Baverset oyo Eyebani Mpenza ewuti na MATAYO 7

Kabola

“Maketa‚ ititiki ta‚ galeta. ta iririo‚ trutruŋeta, iŋaŋaki ta.

Ŋutu gele gele lo magulo irurumbi, ’bo lo ga’yulo irurumbi‚ ’bo lo trutrungolo iŋaŋaki kakana.

“Kuwade ŋutu gele gele laga lo yinga kulia kuwe kine‚ kugbo lepe akondra‚ lepe gbo be ŋutu laga a miri‚ lo ’dugo kadi nanyena i lele ki ilo.

“Kuwade kuliata giri naga na nyari ta ti ŋutulu kone kasuni kine‚ koneta de kasikoni itro, igbonaga kine kulia de a bo na kukuzu ina ku na kulia ti kakeyo kine itro ina.

’Bo kaakutuna a natri‚ ’bo kiko lo utuniki i piri na yeŋona kata yu ilo a logo‚ ’bo ŋutulu lo riondru kilo ’baziŋa.

“Lubita i kaakutu natrina, igbonaga kaakutu nawalana ku kiko lowalalo a lo utuniki i karaki ina ’bo ŋutulu lo lubo kata yu kilo ko rodri.

’Bo kuwa ta laga a ŋutulu loro kilo de‚ ku ta adeni tikindra na ŋazi kasu kilo kapa lo’bu de‚ ta rambu adi Monye lasu lo ’dikolo aka tikindra ŋutulu laga lo magu kilo ’doketa lo’bu arodruni ya?

“Ku ŋeŋerita kulia, ka’bi ta ku ŋeraki kulia. Be naga ma ta ŋedyi kulia ti ŋutuluna‚ ta iŋeŋeraki kulia‚ ’do imomoroki ta beti naga ma ta modyinina.

Ŋutu gele gele lo yinga kulia kuwe kine‚ kugbo aku konu‚ lepe igbo’da be ŋutu lo mamali lo ’dugo kadi nanyena i sinyaki ki.

Do medra korodoti naga ku luŋosu i koyitani ayu‚ ti do ani bonga kedini laga konu koyitani ilo gbandra ya? Kuwagi do roromoki takindra luŋosu adidinyo adi‚ ‘Ti na ’dumu korodoti naga konu koyitani ina kaŋo‚’ ti do ani medra kedini laga konu koyitani ilo ya?

“Gbo’dita go ku kakeyo ti to’bure kilo‚ lo pondra kasuni ku ’beri kase be kebilizi‚ ’bo kasiko i muguni ko a rarawuki lo riagu ŋutulu. Ta idendra ko ku trora na konye kasiko kilo. Konye ti zabibu kilo iya i kedini laga ku kakuwa i mugu ya? Kugbo konye ti koligi kilo i tulala i mugu ya?

Kuwade kade giri lo’bu kilo rarada konye lo’bu‚ ’bo kedini lorolo ra konye loro.

Kedini lo’bu ani romoki rada konye loro‚ ’bo kedini loro ani romoki rada konye lo’bu.

Kade giri laga ani rada konye lo’bu kilo‚ ko itrotroko ka i gugupazi i kima.