Baverset oyo Eyebani Mpenza ewuti na LUCAS 5

Kabola

Naukiche tɨchauki ñanunekakaxti, nanti ɨmoti Simón: –Aikia axɨna canoa axɨna kauta otɨ'ɨsa axɨna tux, akamanu apiñemekasio naumome, nauki apakaɨbu nopiokox.

Aiñumuti Simón: –Maestro, amonkosomɨ aɨbu axɨna supachɨkoi nanaiña axɨna tobixh champɨ isane iyebo soboi. Ui nakɨpuku, iñakio tatityo momeka. Naukiche isamutema takana axɨmanu bakɨpukux ɨmoma, bakaɨburuma tarukapae nisubaiki nopiokoka axɨmanio nimomesɨma tɨsaipɨ aukiopɨ.

Tapɨti Jesús sɨrotitɨ iche'eña axɨna kauta kɨcheka.

Axɨñɨ chisekapɨtɨ ityasuruma axɨbama uxia nisɨborikixhimia, isekatɨ ityasuruma axɨbama ane nomɨnantɨ uimia, nauki ayematɨ tato esati Tupax.

Naukiche astaiti Simón Peru axɨna sane, bachesoiyoti esati Jesús nanti ɨmoti: –¡Akicho yesakiñɨ, Yɨriabux, ityopiki taruku nomɨnantɨ sobi!

Aiñumuti Jesús nuraxɨma: –Axɨbama uxia ɨmoma chɨmaunxokonopɨma champɨ nɨmocheti uimia naki ipiaka akura, ta axɨbama maunxokonoma.

Auki sɨromatɨ tato isiu nabeux yupu axɨmanio canoa, aiñokoma nanaiña aɨromatɨ isiuti Jesús.

Taman nanenes, naukiche anankati Jesús au taman tube, iñataiti taman ñoñɨnx maunxokonoti ui lepra. Naukiche asaratitɨ ɨmoti Jesús, bachesoiyoti iñatai nisuxti akɨ ankiti asamuti nuxia ɨmoti: –Axɨkɨ Yɨriabux, axtɨ axianka, aisɨbu sɨtɨpɨkiñɨ axɨna noxokox. Auki iñenoti Jesús, nanti ɨmoti: –Ixhanka. ¡Sɨrɨbu akɨtɨpɨkikɨ! Isiukai axɨmanu lepra sɨrɨbu kɨtɨpɨkiti maniki maunxokono

Axɨna ipiatema kɨtɨpɨti Jesús chɨtochenkopɨ niyɨkɨx au nanaiña, sɨrɨmanama iyoberabaramakɨ nauki onsaperioma nuraxti nauki bakurarati ɨmoma axɨbama maunxokonoma.