Baverset oyo Eyebani Mpenza ewuti na Yʉanɨ 6

Kabola

Yeso ambʉɓʉɓɨa ɓɔ: « Ɛmɛ ma mukati ngua wʉ ʉɓɨɨ. Mombi ngia a꞊ka ya andɛmɛ, ambʉkʉkɔnɔ sina taa gʉkʉ ɗɛkɛkɛ, nʉ mombi ngia a꞊nabaya ɛmɛ ambʉkʉkɔnɔ sina taa yɨ mepo gʉkʉ ɗɛkɛkɛ.

Tʉkʉ 'Ʉtʉma waanzo ʉɓɨɨ, ndʉtʉ yambʉkɔmʉ gʉkʉ ɨkyɛmɛ. Moni ngika mʉ꞉nɨɓɨa akɛ ka 'Ʉtʉma nʉ ʉɓɨɨ.

Nɔɔkyɨakɔmʉ kuu aka ekoo ʉ idyo ngia yaakpaga kpaganɨ, ɨkyɛmɨngana kyɨeni kuu aka ekoo ʉ idyo ngia yaagbalɨa akʉ ʉɓɨɨ ngua wʉ mɨtʉ yɨ ɨpá nʉ mɨtʉ yɨ ɨpá, iya Mwana ngia ʉ Mombi a꞊kwanana ninu kunzo ɛyɔ, jʉ Asʉɓɨɨ Tidoo kʉ a꞉pananiso kingono ɓɔ a꞉mʉbaya bayaa nʉ nayɔ kunzo ɨbɨba. »

Kingono, moni ngika Tidoo ngiasɛmɛ aakʉnda ka ɓɔ, mombi kʉ nangana nangana ngia a꞊na Mwana, ambʉmʉbaya, nʉ ʉɓɨɨ wʉ mɨtʉ yɨ ɨpá nʉ mɨtʉ yɨ ɨpá, kija ɛmɛ ma꞊mʉjʉkaniso sina akʉ ɓisi ɓʉ 'upipio. »

Yeso ambuɓutisio ɓɔ: « Kuu ngia Asʉɓɨɨ akʉkʉnda ɓɔ kyɨeni ya ɓɔ: bayeni mombi ngia ɛyɔ a꞉mʉtʉma. »

Ɓombi kʉ ɓuɓomu ngiɓa Tidoo anɛmɛ kunzo ɓa꞊ka ya andɛmɛ, nʉ ɛmɛ mambʉkʉyaa mombi ngia aaka ya andɛmɛ gʉkʉ ɗɛkɛkɛ.

Simoni Pɛtɛlɔ ambumusigio ɓɔ: « Makʉʉɓɨɨ, isu kabi tɔ ɓata ɔɔ anɨ? Tʉkʉ ɔwɛ kʉ nangana kʉ wakwanana kunzo ɓombi mapanʉ ngika kʉ ʉɓɨɨ wʉ mɨtʉ yɨ ɨpá nʉ mɨtʉ yɨ ɨpá.

Ɛmɛ ma mukati ngua waanzo ʉɓɨɨ, ʉwa wa꞉ʉngwa ekoo ʉ ɓisi. Ndʉ mombi aʉdya a꞊nyɨa nʉ ʉɓɨɨ wʉ mɨtʉ ɨpá nʉ mɨtʉ yɨ ɨpá. Jʉ mukati ngua ɛmɛ ma꞊nzo ɓombi wa ndʉtʉ ngiisɛmɛ, iya ma꞊inzo aka ekoo ngia ɓɔ ɓombi ɓʉnyɨa nʉ ʉɓɨɨ. »

Mombi ambʉkʉkwanana kʉka ya andɛmɛ, Tidoo ngia a꞉natʉma ʉmʉkɨndakisenikɔmʉ, kʉ ɓwanɨ ɛmɛ ma꞊mʉjʉkaniso akʉ ingyo akʉ ɓisi ɓʉ 'upipio.

Jʉ mukati ngua Asʉɓɨɨ aninu kunzo engo wa uwa wakʉʉngwa ekoo ɓisi nʉ waanzo ɓombi ʉɓɨɨ. »

Ɛmɛ ma mukati ngua waanzo ʉɓɨɨ.

Yeso ambʉchɨka mikati ngiinanɨ, ambutuisio Asʉɓɨɨ ɨbɨba, ambʉɨpakɨa ɓombi ngiɓa ɓi꞉nye ɓuwuloke ananɨ. Ambuɓunzo sipe kʉ nzoni tʉkʉ ndʉ akʉ ɓi꞉nye‑ɔɔ kʉkʉnda. Iya ɓa꞉mʉta nayɔ ɓʉ kpindindi, Yeso ambʉɓɨa ɓakpataka ngiɓangɔ ɓɔ: « Mʉmakeni ɓadudu ɓʉ idyo ngiɓa ɓutukuo ambʉ yeeɓio nʉ iya a꞊tambɨa gʉkʉ mʉngana. »

Iya ɓa꞉ɓʉya nayɔ akʉ kilɔmɛtɛlɛ ndʉ ɓɔkɔ yɛmɔ ndʉ ʉmalɨa, ɓambʉna tiga Yeso kʉkɨndaka ekoo ʉ mepo ɓʉ paa paa kʉka tinene nʉ ɨngbɔɔ, kija ya꞉ɓukiso kʉ ʉɓa. Ɨkyɛmɨngana, Yeso ambuɓusigio ɓɔ: « Nɔɔkumokɔmʉ. Tʉkʉ ɛmɛ iinanɨ! »