Baverset oyo Eyebani Mpenza ewuti na Juan 17

Share

Cha'ana ch'am chke awu' Yet, chupam i saq laj tzij. Man atzij lik saq laj tzij.

I k'aslemal chi nti uk'isik are iri, chi kketamaj awach Yet, chi lik xwi Yet at saqil Dios xaq i Jesucristo chi xataq loq.”

Xwi ti pkiwi ike ri kintz'onoj chawe; xaq kintz'onoj chawe pkiwi i jub'an chik chi kinkikoj pkik'ux k-on panoq, are kkita i tzij chi kkib'ij intijoxelab'i. Kintz'onoj chawe chi konojel ike le lik chki'ana junam che kib', xa jun chitzij junam qu' yoj. Inqajaw, keje pacha a'anom Yet chi at o chwe Yin xaq Yin in o chawe Yet, xaq keje ike chu'ana ni uri junam kiwach; man keje ile i winaq chi je re uwach i jyub' ta'aj kkikojo chi Yet xinataq loq.

Kintz'onoj ti chawe chi keawesaj chwach i jyub' ta'aj; are kintz'onoj chawe chi keawok'aj xaq keato chwach i utz taj.

Yin inya'om a'ij achomal chke ike chi aya'om Yet chwe Yin, man keje ile lik keu'on ni junam kiwach, keje pacha yoj chi junam qawach awu'. Yin in o chke ike, i yet at o chwe Yin; keje ile ke'el ni uri chi ike lik xaq jun kiwach, man keje ile kkil i winaq chwach i jyub' ta'aj chi Yet xinataq loq, xaq kkilo chi lik k'ax keana'o pacha ka'an chwe Yin.