Baverset oyo Eyebani Mpenza ewuti na Yòwanìrzɛ̀ 13

Kabola

Mbenda hvènya ene ema nà è ŋgbà naŋgɛ, è alìŋgànɛ mɔ̀kɔ nà ɔ̀nɛyi. Nà òma nà mè lìŋganè, ò èŋgànɛ̀lɛ̀ è hwɛnì lì alìŋganɛ̀ mɔ̀kɔ nà ɔ̀nɛyi. È alìŋgànɛ tɛ mɔ̀kɔ na ɔ̀nɛyi, hwatò hwa arzɛ hwa ò hwiya ema inyɔ e hwèlì ndi hwà-òkòwèlì hwa ami.”

Nàŋgɛ ema imba è Rzàŋgò na e Mòòkòlèlì nà mà e rzòrza mataŋgà mà anyu, inyɔ hvɛ e hwɛni lì arzòrzanɛ mataŋgà mà anyu mɔ̀kɔ na ɔ̀nɛyi. Imba na e ŋgbelì embànèlì e ma e hwɛnì lì gbeyà, na òma imba na e gbèelì.

Yerzù rzi a mò alàhwɛ̀ nanù ema, “O nàŋgɛ nanù ò rza tànɛyi lì rzɔŋgìtɛ̀nɛ̀ mamɛ ema na gbeyà, ndi ò mburza hwene hweyà hwe arzɛ o ò rzɔ̀ŋgìtɛ̀nɛ̀.”

Nà è òhweyà ndi è jɔ̀kɛ̀, ò rza enje tɔ̀ mòkutu ema à akayi è rzàŋgò yà eni, tɔ̀ è mòtò ema à òmahwi à rza akayi è mɔ̀ ema à mò òmi.

Nàŋgɛ ema è hwi hwenè hweyà, è hwe gbèyi tɛ è nàmìrzɛ̀hwɛ.

Nà òma hwà mà hwɛ ò lì làa Yerzù rzìi a tɛ̀mɛ̀nɛ ò ŋmanyu, rzìi a ulɛ e kòti ya eni, rzi a akpatɛ nà e tawelì ò wòluwe wò eni. O mburzà ya nanù, rzìi a rzɔlɛ malìhwa ò tenì ya ewòki ndɛnɛ. Yerzù rzìi a wòteya lì rzòrza mataŋgà mà ama Hwà-òkòwèlì hwa eni. Rzìi à titòwa mataŋgà mà awu na e tawelì ema à mà tìŋgɛ̀ ò wòluwe wò eni ò lì ma embirzɛ.