ᒐᓂᓯᔅ 11
11
ᐸᐱᓪ ᑲ ᐃᔅᐸᒡ ᒥᒋᐛᑉ
1ᐅᔅᑭᒡ ᒥᓯᐛ ᐊᐛᓐᒋ ᐅᑕ ᐊᔅᒋᒡ ᒋ ᐸᐃᒂᓂᔪᐤ ᐅᑦ ᐃᔨᒧᐅᓄᐛᐤ 2ᐱᔅᒐ ᑲᒋ ᐅᑐᑕᒡ ᐛᐱᓄᑕᒡ ᑭᔭ ᑲ ᐎᒋᒡ ᐊᓐᑕ ᐸᐱᓗᓂᔭ ᐊᔅᒋᒡ᙮ 3ᒂ ᐃᔅᒋᔄᒡ, “ᐅᓯᑎᒪᓱᑕᐤ ᐅᑕᓇᐤ ! ᐊᓯᔅᒍᐤ ᐊᓯᓂᔾ ᒐ ᐊᐱᒋᐊᐧᒄ ᑭᔭ ᐱᒍᐤ ᒐᒋ ᒪᒧᐅᒥᒋ᙮” ᐊᑯ ᒋ ᐊᐱᒋᐊᐅᒡ ᐊᓯᔅᒍᐤ ᐊᓯᓂᔾ ᒧᔭᒻ ᐊᓯᓂᔭ, ᑭᔭ ᐱᒍᐛ ᒧᔭᒻ ᐊᓯᓂᔾ ᐱᓯᒂᐃᑭᓇ᙮ 4ᐊᑯ ᒂ ᐃᔅᒋᔄᒡ, “ᐅᓯᑎᒪᓱᑕᐤ ᐅᑕᓇᐤ ᒋᒡ ᐊ ᐃᔅᐸᒡ ᒥᒋᐛᑉ ᐊᓐ ᒐ ᐅᑎᒋᐱᒡ ᒋᒋᒋᓯᑯᒡ, ᒋᑭ ᒥᔅᑎ ᐃᑕᔨᑕᑯᓯᓇᓄᐤ, ᑭᔭ ᒐ ᐊᑲ ᒋ ᑕᑎᐸᓐ ᑎᔨᑯᐅᔭᐧᒄ ᐅᑕ ᒥᓯᐛ ᐊᔅᐱᑎᔅᑭᒥᑲᒡ ᐊᔅᒋᒡ᙮”
5ᐊᑯ ᑎᐸᔨᒋᒐᓱᐤ ᒪᒃ ᒋ ᐸᒋ ᔭᓯᐤ ᒐᒋ ᒋᑕᐸᑕᐧᒃ ᐅᑕᓇᔪᐤ ᑭᔭ ᑲ ᐃᔅᐸᔨᒡ ᒥᒋᐛᐱᔪᐤ, 6ᑭᔭ ᒂ ᐃᔅᒋᔄᑦ, “ᐅᒡ ᐃᔪᒡ ᒪᒧᐤ ᐎᒋᑐᔅᒐᒥᑐᐅᒡ ᑭᔭ ᐸᐃᑯᑕᐤ ᐃᔨᒧᐅᓂᔪᐤ ᐃᔨᒧᐅᒡ᙮ ᐊᐅᑯᐤ ᒥᒄ ᐛ ᒋᒋᐱᔨᒡ ᐊᓂᔭ ᒐᒂᔪᐤ ᒐ ᑐᑕᒡ, ᐸᓱᓇᑯᓂᔪᐤ ᐎᔨᐛᐤ ᒐᒋ ᑐᑕᒡ ᓂᑐᐎᔾ ᒐᒂᔪᐤ ᐛᑐᑕᒡ᙮ 7ᐊᔅᑎᒻ ᔭᓯᑕᐤ ᑭᔭ ᒐ ᐃᑐᑐᐛᐧᑯᒡ ᑕᑎᐸᓐ ᒐ ᐃᓯ ᐃᔨᒥᒡ ᐃᔨᒧᐅᓇ ᒐ ᐊᑲ ᒋ ᓂᔅᑐᑕᑐᒡ᙮”
8ᐊᑯ ᑎᐸᔨᒋᒐᓱᐤ ᒂ ᐃᑎᓴᐛᑦ ᒥᓯᑕ ᐅᑕ ᒥᓯᐛ ᐊᔅᐱᑎᔅᑭᒥᑲᔨᒡ ᐊᔅᒋᒡ ᑭᔭ ᒂ ᐳᓂᒡ ᐊ ᐅᓯᑕᒡ ᐅᑕᓇᔪᐤ᙮ 9ᐊᑯ “ᐸᐱᓪ” ᒋ ᐃᓯᓂᐧᑲᑕᑭᓄᐤ ᐅᑕᓇᐤ ᐛᔅ ᐊᑯᑕ ᐊᓐᑕ ᑎᐸᔨᒋᒐᓱᐤ ᑲ ᐃᑐᑐᐛᑦ ᑕᑎᐸᓐ ᒐ ᐃᓯ ᐃᔨᒥᔨᒋ᙮ ᒋ ᐃᑎᓴᐛᐤ ᐃᔪᐛ ᐊᓐᑕ ᒥᓯᐛ ᐊᔅᐱᑎᔅᑭᒥᑲᔨᒡ ᐊᔅᒋᒡ ᒐᒋ ᑕᔨᒋ᙮
ᓴᒻ ᐅᑦ ᐊᓂᔅᑯᑕᐸᓇ
10ᐊᐅᑯᐤ ᐊᓯ ᑎᐸᒋᒪᑭᓄᔨᒋ ᓴᒻ ᐅᑦ ᐊᓂᔅᑯᑕᐸᓇ᙮
ᓂᓱᐳᓇ ᑲᒋ ᐃᔅᒋᐸᔨᒡ, ᐃᔅᐱ ᓴᒻ ᑲ ᐸᐃᑯ ᒥᑕᓯᒥᑎᓄᐛᐳᓇᓯᑦ, ᒋ ᑕᔪᐛ ᐅᑯᓴ ᐊᕐᐸᑭᓴᑦ ᐊᓯᓂᐧᑲᑕᑭᓄᔨᒋ᙮ 11ᒋ ᑕᔪᐛ ᑯᑎᑲ ᒥᒐᑦ ᐅᑦ ᐊᐛᓯᒪ ᑭᔭ ᒂ ᐳᓂᐱᒪᑎᓯᑦ ᐱᑕᑕᒡ ᑕᑐᐤ ᒥᑕᓯᒥᑎᓄᐤ ᑲ ᐃᑕᑐᐳᓇᓯᑦ᙮
12ᓂᔅᑐᔪᐤ ᐊᓱ ᐱᑕᑕᒡ ᑲ ᐃᑕᑐᐳᓇᓯᑦ ᐊᕐᐸᑭᓴᑦ, ᒋ ᑕᔪᐛ ᐅᑯᓴ ᓯᓚ ᐊᓯᓂᐧᑲᑕᑭᓄᔨᒋ᙮ 13ᒋ ᑕᔪᐛ ᑯᑎᑲ ᒥᒐᑦ ᐅᑦ ᐊᐛᓯᒪ ᐊᕐᐸᑭᓴᑦ, ᐊᑯ ᒂ ᐳᓂᐱᒪᑎᓯᑦ ᓇᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐊᓱ ᔭᓇᐤ ᑲ ᐃᑕᑐᐳᓇᓯᑦ᙮
14ᓂᔅᑐᔪᐤ ᑲ ᐃᑕᑐᐳᓇᓯᑦ ᓯᓚ, ᒋ ᑕᔪᐛ ᐅᑯᓴ ᐃᐳᕐ ᐊᓯᓂᐧᑲᑕᑭᓄᔨᒋ᙮ 15ᒋ ᑕᔪᐛ ᑯᑎᑲ ᒥᒐᑦ ᐅᑦ ᐊᐛᓯᒪ ᓯᓚ, ᐊᑯ ᒂ ᐳᓂᐱᒪᑎᓯᑦ ᓇᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐊᓱ ᓂᔅᑐ ᑲ ᐃᑕᑐᐳᓇᓯᑦ᙮
16ᓂᔅᑐᔪᐤ ᐊᓱ ᓇᐤ ᑲ ᐃᑕᑐᐳᓇᓯᑦ ᐃᐳᕐ, ᒋ ᑕᔪᐛ ᐅᑯᓴ ᐸᓚᒃ ᐊᓯᓂᐧᑲᑕᑭᓄᔨᒋ᙮ 17ᒋ ᑕᔪᐛ ᑯᑎᑲ ᒥᒐᑦ ᐅᑦ ᐊᐛᓯᒪ ᐃᐳᕐ, ᐊᑯ ᒂ ᐳᓂᐱᒪᑎᓯᑦ ᓇᐤ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐤ ᐊᓱ ᓇᐤ ᑲ ᐃᑕᑐᐳᓇᓯᑦ᙮
18ᓂᔅᑐᔪᐤ ᑲ ᐃᑕᑐᐳᓇᓯᑦ ᐸᓚᒃ, ᒋ ᑕᔪᐛ ᐅᑯᓴ ᕆᐅ ᐊᓯᓂᐧᑲᓱᐎᔨᒋ᙮ 19ᒋ ᑕᔪᐛ ᑯᑎᑲ ᒥᒐᑦ ᐅᑦ ᐊᐛᓯᒪ ᐸᓚᒃ, ᐊᑯ ᒂ ᐳᓂᐱᒪᑎᓯᑦ ᓂᓱ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐊᓱ ᐸᐃᑯᔅᑕᐤ ᑲ ᐃᑕᑐᐳᓇᓯᑦ᙮
20ᓂᔅᑐᔪᐤ ᐊᓱ ᓂᓱ ᑲ ᐃᑕᑐᐳᓇᓯᑦ ᕆᐅ, ᒋ ᑕᔪᐛ ᐅᑯᓴ ᓴᕈᒃ ᐊᓯᓂᐧᑲᑕᑭᓄᔨᒋ᙮ 21ᒋ ᑕᔪᐛ ᑯᑎᑲ ᒥᒐᑦ ᐅᑦ ᐊᐛᓯᒪ ᕆᐅ, ᐊᑯ ᒂ ᐳᓂᐱᒪᑎᓯᑦ ᓂᓱ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐊᓱ ᐸᐃᑯᔅᑕᐤ ᑲ ᐃᑕᑐᐳᓇᓯᑦ᙮
22ᓂᔅᑐᔪᐤ ᑲ ᐃᑕᑐᐳᓇᓯᑦ ᓴᕈᒃ, ᒋ ᑕᔪᐛ ᐅᑯᓴ ᓇᐅᕐ ᐊᓯᓂᐧᑲᓱᔨᒋ᙮ 23ᒋ ᑕᔪᐛ ᑯᑎᑲ ᒥᒐᑦ ᐅᑦ ᐊᐛᓯᒪ ᓴᕈᒃ, ᐊᑯ ᒂ ᐳᓂᐱᒪᑎᓯᑦ ᓂᓱ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᑲ ᐃᑕᑐᐳᓇᓯᑦ᙮
24ᓂᓱᔪᐤ ᐊᓱ ᐸᐃᑯᔅᑕᐤ ᑲ ᐃᑕᑐᐳᓇᓯᑦ ᓇᐅᕐ, ᒋ ᑕᔪᐛ ᐅᑯᓴ ᑕᕋ ᐊᓯᓂᐧᑲᑕᑭᓄᔨᒋ᙮ 25ᒋ ᑕᔪᐛ ᑯᑎᑲ ᒥᒐᑦ ᐅᑦ ᐊᐛᓯᒪ ᓇᐅᕐ, ᐊᑯ ᒂ ᐳᓂᐱᒪᑎᓯᑦ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᔭᓇᐤ ᑲ ᐃᑕᑐᐳᓇᓯᑦ᙮
26ᑲᒋ ᓂᔄᐅᑕᒡ ᑕᑐᔪᐤ ᐃᑕᑐᐳᓇᓯᑦ ᑕᕋ, ᒋ ᓂᔅᑎᔨᐛ ᐅᑯᓴ: ᐊᑉᕋᒻ, ᓇᐅᕐ ᑭᔭ ᐦᐊᕋᓐ᙮
ᑕᕋ ᐅᑦ ᐊᓂᔅᑯᑕᐸᓇ
27ᐊᐅᑯᐤ ᐊᓯ ᑎᐸᒋᒪᑭᓄᔨᒋ ᑕᕋ ᐅᑦ ᐊᓂᔅᑯᑕᐸᓇ᙮
ᑕᕋ ᒋ ᓂᔅᑎᐛ ᐅᑯᓴ, ᐊᑉᕋᒻ, ᓇᐅᕐ ᑭᔭ ᐦᐊᕋᓐ᙮ ᐊᕋᓐ ᒋ ᑕᔪᐛ ᐅᑯᓴ ᓗᑦ ᐊᓯᓂᐧᑲᓱᔨᒋ, ᑕᕋ ᐊ ᓂᔅᑎᔨᒋ ᐅᑯᓴ ᐊᑯᑕ ᑲ ᐃᔪᔨᒋ ᐊᓐᑕ ᐅᕐ ᐅᑕᓇᔪᐤ ᐊᓐᑕ ᑲᓪᑎᔭ᙮ 28ᐊᑯᑕ ᑲ ᐳᓂᐱᒪᑎᓯᑦ ᐦᐊᕋᓐ ᐊᔅᒄ ᐊᑲ ᐅᒋ ᐳᓂᐱᒪᑎᓯᔨᒋ ᐅᑕᐎᔭ᙮ ᐊᐅᑯᐤ ᐊᓯᐎᔭᑭᓄᔨᒋ ᑕᕋ ᐅᑦ ᐊᓂᔅᑯᑕᐸᓇ, 29ᐊᑉᕋᒻ ᑭᔭ ᓇᐅᕐ ᐊ ᓂᓯᒡ ᒋ ᓂᐳᐎᒡ, ᐊᑉᕋᒻ ᐎᐛ ᓴᕋᐃ ᒋ ᐃᓯᓂᐧᑲᓱᔪᐛ᙮ ᓇᐅᕐ ᐎᐛ ᒥᓪᑲ ᒋ ᐃᓯᓂᐧᑲᓱᔪᐛ, ᐦᐊᕋᓇ ᐅᑕᓂᓯᔪᐛ᙮ ᐦᐊᕋᓐ ᒋ ᐅᑕᐎᒪᐤ ᒥᓪᑲ ᑭᔭ ᐃᔅᑲ᙮ 30ᒥᒄ ᓴᕋᐃ ᓇᒪ ᐅᒋ ᐅᑦ ᐊᐛᓯᒧᐤ, ᐊᑯ ᓇᒪ ᐅᒋ ᑭᓄᐛᔨᒪᐤ ᐊᐛᓴ᙮
31ᑕᕋ ᒋ ᔅᑐᑕᐊᐤ ᐅᑯᓴ ᐊᑉᕋᒪ ᑭᔭ ᐅᔅᒋᒪ ᓗᑕ, ᐦᐊᕋᓇ ᐅᑯᓯᔪᐛ ᑭᔭ ᐅᓇᐊᑭᓂᔎᒪ ᓴᕋᔨᒋ, ᐅᑯᓴ ᐊᑉᕋᒪ ᐎᐎᐛ᙮ ᒪᒧᐤ ᒂ ᓂᑭᑕᒡ ᐅᕐ ᐊᓐᑕ ᑲᓪᑎᔭ, ᑲᐃᓇᓐ ᐊᔅᒋᒡ ᐊ ᐃᑐᑕᒡ᙮ ᒥᒄ ᐊᕋᓐ ᐃᔅᐱᔅ ᒋ ᐃᑐᑕᐅᒡ, ᐊᑯᑕ ᑲ ᐃᑐᑕᒡ ᐎᒋᐛᐤ᙮
32ᓂᓱ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᐤ ᐱᐳᓇ ᒋ ᐃᔅᐱᔅ ᐃᔪᐤ ᑕᕋ ᑭᔭ ᒂ ᐳᓂᐱᒪᑎᓯᑦ ᐊᓐᑕ ᐦᐊᕋᓐ᙮
Currently Selected:
ᒐᓂᓯᔅ 11: ᓇᔅᑲᐱ
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada