Cenisihs 13
13
Eparam, A'a Kaye Laat Kiipahkewinitiwaatc
1Eparam (Abram) tahsh Iicipahkiink kiionci maacaatc Nekep (Negev) ahkiink kii‑ishaa, wiiwan ekii wiiciiwaatc. Kahkina kaye otaya'iiman okii maaciitoonan. Laatan (Lot) tahsh kaye okii wiiciiwikoon. 2Eparam wiinke kiiwenootisi niipiwa' ekii ayaawaatc awahkaana', waapaapihko shooniyaan, osaawi shooniyaan kaye. 3Kiiani pimi'ayaa tahsh i'imaa Nekep ecikaatenik piinihsh ekii ani takohshink Pehtal (Bethel) kaa'icikaatenik. Kiiani takohshin tahsh nahsawaya'ii eshi'ayaanik ootenawan Pehtal, Eaai (Ai) kaye kaakii ishi'ayaanikin, kaakii ishi kapehshikopanen otaanaank. 4Mii hsa 'iwe kaakii ishi onaapihkinikekopanen#13.4 Onaapihkinikan: Mii hsa 'iwe kaakii aapaci'aawaatc ahsinii' eoshihtoowaatc keshi pakitinaahsowaatc. nihtam; miitahsh i'imaa Eparam kaakii ishi anami'ehtawaatc kaaTipencikenitc otishinihkaasowininiink.
5Laatan (Lot) tahsh kaakii wiiciiwikotc Eparam okii ayaawaani maanahcaanihsha', maanatihkwa', pishihkiwa' kaye. Wiinke tahsh iko kaye kiihpaahtiinowa' entashinitc kaakii wiiciiwikonitc. 6Kaawiin tahsh kiihtepihsehsinini i'i ahki i'imaa kaakii ishi'ayaawaatc cikii maamawi ayaawaahpan aaniihsh onsaam okiih paahtiino'aawaa' awahkaana'. 7Eparam tahsh otanohkii'aakana' kaakanawenimaanitc otaya'aawihshiima', Laat kaye otanohkii'aakana' kiiani maanshi wiiciintiwa'. Pemaatisinitc Kenan (Canaan) ahkiink kaakii onciinitc i'i kaye pemaatisinitc Perisii (Perizzites) kaakii'inimintc kewiinawaa kiiayaawa' i'imaa ahkiink.
8Eparam tahsh okii'inaan Laatan, “Taka hsa naa kaawiin kika maanshi wiiciintihsiimin, iki kaye kitininiiminaanik kaakanawenimaawaatc awahkaana', kitinawentimin iitok. 9Inashke naa ehpiihci mihcaak ahki kaawaapantaman, taka pahkewinititaa. Kiishpin onamantinihkimaank inahke ishaayan, okihcinihkimaank itahsh niin inahke ninkashi maacaa; kiishpin tahsh wiin okihcinihkimaank inahke ishaayan, onamantinihkimaank itahsh inahke ninkashi maacaa,” kii‑ihkito.
10 #
Gen 2.10. Laat (Lot) tahsh kiiayinaapi. Okii waapantaan tahsh Cwaartan (Jordan) kaashi pahsatinaanik inahke epaahtiinatininik nipiini piinihsh weti kihci ootena Swaar (Zoar) ecikaatenik, ekii ishinaakwaninik taapishkoo kaaTipenciketc okihtikaan mayaa kaye Iicipahkiink (Egypt) kaaishinaakwaninik. Kaawiin iitok kaaTipenciketc mahshi i'i ahpii okii nihshiwanaacihtoohsiinan ootenawan Swaatam (Sodom), Kamwaara (Gomorrah) kaye. 11Laat tahsh okii onaapantaan ewii ayaatc kahkina Cwaartan kaashi pahsatinaanik. Waapanonk tahsh inahke kii‑ishi maacaa. Miitahsh i'i nahke kaaishi pahkewinitiwaatc. 12Eparam (Abram) tahsh wiin Kenan ahkiink kii‑ishi kapehshi. Laat tahsh wiin kaashi pahsatinaanik eshi ootenawaninik kii‑ishi kapehshi. Pehsho tahsh eshi'ayaanik Swaatam kii‑ishi kapehshi. 13Pemaatisinitc itahsh i'imaa kaakii ayaanitc wiinke kiimaci'ishiwepisiwa', okii macitootawaani kaye kaaTipencikenitc.
Eparam Kii'ishikositc Hiiparan
14Laatan (Lot) tahsh kaaishkwaa nakanikotc, kaaTipencikenitc Eparam (Abram) okii'ikoon, “I'imaa hsa kaashi niipawiyan kiiwetinonk inahke inaapin, shaawanonk kaye, waapanonk inahke, ninkaapii'anonk kaye inahke. 15#Act 7.5. Kahkina i'i ahki kaawaapantaman, mii 'iwe kaanehpici miininaan, iki kaye keni opiiwesiimiyan. 16Ninka ishi'aak hsa kipiiwesiimak ciahpiihci paahtiinowaatc taapishkoo kaapaashkinehsek o'omaa ahkiink; kiishpin tahsh awiya kashkihtoohpan ciakintank kaapaashkinehsenik, mii iinsan cikashki'intwaapan kipiiwesiimak ciakimintwaapan. 17Maacaan tahsh, pimohsaatan ehkwaak, enikohkwateyaak kaye i'i ahki, aaniihsh kiin mii 'iwe kaamiininaan,” okii'ikoon. 18Eparam tahsh kiiaanci kapehshi ekii ishi kositc eshi'ayaanitc kehtentaakosinitc weti oohk tinowaahtikoo' eyaawinink Mamri (Mamre) ecikaatenik, ootenaank Hiiparanik (Hebron). Miitahsh weti kaaishi onaapihkinamawaatc kaaTipencikenitc.
Currently Selected:
Cenisihs 13: OJBR
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Ojibwe Shorter Bible (Roman Script) © 2008 Canadian Bible Society