Baverset oyo Eyebani Mpenza ewuti na लुका 5

Kabola

ओहाङःसैको ओउःत स्‍यान्‌ती दप्आक्‌तीको “लौ इ दोङ्‌गापाय् ज्‍युम्‍ह्ओ तीःताङ् लात्‌ती आलःती ओउःहाङः लाङः वार्‌नु। ओउःत हायःती नीङ्इ ङाः सात्‌तेःनानी” त दाय्‍ह्‌ती येसुइ सीमोन्‌कायः तोथातो

“गाव् माःहै गुरुय ङीइपाय् जुदा याह्‌दीङ्‌च्‍युक्‌कायःलेः वार्‌ङुसुतो यात्‌ज्‍याङ् ङाःमा ङायःङुसुलु। ङायःसापाय् ङायःङुसुलु नाङ्इ इतलेः तोतेःचाक्‌तेःआची उया ङाइधाङ् वार्‌धाङ्‌चाङः उया” त दाय्‍ह्‌ती सीमोन् त्‍याङ्आ। ओउःत त्‍याङ्‌ती लाङः वार्‌ती वार्‌आक्‌तीको ओउःच्‍युक् ङाः ङायःती झ्‍यान्‍ते ओउःमयःकोः लाङःलम् आन पङःती क्रत्‌खयःआ।

ओउःमयः आन हुम्‌ती वाङ्‌ती झ्‍यान्‍ते बेला बेलाहाङः येसु मान्‍ता नाःमालो बेलाङ् आल्‌ती परमेस्‍वर्‌कायः तेती तोओ खेःतो।

ओउःलो लेखालेः ङापाय् पेओ मान्‍ताखेकायः खेःल पेमालो हायःओलम्‌कायः ह ‘नाङ्‌कोः रेव्ओ काम्‌लम् फेती ङाकोः पेओ काम् जाङ्‌ह्उ’ त दाय्‍ह्‌ती तोलाङ् वाङ्ओआः ङ” त दाय्‍ह्‌ती ओउःइ त्‍याङ्‌ती तोआथास।

ओहाङःसैको ओउःच्‍युक् नाःतो ङाः सात्ओ च्‍यवःआक्‌तीको सीमोन्‌पाय् येसुकःताङ् वाङ्‌ती ओउःकायः बाःती स्‍यवआकान् “अ प्रभुय ङालो खेःओ पेमालो मान्‍ताकुस्‌पाय् नाङ्‌लो पेओ ताङ्‌ह्ओ वाङ्‌ती मुचाक्‌तेःजेःचाः” त दाय्‍ह्‌ती सीमोन्इ तोआथै।

ओउःमयःइ तोओ येसुइ सायःती “सेलः मुओ मान्‍ताकःताङ् दाक्‍तर्‌ वाङ्‌सा परल जीक्ओ मान्‍ताकःताङ् ह दाक्‍तर्‌ वाङ्‌सा परनाः।

ओउःत तोआक्‌तीको ओउःमयः दोङ्‌गालम् तीःकोः छेव्‌हाङः वानःती गम्आक्‌तीको सबै थोक् फेती येसुकायः गुल्‍ह्‌तीलेः आल्आकाय्।

ओहाङःसैको यात्‌ज्‍योः सहर्‌ताङ् आल्‌ती ओहाङः यात्‌चाक् आन कोह्र् चाओ मान्‍ता येसुकःताङ् वाङ्आ। येसुकायः च्‍यवःआक्‌तीको ओउः मान्‍ताइ येसुकायः बाःती स्‍यवती “अ प्रभुय नाङ् ग्‍यातेःनाः त खेःया ङाकायः स्‍याक्‌ताक्‌सातेः खाय्‌तेःनाःची बा” त दाय्‍ह्‌ती येसुकः काःहाल्‌ती तेआ। ओउःत तेआक्‌तीको ओउः कोह्र् चाओ मान्‍ताकायः येसुइ लयःकोः क्रुत् प्‍योती दीन्‍ह्आकान्। क्रुत्इ दीन्‍ह्‌ती “ग्‍यालेःनाङः बा स्‍याक्‌तेःपाः” त दाय्‍ह्‌ती येसु त्‍याङ्ओ कुस्‌ब्रक्‌तलेः ओउः मान्‍ता सेलः स्‍याव्आ।

एतलेः स्‍याक्‌ताक्ओ कुरा “सुकायःमातेः छ्यानःतेःचनौ” त दाय्‍ह्‌ती येसुइ गानाक्‌तीलेः तोथातो येसुइ स्‍याक्‌ताक्ओ कुरापाय् न्‍हाङ्‌तोलेः फानःती छ्यानःती नोःओ खेःतो। ओउः कुरा सायःआक्‌तीको नाःती नाःतो मान्‍तालम् येसुइ स्‍यान्ओ कुरा सायःलाङ्‌मा हुम्‌ती वाङ्आकाय् जीक्ओ मान्‍ताकायः काःहाल्‌लाङ्‌मा नाःतो वाङ्आकाय्।