Baverset oyo Eyebani Mpenza ewuti na Luke 3

Share

Ntini ye mani Zan ka mpa bege le baari aso ateemi, Zezi se oyi yaga a nde ateemi se. Ŋaa ntini ye kiigi bwono Zezi, yulu le naaŋi, Ŋaa Oduduma Santi surigi yila nde ma kadisi akuuna le kubigi. Ŋaa ayuga jui le fi yulu ndi: «We Mwana mi ojya, we ampa mi kase.»

Nde akaala ŋa bo aso ndi: «Ma mi ateemi ma katuba be ma anja, ŋaa mbuuru wo aje kaya vuli mi onkani. Ŋaa mi eka buna kasuga otele tele ka miizi a nde ŋi. Nde aje kampa be ateemi ma Oduduma Santi bila ma mbaa.

Lesa maami maave ma kamvyere ndi be le mi kaala eku. Ŋaa lebiza kalyele ma be ankulu ni, bizi ampabigi ba Abarayame! Okorogo mi elyele be ni Njyami abuna kayaga akele ma buni mon akirigi ampabigi ba Abarayame.

Njyami yiga tuga ma kampama baari eli kikaala eku ŋi, mva ka balege kawunu ma kacaga ekaŋa ba eti beebi eli kikula mburu ŋi. Ŋaa ba acuna jo ka mbaa.»

Mono lemigi le teende ntuma Njyami wo nkuumu Ezayi, nca buku le nde ndi: «Jui le mbuuru leta obamaŋa nca ncege. Leselege Mfumu njila, lesa anjila a nde aka tele. Edebi njwori esiliga, ekuru njwori bila angaala ajiniŋa. Anjila ma enkoro aka tele, aselege anjila ma abi. Ŋaa baari aso baamono kasaga vuzuga Njyami bo.»