Yela 3
3
Saŋ Kooro Devid aa chwaa le o bibaa Absalɔm be
Kooro Devid yel
1N Naa Korowii, n dɔma warɔ,
ba warɔ dɛ che n nɛ.#2Sa 15:14
2Dɔma la ɡalɡa
dɛ bol n waa ŋɔ,
“Korowii aa on lɛɛ ba.”
3N Naa Korowii,
henee dɛɛ tɔ mɛ ɡbemɡbe.
N Naa Korowii,
henee tɛ mɛ jirima,
dɛ ɡel n dɔ hwɛɡa.#Yel 27:5-6
4N wio no Korowii takpeɡ ne,
asɛ o no n be o deŋɡare
waa do ɡoroŋ la ta.
5N dɛ chɔ dɛ́ chɔ dom kɛrɛdɛ,
dɛ́ ir ja, dɛkalkɛŋɔ
Korowiirii dɛɛ nyiŋi n nɛ.
6N dɔma warɔ ɡɛ bɛlbwa
kwaraa naa, maa ɔmɛ.
7N Naa Korowii maa dɛ tomɛ,
ir nyu ne dɛ́ lɛɛ mɛ!
N Naa Korowii,
sɔɔh n dɔma nyoa.
8N Naa Korowii,
henee dɛɛ lɛ nɛra,
swee andɛɛɡa tɛ he nɛra.
Currently Selected:
Yela 3: mzw
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.