Baverset oyo Eyebani Mpenza ewuti na Lukàrzɛ̀ 17

Share

Yerzù rzìi a mò òhweyà nanù ema, “Tɛmɛ ò ɛ̀ndɛ̀. Lìlòkɛ̀ lì aŋgɔ̀ lì ò tùnìrzɛ̀yi.”

À ò tònanì tɛ lìrzàmba la ŋgèlì ò wùnyà, rzìi a ò jèeya hvɛ lìzàmba la ŋgèlì ò lì ò atɛ̀kɛ̀ nanù èma, ‘Nà ma àyèŋgòwɛ̀,’ ò àŋgàmɛ̀nɛ̀ lì mò làkìrzɛ.”

Mɔ̀kɔ wà àwu à mà ayèmbɛ ema à mà wurzeyà. Rzìi à tìmbà, a eka Lohwɛ̀ nà lìlò lì kàrzàmi. Ònò mòtò à mà kpèeyà Yerzù ò màtàŋgà, ò lì mò eka. À mà hwɛ ndi mòtò wà Rzàmarìyà.

È aŋgòwè. “Ŋmànyàŋgò wà aŋgɔ̀ à gbèyi tɛ wòhwe, ò mò òhweyà ema à tòni. À ayèmbɛ tɛ wòhwe wò eni rzìi a àyèŋgòwɛ̀, ò mò làkìrzɛ.

Yerzù rzìi a ijòwa nanù ema, “Rzèke nà rzàŋgirzɛ lìyòmɛ̀ la hwatò e? One lìnɛ̀yi lùùwa lì hwèlì e?

È Rzàŋgò à mà hwa alàhwɛ̀ nanù ema, “È òhvì tɛ lìlòkɛ̀ lì tu nàa ŋmanà hvɔ̀ŋgɔ̀ wà wòrzaŋgò, è kànèyà wònò wùuŋgu nanù ema, ‘Wuŋguhweyà anù, ò tɛ̀mɛ̀ ò ŋmanjà.’ Wòŋgò gbèe wò è hweyànà.”

Tɔ̀ ima mòtò ema à arza ò lì kòmbɛ̀ lòŋgɛ là eni, à lì wɔ̀lɛ̀nɛ̀. È mɔ̀ hvɛ ema à wɔ̀lɛ̀nɛ̀ lòŋgɛ la eni, à lì kòmbɛ̀.

Yerzù à mà òhweyà hwà-òkòwèlì hwa eni nanù ema, “Hweyà ema hwe gbeyà hwatò hwa gbeyà wòhwe hwe hwɛnì lì hwa jèeyà. Ndi èwòma è ò hwɛ nà òŋgò ema à hwe jànà! O mà lɔ̀wu ndi ema, ene nyayi yà mòtò, è kakahwè ndi lìŋyàyi lì ndɛnɛ ò lìwɔ, rzìi hwa mò indirzɛ ò ŋmanjà. Lì akà ema à èmìrzɛ̀ hwanù hwanà hwàrzàlì ò lì gbeyà wòhwe.

Nà òmà e mà gbèyɛnɛ èŋge hvònda yà ama Nòwà, nanù ndi e ò hwɛ̀ɛ hvɛ ò wùnyà ema è Ŋmanà wà è Mòtò wà Hwènàmà a ò jɛ̀ɛ̀. O èŋge hvònda yà ama Nòwà, hwatò hwa mà hwɛ lì làa melelì nà lì nyɔ mìimbà, wùnyànà hwa mà hwɛ lì hwàa hwalanà. Hwalanà hvɛ hwa mà ŋgbàahwa ò mahwà, natɛ̀ɛ nà wùùnya Nòwà a mà kpèeyà ò wɔ̀lɔ̀ wò ndɛnɛ̀. È mbuwà e yɔ rzìi è tɔ̀ndɛ̀ e ɔ̀ndɔ̀ rzìi hwaŋga hwatò hwa arzɛ hwa kuwa lì indà.