Baverset oyo Eyebani Mpenza ewuti na Matyo 5

Share

Gorne wo kay lampa laa, duga ər kubgɨ sul na kwari cam a? A wur tɨ sɔgɨ ndɔ tɨ ndal nɨ ndeeri mum gun ne tɨ li hul. Kuna ne, i wa̰y tɨ kar ka ndeeri tɨ bi kwi ka a ləg gɨna, a ɓə i ba ne wo tɨ ndɨlasul pi teen.»

«Yḭ tɨ un ndeeri tɨ bi tɨ dunya̰ maan. Lɔr ɗəng ne ti tɨ nan sul tɨ ndal lɛm ndula waal lo.

Ndula laar gɨ bi ton a hul buy tɨ Ndɨla kwi, kəysul a wo Ndɨla ləg!

Ndula laar gɨ bi ton ndula la ndu yuni tɨ mum tugla ka-a, kəysul Ndɨla ɓə gɨ a mum ne a hul taam naa!

Lɛ yin, ən ja gɨ i: Yḭ ka i peer tɨ pɛni kum la yḭ soon Ndɨla gɨ bi tɨ i jindemni wur.

«Ndula laar gɨ bi ton ləg ndɔ ka na wa̰y lo, kəysul Ndɨla na waan tɨ a maan!

Ndula laar gɨ bi ton taam lapya kəysul a ɓə a soon Ndɨla ɓimi!

Ndula laar gɨ bi ne cḛy kəysul Ndɨla ɓə a hul ɗina!

Ndula laar gɨ bi ton a ka-a jindemni, kəysul a ka wa̰y tugla tɨ Ndɨla kwi, kəysul Ndɨla waan tɨ a maan!

Ndula laar gɨ bi ton ləg a peer jindemni, kəysul Ndɨla ɓə a jindemni ləg la!

Ndula laar tɨ i maan gorne a ɓurum i la, a wur i jindemni la, a ja jaa ɓijim lɔ dɨbla tɨ i sul kəysul yḭ ko ən hul. Yḭ ka ndula laar la yḭ ti tɨ laar ɗəng hul la, kəysul i wa̰y tɨ daa sul ɓə tɨm ɗəng tɨ ndɨlasul. Kəysul tɨ i kwi toni kaw a wur nebi-a jindemni kuna ne la.»

Ndula laar gɨ bi ne jaa teni, kəysul a ɓə nəgri ne Ndɨla so gṵ tɨ naa tina!

«Yḭ tɨ ɓɔ tɨ nəgri sul. Jo gorne ɓɔ lor lo gɨna, kəyjo wo ɓə na ər kar ta ər ɓə duga lura cam a? Ər wag wa̰y lo lɛ, ti tɨ ɗoli tɨ bayri nɨ bi ɓə nangni jo ngoy.»

I ti bi ndeeri kuna i Ba ne ti tɨ ndɨlasul tɨ wo ndeeri la.»

Jo əm ko əm mu m tɨ jaa sul gɨna, ka ti m, jo tɨ m-m gɨna, ka ti m-m la. Kəysul ne əm wo ɗula tɨ paa sul tɨ pla o̰ tɨ Sidan ndɔ.»

«Yḭ laa toni a ja gɨ i ɓə: “Jo wo jul əm ji gɨna, əm jul ər maan la. Jo wo jul əm ɗəngni a, əm jul ər maan la.” Lɛ yin ən ja gɨ i: Ka ɓijim səng gɨ wo lo. Jo wo ɗɨb əm tɨ əm tɛm taal tɨ lɨma gɨna, yiga gɨ ər taal tɨ gɨlay ka ər ɗɨb cam.

Jo tɨ əm ji taal tɨ lɨma jo ɗo əm tɨ ɓijim hul gɨna, əm jul ər teni. Kəysul əm ndula taal ɓudu na yunga golgo ura əm ndula gun na wur tɨ laa ne uy lo. Jo tɨ əm daa taal tɨ lɨma jo ɗo əm tɨ ɓijim hul gɨna, tḭ ər əm ɗo ər ɓag teni. Kəysul əm ndula taal ɓudu na yunga golgo ura əm ndula ya̰m gun na wur tɨ laa ne uy lo daan.»