Baverset oyo Eyebani Mpenza ewuti na Lukàrzɛ̀ 21

Share

È aŋgòhweyà ì hvònda ja arzɛ. È kanɛ̀ ema e hwɛnɛ è ŋginyà ema è ò karzòlɛ̀ hwenè hweyà ema hwe gbeyɛ̀nɛ̀, aŋga nanù e tanɛ lì tɛmeyà ò wòrzò wò è Ŋmanà wà è Mòtò wà Hwènàmà.”

“È aŋgòwè nanù ema è rza hvàŋga e hvònda ya anyu rzayi-rzayi ò lì làa la mòlèlì na ò lì nyɔ la mimba. È rzì àkàyìrzɛ̀ hvɛ nà lìnì lòŋgɛ la nàŋgɛ. È gbeyi tɛ nanù, wòŋgò wùnyà wò è ùŋmanɛlɛ nàa ŋgùndèli.

È kakè mèèmà me anyu aŋga nanù e arzùŋgɛ̀ inyɔ hwìti.”

Nà è ŋgbà mamɛ ema ya òhwa, na mahwiye ò lì hwe òhwa, ema tɔ̀ hwakɔ̀èlì hwa anyu hwa rza ò tànɛyi lì è ɛkɛ̀, nà lì rzɔ̀rzɔ mamɛ ema e ò hwɛ̀ɛ.

È ŋmanyu yà lohwà nà è rze ya mɔ̀nyɛ̀ hwe ò jà lì akà, ndi jòòhwì ja amì ì hwɛ natɛ̀ɛ na ò gbìndèyà.

“O ò hwɛ hwèmɛ̀nɛ̀nì ò ìgbe, ŋmɛ̀ɛlì nà ìrzòmbe. O ò hwɛ lìtàke lì ndɛnɛ̀ nà hwètamirzelì, ò hwèkòmè hwe àrzɛ hwe ène rze. Hwèhvùŋgùwèlì hwe hwèmùnɛ̀ nà hweèhwe hwe ŋmanjà hwe ò hwa òkirzɛ wɔ̀ŋgɔ̀. Hwatò hwa ò ɔ̀tɔ̀ na wɔ̀ŋgɔ̀ nà òmà hwa ambɛ̀lɛ̀lɛ mamɛ e ò gbèyɛ̀nɛ e rze ya àrzɛ. Èhwanja ì ŋginyà ja ŋmanyu jò nyiŋgà ò hwèki hwe awu. Aŋgà ndi hwa ɛnɛ e Ŋmanà wà è mòtò wà Hwènàmà na òma a jà ò tenì yà lìmbàkì na ŋginyà nà èluhwe ndɛnɛ̀.

Inyɔ hwa àrzɛ e ò rzìŋgɛ̀hwɛ ò nyòla lìinà la amì.

O ò hwɛ mònyìŋgìrzɛ̀nɛ̀ mò ndɛnɛ̀ è rze ya mɔ̀nyɛ̀ ya àrzɛ. Njàwò ndɛnɛ̀, nà nyàmbɛ ja wòhwe rzayì-rzayì, èki tɛ. Hweyà ema hwe òkìrzɛ̀nɛ wɔ̀ŋgɔ̀ nà hwèmbànèlì hwe ndɛnɛ̀ ema hwe uhweyà ò ŋmanyu.

È wòtelì tɛ lì hweyà ì njùma nà mèhvùŋgu, è rzì òka wɔ̀ŋgɔ̀, hwenè hweyà hwe hwɛnì lì lòma lì gbèyɛ̀nɛ, ndi hwe rza uŋmɛ̀lɛ̀ ema lìrzukù la rze lì ma uka.” Yerzù à mà hwatɛ hvɛ ò lì hwa òhweyà nanù ema, “Hwèkòmè, nà hwèkòmè hwe ò àna njùma. Màkànèyà nà màkànèyà mɔ̀ hvɛ mò ò ateŋgɛ̀nɛ̀.

“O ò hwɛ hwèmɛ̀nɛ̀nì ò ìgbe, ŋmɛ̀ɛlì nà ìrzòmbe. O ò hwɛ lìtàke lì ndɛnɛ̀ nà hwètamirzelì, ò hwèkòmè hwe àrzɛ hwe ène rze. Hwèhvùŋgùwèlì hwe hwèmùnɛ̀ nà hweèhwe hwe ŋmanjà hwe ò hwa òkirzɛ wɔ̀ŋgɔ̀. Hwatò hwa ò ɔ̀tɔ̀ na wɔ̀ŋgɔ̀ nà òmà hwa ambɛ̀lɛ̀lɛ mamɛ e ò gbèyɛ̀nɛ e rze ya àrzɛ. Èhwanja ì ŋginyà ja ŋmanyu jò nyiŋgà ò hwèki hwe awu.

Yerzù à mà hwatɛ hvɛ ò lì hwa òhweyà nanù ema, “Hwèkòmè, nà hwèkòmè hwe ò àna njùma. Màkànèyà nà màkànèyà mɔ̀ hvɛ mò ò ateŋgɛ̀nɛ̀.

Yerzù rzìi a hwa alàhwɛ̀ nanù ema, “È aŋgòwà, hwa rzì èmirzɛ, èhwanja rzayì-rzayì ja hwatò hwa ò jà lì gbeyàna lìinà la amì lì òhwà ema, ìmba ndi nà hwèlì è Mɔ̀ ema à Ɔ̀kirzɛ̀hwɛ̀yi. Wɔ̀ hwa òhwa ema lìrzukù lì ma jà. Ndi e rzì hwa òŋgama.