Baverset oyo Eyebani Mpenza ewuti na Ja̰ 1

Share

Ama kalaŋ nɔm ga ba ƴomiige gusɨge bɨ, beege kuduroyge cay gusondi gɨŋ bɨ le, ban haŋgɨ gɨyəŋ bɨge ɗe gɨ kan na bɨləŋge karɨn̰ Kumu.

Tumɔ ɓɨragɨ gɨ cay gɨsəŋ laan̰ gusɨge naŋ ƴee le, ban gɨ kan teeyige Kɔl le woy nee ɨni. Ban som pɨna na dan̰ Kumu bɨ, Kɔl na Kumu bɨ.

Kɨɗɨn̰ asɨn̰e, asɨn̰ duroy dɨlɨm dɨŋ, ama dɨlɨm ƴa caa naŋ.

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Hɨnga nɔm ɗe gusɨge na dan̰ gɨyəŋ gɨ da Kɔl bɨ, hɨnga pɨna ga Ban ɗe, dɨle ɗɔɔ dan̰ Kɔl, unɔ bɨ. Sɔmɛ-bɨra woy na boy Kɔl gɨŋ, sɔmɛ-bɨra, na kɨɗɨn̰ asɨn̰e gɨ da kalaŋ.

Wan̰dodo dɨŋ ɨni na, Ja̰ sol Jesu ɨrga jɨn̰ gusi, bɨ ban ye hɨn̰: «Sɨlagɨŋ kurɨn̰-dɨmangɨ gɨ da Kumu gɨ ba-dɔrɛ ɨsɨna gɨ da kalaŋ ga cay gɨsəŋ gaŋ.

Kɔl le tumɔ ban som a cay gɨsəŋ gaŋ bɨ, Kumu lee hɨnga ga cay gɨsəŋ gaŋ nɔm, na dan̰ gɨyəŋ koyi ban bɨ. Ama kalaŋ ga cay gɨsəŋ gaŋ, sɨlage gɨ naa ban naŋ. Ban ɨrga na cay ƴaadi dɨŋ, ama kalaŋ ga a cay ƴaadi dɨŋ, ƴɨmayige gusɨge naŋ.

Kɔl le, na kɨɗɨn̰ asɨn̰e gɨ cɨndi. Ban ɨrga a cay gɨsəŋ gaŋ, lee gɨ kɨɗɨn̰ asɨn̰ cay kalaŋ nɔm.

Kɨŋ sɨla gasɨn̰-kɔl le, kan bɨnige na dan̰ gɨyəŋ gɨ da Moyis. Ama ɗarwa bɨ kɔl gɨ cɨndi bɨ le, ɨrga na dan̰ gɨyəŋ gɨ da Jesu-Kɨris.