Baverset oyo Eyebani Mpenza ewuti na SAN MATEO 9

Share

Li' nchcui' Jesús lo'o ngu' nu ndyaca tsa'a̱ ji'i̱, nda yu sca cui̱i̱ lo'o ngu' cuentya ji'i̱ ngu' quiña'a̱ bi'. Nacui̱ yu cha' bilya cuna tso'o ngu' cha' ji'i̱ ycui' Ndyosi, cha' ñi'ya̱ laca sca xtya̱ nu tso'o tsa ndyatsi cha' cua ngulala ti caca clacua, jua'a̱ laca ngu' bi'. ―Chañi cha' ntsu'u tsa cña re cha' chcui' na lo'o ñati̱ cha' xñi ngu' cha' nu nchcui' na' ―nacui̱ Jesús ji'i̱ ngu' bi'―. Lo'o jua'a̱, xti ti ngu' ntsu'u nu caca cua'ni cña re. Bi' cha' chcui' ma̱ lo'o Sti na' nu laca Xu'na cña re, cha' tya ta Ni xi xa' la tya'a ñati̱ nu taca ji'i̱ cua'ni cña re.

Yaa clya ma̱ cua'a̱ jyaca̱ ma̱ ji'i̱ cha' nu nguscua jyo'o cusu' lo quityi, nu ndi'ya̱ nchcui': “Nti' na' cha' cua'ni tya'na ti' ma̱ ji'i̱ tya'a ñati̱ ma̱, nacui̱ ycui' Ni. Bi' nu tso'o la, masi ná ta ma̱ quiña'a̱ tsa msta̱ 'na; ni na'ni scu̱' ma̱, ná ndu'ni cha' ta ma̱ msta̱ 'na.” Jua'a̱ nscua lo quityi. Ná lijya̱ na' chalyuu cha' chcui' na' lo'o ñati̱ nu tso'o tsa ycui' ngu', nti' ngu'; cua lijya̱ na' chalyuu cha' chcui' na' lo'o ngu' nu jlo ti' cha' ntsu'u cha' cuxi tyiquee ngu', cha' caca tyuju'u ti' ngu' li'. Xtyanu ngu' ji'i̱ cha' cuxi bi' li'.

Tya'na tsa ti' Jesús ji'i̱ nu quiña'a̱ tsa ñati̱ nu ndya'a̱ lca'a̱ ji'i̱, cha' ná nchca ji'i̱ ngu' bi'; nga'aa jlo ti' ngu' ñi'ya̱ nu tyi'i̱ tso'o la ngu'. Ñi'ya̱ ndu'ni xlya' nu ná ntsu'u nu ña'a̱si̱i̱ ji'i̱ ni', jua'a̱ ndu'ni ngu' quiña'a̱ bi', ngua ti' Jesús.

Pana ndyuna Jesús cha' nu nda ngu' bi', bi' cha' nchcui' ycui' yu lo'o ngu' li': ―Ngu' nu ná quicha ni, ná ntsu'u cha' caca jo'o ji'i̱ ngu' bi' ―nacui̱ Jesús ji'i̱ ngu'―. Sca ti ji'i̱ ñati̱ quicha ntsu'u cha' caca jo'o.

Lo'o li' ndyaa Jesús lcaa quichi̱ sube, lcaa quichi̱ tonu, cha' culu'u ji'i̱ ngu' ne' laa ji'i̱ ngu' judío; quiña'a̱ tsa cha' nda Jesús lo'o ñati̱ ñi'ya̱ tso'o caca lo'o laca ycui' Ni loo ne' cresiya ji'i̱ ngu'. Lo'o jua'a̱ ngua'ni jo'o ji'i̱ lcaa ngu' quicha, ji'i̱ lcaa ngu' nu ngunu'u̱ ti'.