Baverset oyo Eyebani Mpenza ewuti na Matìyò 7

Share

Yeso ya chè imbìghè gha, “Mbə̀ nɔn, Ŋwiye biri nàʼ inən. Mbə̀ kəbə, mbə biri bàd. Mbə̀ gɔngi, Ŋwiye biri fìʼì inən.

À ya ane imbə̀ʼ icheg ne wə̀d ne nɔ, Ŋwiye biri nàʼ ibo. Wə̀d ne kə̀bi, Ŋwiye biri ghì wì bàd. Wə̀d ne gɔngi, Ŋwiye biri fìʼì ibo.

Yeso ya bə̀ ywìrì ghà inɔb gha, “Wə̀d ijìm we ne zùghə àmə anug bə̀ fàʼà ikuchèg ne ze yaʼi, wì ya icheg wə̀d iwe ne ya kɔri nəb igun igho.

Ane, inga inug ijìm, aghi ze ne àghò kə̀bi gha mbe faʼa ine, àghò faʼa àzewən abə mə̀mbin. Aŋa ya anug ne yaʼi inga mə̀nɔ̀ʼɔ̀ Muse fɔrɔ inga inug mbe ne bədkə̀n Ŋwiye yaya ghà.”

Àsi inuʼ ikam kwa tì inɔnjì kwa ya we ne ghò inga asiŋi ne bəd biri jəg ìtḛ̀. Bəd ne biri nyi inga asiŋi ìtḛ̀ ze ya məyi iki piʼì.”

Yeso ya chè imbìghè gha, “Mbə̀ nyi inga anug ìfɔ̀n ikaŋ ane inuʼ ikam kwa. Inuʼ ikam kyen fɔrɔ inɔnjì kyen ya we ne ghò inga asiŋi ne bəd biri ku nim. Bəd nɔʼ nɔʼ ya nyḭ̀yḛ inga ìwiwən.

Mbə̰ bəd ne ghìyə̀ inug tibɔ̀ŋ kə mə̀ kyèri icheg ni nàʼ ighi chɔm chɔm abə ìmbən bɔn, mbə̀ si kɔ̀ndi icheg ne ìwən Mbaʼ we ne yaʼi ikaŋ àbɔ̀ŋɔ biri taŋ nàʼ ighi chɔm chɔm abə bəd mbe ne nɔ̰ ighi ibo.

Yeso ya chè imbìghè gha, “Imbə̀ʼ mbə̰ saʼa awən wə̀d, nji Ŋwiye biri bə saʼ awən. Icheg ne mbə̰ mbe sàʼa bəd angu, à ya bə̀ ìwiwən ne Ŋwiye biri bə saʼ awən. Icheg ne mbə̰ mbe sɔ̀bɔ isaʼi igun bəd ya bə̀ ìwiwən ne Ŋwiye biri bə sɔb isaʼi igun inən.

Àsi bəd mbe ne zùghə àmə anug chəyi mbe fàʼà icheg ne mbi koʼi ni fàʼ, mbɔb ya icheg anen ne kɔri ìzi nəb igun tìsiwaŋ.

Aton ne àghò ya nḛ̀ achəpi aghi ne yaʼi inga ighə abə ìwe ifi ne chəyi àghò ya bàrà akwiri iŋwen ne yaʼi inga ìwe tì ighə àkə gha? Àghò kə̀ che iye ni ghà abə ìwe ifi gha, ‹Si mə̀ chiye achəpi aghi ne yaʼi ine inga ighə,› ne akwiri iŋwen yaʼi inga ìwe tì ighə?

Yeso ya chè imbìghè gha, “Mbə̀ we awən tì bədkə̀n mbe ne ghà inug ako. Anyumə̀ ne mbɔb mbe yèʼe inən, mbi ya bɔ̀tɔ kwàʼ icheg njə̀g. Si ya gha, mbɔb ya kwàʼ ìfɔn tɔ tɔ. Mbə̰ biri kyeri awɔb ane ìtɔb tìghinùg. Tì fìkɔ̀ njəŋ ko mə̀namchì? Kə̀ tì fèkye ko akwebì? Chəyi ka!

À ya bə̀ ane ne azed chɔm ze ko titam chɔm, azed tibɔ̀ŋ bə̀ ko titam tibɔ̀ŋ.

Chəyi tì azed chɔm ko titam tibɔ̀ŋ. Chəyi tì azed tibɔ̀ŋ bə̀ ko titam chɔm.

Mbi biri sɔb ized ijìm mbe ne chəyi mbe ko titam chɔm màʼ inga iywid.