Baverset oyo Eyebani Mpenza ewuti na San Juan 7

Kabola

Ñeñth nameꞌñenaya na eꞌñe poeñmateñothet poeyoxhretopaꞌ ateth pena ñerraꞌmrratheꞌ alloth poten oñ aton ñeñth atarr kowen, tharroꞌmar ñeñthpaꞌ ateth oten Yompor poꞌñoñ ñeñth anwareth awathotheñ.

Oꞌ eꞌñe wañmoch all koshena judioneshaꞌ. Añe yethro allempo nanak koshenet, Jesúsñapaꞌ thomos all, poerranaroth ateth otosanet: —Erraꞌtsentheꞌ acheñer oñpaꞌtets eꞌñe poeyoxhreto, onetepaꞌ nesho orretepaꞌ.

Ñewa, añ ñoñetspaꞌ añekop serrpareꞌten Yompor Poekamkëñekop ñeñthchaꞌ chorrerraya allowen ñeñthchaꞌ ameꞌñerraya ña. Tharraña allempopaꞌ ama aparethtenetaꞌ Yompor Poekamkëñ, tharroꞌmar Jesúspaꞌ ama xhenaꞌ allempoch alla awerr Yompor poeꞌntaño allchaꞌ eꞌñe kowentaterrñañet.

Ñerraꞌm esempo senteñ poꞌpsheñeñ ñeñth ateth penpaꞌ amachña ñeñthotha sotteñeꞌchatsche añoꞌ kowenayeꞌ es yexhkateno. Xhochña ñanom señoch errothentheꞌña ñeñth poꞌñoxh ateth pena.

Ñerraꞌm eseshaꞌ eꞌñe ñothotha eñenpaꞌ ñetñapaꞌ añach eꞌnenet oꞌch kowentateññañ acheñeneshaꞌ eꞌñe ñokop. Añña ñerraꞌm eseshaꞌ eꞌneneꞌ oꞌch kowentatenan ñeñth llesenseneꞌ ñapaꞌ ñeñthña eñetsña ñoñtso eꞌñe poꞌñoxh ama shekëñtsoyaye.

Jesúsñapaꞌ otanet: —Ñeñth attho neyxhatyenes ñeñthpaꞌ amakaꞌye noyaye nokthaphña, ñeñthpaꞌ Yomporoña pokthaphña ñeñth nellsenseneꞌ.

Tharroꞌmar acheñeneshaꞌña añ patsropaꞌ amachkaꞌye errothenoth eꞌmoñeꞌtasoña sa, tharraña napaꞌ xhokma eꞌmoñeꞌtyennet tharroꞌmar napaꞌ añkaꞌye neñotatyenanet ñeñth ateth phatseꞌtyenet ñeñth ama pokteyaye.