Baverset oyo Eyebani Mpenza ewuti na YOHAN 15

Kabola

Aux mawh nhu plix siiet, pex mawh kak khankix heue. Kaw pa ot ka daux Aux mai Aux ot ka daux nawh, chix plix plix haoh hun. Grawh grawng nawh phan pex tang tiah khaing Aux, pex ang chix yuh tidtix heue.

Ot ka daux Aux mai Aux ot ka daux pex. Awm kak ang chix plix nong nong phan nawh ang ot ka daux nhu miex, awm an phan pex ang ot ka daux Aux, pex ang chix plix.

Phan pex ot ka daux Aux mai gumlox Aux ot ka daux pex, pex simie ti rawg ceu patix ang ah, rawg heue. Tak sang yuh son pex.

Pex laug ti teei Aux ang mawh, viang mawh nan Aux hoik laug ti teei pex hoik ciak ti deuh pex, yuh ka mawx sonsang hu plix pex plix sonsang kaux cong plix pex heue. Kheu pex sang rawg ceu patix ang ah, ka Keeing Cao ka daux ceu kaux Aux, Nawh sang tawx ka pex.

Krax moh pa lheu ting khaing pa deuh pui ju tix yum son paox grawm tix khankix ang koe.

Kak pa ang plix kukak Nawh kid titik, kak pa plix kukak sonsang nie chix plix khaing in, Nawh cox pawt mhawm mhawm heue.

In mawh lox pa tawm Aux, pex tix kaux lai tix kaux moh paox tix, awm pa hoik moh Aux ka pex heue.

Keeing Aux koe min plakngai, kheu pa plix pex plix haoh hun pex tak mawh kawncau Aux heue.

“Aux mawh nhu plix siiet pa mawh meh Keeing Aux mawh cao pa pau sipeem.

Phan pui ang ot ka daux Aux, teei titik nawh awm kak pa kroh hu heue. Pui khrawm kak khankix taing daux ngu mai gleeing kix heue.

Aux hoik krai lox ceu in khankix ka pex, yuh ka mawx sonsang ot pa gaux rhawm Aux ka daux pex sonsang naog krax gaux rhawm pex heue.

Phan pex priex ti hawt lox pa tawm Aux khankix, pex tak ot ka daux pa moh Aux heue. Awm Aux kawx hoik priex ti hawt lox tawm Keeing Cao khankix ot ka daux pa moh Nawh heue.

Aux hoik tawm ceu in khankix ka pex, sonsang moh pex paox tix, tix kaux lai tix kaux heue.

Phan pex dex dawd mai haktiex, haktiex tak moh ka pex, viang mawh nan kheu ang pex dex dawd mai haktiex, kheu hoik laug Aux ti teei pex lih khaing haktiex, haktiex tom koeng ka pex heue.