Baverset oyo Eyebani Mpenza ewuti na LUCAS 3

Kabola

Naukiche anankatiki Kuan maunimianati ɨmo namanaiña, ɨriotityo Jesús uiti. Naukiche meaboti, aurɨbo napes kuatati Espíritu Santo onɨti tusiu, takana nututakixh, auki rabotɨ taman manityakax auki napes, nantɨ sane: –Axɨkɨ isaɨkɨ taruku nakua iñemo, naki samamekana sobi.

Tapɨti Kuan nanti ɨmo namanaiña: “Axɨñɨ, ñemanaunkuxatoe xhaunimiaka ui tux. Kuatatiki taman maunimianati ñana aume ui pes uitityo Espíritu Santo. Axti taruku nɨriakaxti xhopɨnanakiñɨ, axɨñɨ chɨkoñopɨtɨ iñemo ityakisɨna nityomoento nipopetakixhti.

Apisamuse nuxia nauki atusi ta abekatɨ tato esati Yɨriabux, tapɨ amukanaño aumeampatoe: ‘¡Axɨsomɨ nityakɨbaɨtuxti Abraham!’ Tyopiki sukanañɨ aume axtɨ xhanxti Tupax omixhante uiti axɨba kanka ityakɨbaɨtubuti Abraham.

Chaukityo, tɨtane axɨna uiche autɨsɨ soeka aɨbu nanaiña niñuxanakax. Nanaiña soeka axɨba chomixhampɨ nobɨtakax, botɨsɨro omeno oto pes.”

Axɨna uxiante takana ane korobo uiti profeta Isaías. “Rabotɨ taman tosibixh kauta champɨ sɨborikixh: ‘Apikoñoko nikutubiuxti Yɨriabux. Apiyaɨbu kɨmenuti besɨro kutubiux. Nanaiña nikɨtuka tari umatamakana, nanaiña yirityuka, ichepe nɨunx tari mochepekana, axɨba kutubiuka mokɨonosa tari mopesɨnakana, axɨba kutubiuka opotɨsa tari mochepekana. Namanaiña ikuki axɨna kɨx astaimia ñana axɨna uiche ataesɨbuma eanaki nomɨnantɨ axɨna yakɨpukuxti Tupax.’ ”