ ᐊᓂᔭ ᐅᑯᓴ᙮ 14ᒪᒃ “ᑎᐸᔨᒋᒐᓱᐤ ᑲ ᐅᑎᓂᒪᒐᑦ,” ᒋ ᐃᓯᓂᐧᑲᑎᒻ ᐊᑉᕋᐊᒻ ᐊᓂᔭ ᐃᑕᐅᓂᔪᐤ ᑭᔭ ᐃᔪᒡ ᐃᔭᐱᒡ ᐊᓄᒡ ᑲᓯᑲᔨᒡ ᒂ ᐃᔅᒋᔄᒡ, “ᐊᓐᑕ ᐅᐱᔅᑯᑎᓇᒥᒡ ᑎᐸᔨᒋᒐᓱᐤ, ᒋᑭ ᐅᑎᓂᒪᒐᐤ᙮”
15ᒥᓄᐛᒡ ᒋᒋᒋᓯᑯᒡ ᐛᒋ ᑕᑈᑎᑯᑦ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ᙮ 16ᒂ ᐃᑎᑯᑦ, “ᓂᑦ ᐃᓯᓂᐧᑲᓱᐅᓂᒡ ᐅᒡ ᓂ ᑐᑕᓐ ᐊᓱᑎᒪᒐᐎᓐ ᐃᔅᒋᔄᐤ ᐅᑎᐸᔨᒋᒐᐤ, ᐛᔅ ᐊᓐ ᑎᔭᑈᑐᐎᓐ ᑭᔭ ᐊᑲ ᐅᒋᑯᔅᑎᔨᓐ ᑲ ᐸᐃᑯᑦ ᒋᑯᔅ᙮ 17ᒋᑭ ᒥᔪᑐᑕᑎᓐ, ᓂᑭ ᒥᒐᑐᐛᐅᒡ ᒋᑦ ᐊᐛᓯᒥᒡ ᒧᔭᒻ ᐊᔅᐱᒐᑎᒡ ᐅᒐᑭᑕᐧᑯᒡ ᒋᓯᑯᒡ ᑭᔭ ᒧᔭᒻ ᐃᔭᑲᐤ ᐊᓐᑕ ᓇᓯᐸᑎᒥᒡ᙮ ᒋᑭ ᓴᒂᐅᒡ ᒋᑦ ᐊᐛᓯᒥᒡ ᐊᓂᔭ ᑲ ᐛᐧᑲᑎᑯᒡ ᑭᔭ ᐅᑦ ᐃᑕᐅᓂᔪᐛ ᒋᑭ ᓴᑯᑕᐛᐅᒡ᙮ 18ᒋᑦ ᐊᐛᓯᒥᒡ ᐅᒡ ᓂᑭ ᒥᔪᑐᑐᐛᐅᒡ ᒥᓯᐛ ᐃᔪᒡ ᐊᓐᑕ ᐊᔅᒋᒡ, ᐊᐅᑯᐤ ᒋᑎᐸᐊᒪᑯᓯᐅᓐ ᐊᒋ ᑕᑈᔭᔨᒥᔨᓐ᙮”
19ᐊᑯ ᐊᑉᕋᐊᒻ ᑭᔭ ᐊᐃᓯᒃ ᑲᐤ ᒋ ᓂᑐᐛᐱᒪᐅᒡ ᐊᐱᒋᐊᑭᓇ ᑭᔭ ᒪᒧᐤ ᒋ ᐃᑐᑕᐅᒡ ᐱᕐ-ᓯᐸ ᐊᓐᑕ ᑲ ᐎᒋᑦ ᐊᑉᕋᐊᒻ᙮
ᓇᐅᕐ ᐅᑯᓴ
20ᓇᓇᒐ ᐊᑉᕋᐊᒻ ᒋ ᐎᑎᒧᐛᑭᓄᐤ ᐎᐧᑲᓂᓴ ᓇᐅᕋ ᑭᔭ ᐎᐛ ᒥᓪᑲ ᔭᓇᐤ ᐊᑕᑎᓯᔨᒋ ᐅᑦ ᐊᐛᓯᒥᔪᐛ᙮ 21ᓂᔅᑎᒧᓴᓇ ᐅᔅ, ᐎᐧᑲᓂᓴ ᐳᔅ, ᑭᔭ ᑭᒥᐅᓪ, ᐊᕋᒻ ᐅᑕᐎᔭ᙮ 22ᒐᓯᑦ, ᐊᓱ, ᐱᓪᑕᔅ, ᒋᑦᓚᑉ, ᑭᔭ ᐸᑎᐅᓪ᙮ 23ᕋᐸᑲ ᒋ ᐅᑕᐎᔪᐤ ᐸᑎᐅᓚ᙮ ᒥᓪᑲ ᔭᓇᐤ ᒋ ᓂᑕᐅᒋᐃᒪᐤ ᓇᐅᕋ ᐅᑯᓯᔪᐛ, ᐊᑉᕋᐊᒪ ᐎᐧᑲᓂᓯᐛ᙮ 24ᒋ ᑕᔪᐛ ᑯᑎᑲ ᐎᐛ ᓇᐅᕐ, ᕈᒪ ᒋ ᐃᓯᓂᐧᑲᓱᔪᐛ᙮ ᓇᐅᕐ ᑭᔭ ᕈᒪ ᒋᓇᐅᔪᐛ ᐅᑯᓱᐛᐛ, ᑎᐸ, ᑲᐊᒻ, ᑕᐊᔅ ᑭᔭ ᒪᐊᑲ᙮
Currently Selected:
ᒐᓂᓯᔅ 22: ᓇᔅᑲᐱ
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada