Baverset oyo Eyebani Mpenza ewuti na Lc 5

Kabola

Max lajwi cuywaj bay eb xin, max yalon bay Simón tu' axca ti': —Co jitzektok co ba bay najat yich a'. Ata bay tu' ok e yaaytok e txim mitx'bal txay ti', ẍi bay eb.

—Mamin, masanilc'al ak'bal max jak'lej ma'i, palta c'am tzet max ji'. Palta yuj wal tol ach chala', xan ok tok waaytok txim ti' junelxa, ẍi Simón bay. Axa wal yet max yaon aytok eb is txim tu', manxa jantakok no' max michchaji. Max c'oli nic'chajtok yulak sat txim eb tu' yuj no'.

Axa Cham chi betc'al ec' bay c'am anima. A bay tu' chi bet txajlok.

Man yujok wawten eb watx' is beybal naoni, xan max in jayi, palta yuj ul wawten eb chi yojtaknej el ba tol yobtakwom, yet watx' chi na ba eb yin is yobtakil, ẍi bay eb.

A yet max yilon Simón Pedro tu' jun tu', max ay jajnaj satak Jesús, max yalon bay: —Mamin, mata chach el in c'atan, yujtol ayin ti', caw yobtakwom in, ẍi bay Cham.

Axa yalon Jesús bay eb axca ti': —K'inalok ta ayic' junok antem anima tinani', tok ay yopiso yuj eb watx' c'ul. Asan eb ya'ay, a eb tu' ay yopiso yuj.

Axa yet max apni oc eb ti a' yetok te barco tu xin, max bekoncan eb is tzetak yetal masanil, axa tzakloj eb yintak Jesús.

A yet junel, yet ayic' Jesús bay jun conob, max jayoc jun winak bay. Caw ya'ay sic'libil yuj lepra. A yet max yilon nak yin Jesús, max ay jajanok cax max ay nojan sat tx'otx' satak Cham. Max oc tean nak yin, max yalon axca ti': —Mamin, ta chi yal a c'ul, chi je' in a watx'nencanok, ẍi nak bay Cham. Axa yoc matxan k'ab Cham yin nak tu'. —Chi yal in c'ul; ti chi wak'can watx'jok a c'ul, ẍi bay nak. Lajwic'al yalon jun tu', axa tak juntzan yabil tu' yin nak.

Palta tol max texac'al el k'umal Jesús xol anima, xan xiwil max waj ba eb yin Cham. Chi yochej eb chi abxalwi bay Cham, cax chi yochen c'apax eb chi watx'jican c'ul yin tzetak ilyail chi on eb.