Baverset oyo Eyebani Mpenza ewuti na ငဝ်ႈၵမ်ႇၽႃႇ 6

Share

ၶုၵ်း​ၸႂ်​လႆႈ​မႆႈ​ၸႂ်​လူၺ်ႈ​လွင်ႈ​ဢၼ်​ႁဵတ်း​ပဵၼ်​ၵူၼ်း​ၵႃႈ​ၼိူဝ်​လိၼ်​မိူင်း​ၼႆႉ​လႄႈ ႁူဝ်​ၸႂ်​မၼ်း​ၸဝ်ႈ မႆႈ​ႁွၼ်ႉ​ၼႅင်​ၸႂ်​ယူႇ​ဢေႃႈ။

ၽြႃး​ပဵၼ်​ၸဝ်ႈ​ႁူႉ​ႁၼ်​လွင်ႈ​ဢၼ် ဢပႅတ်ႈ​ၵူၼ်း​ၵႃႈ​ၼိူဝ်​လိၼ်​မိူင်း​ၼႆႉ​ယႂ်ႇ​ၼႃႇ​လႄႈ တၢင်း​ၵျၢမ်ႇ​တၢင်း​ပွင်​ႁူဝ်​ၸႂ်​မၼ်း​ၵႃႈ​မီး​တင်း​သဵင်ႈ​တင်း​လူင် ပဵၼ်​ဢၼ်​ႁၢႆႉ​ယုတ်ႈ​ၵူၺ်း​ၵူၺ်း ၵူႈ​မိုဝ်ႉ​ၵူႈ​ဝၼ်း​တႃႇ​သေႇ​ဢမ်ႇ​ထၢတ်ႇ​ၼၼ်ႉ​သေ​ယဝ်ႉ၊

ၼူဝ်းဢႃႇ ​ၸမ်ႉ၊ ပဵၼ်​ၵေႃႉ​ဢၼ်​ထူပ်း​ၵျေး​ၸူး​သိုဝ်ႈ​ၼႃႈ​တႂ်ႈ​တႃ​ထႃႇဝရႃႉ​ၽြႃး​ဢေႃႈ။

ဢထုၵ်ႉပတ်ႈတီႉ လွင်ႈ​ ၼူဝ်းဢႃႇ ​ၼၼ်ႉ​ၸမ်ႉ၊ ၼူဝ်းဢႃႇ ​ၼၼ်ႉ​ပဵၼ်​ၵေႃႉ​ဢၼ်​သိုဝ်ႈ​တေႃႇ၊ ၵေႃႉ​ဢၼ်​ၸေး​ၸုမ်ႇ ၵႃႈ​ၼႂ်း​မဵဝ်း​ၸိူဝ်ႉ​ၶိူဝ်း​မၼ်း​ဢေႃႈ။ ၼူဝ်းဢႃႇ ​ၼၼ်ႉ​ၵႂႃႇ​ၵႂႃႇ​မႃး​မႃး​လူၺ်ႈ​ၵၼ်​တင်း​ၽြႃး​ပဵၼ်​ၸဝ်ႈ​ဢေႃႈ။

ထႃႇဝရႃႉ​ၽြႃး​ၵေႃႈ​ဝႃႈ၊ ၵဝ်​တၵ်း​ယႃႉ​ၽဵဝ်ႈ​ၵူၼ်း​ဢၼ်​ၵဝ်​ၽၢၼ်ႇ​သၢင်း​ႁဵတ်း​ပဵၼ် ၸႃႉ​ၸဵမ်​ၵူၼ်း​လႄႈ​တူဝ်​ထိူၼ်ႇ​လႂ်၊ တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​လႂ်၊ ၼူၵ်ႉ​ၵၢင်​ႁၢဝ်​လႂ် ပႅတ်ႈ​သေ​ၵႃႈ​ၼိူဝ်​ၼႃႈ​လိၼ်​ၼႆႉ​ဢေႃႈ။ လွင်ႈ​မၼ်း​ၸမ်ႉ ၵဝ်​ၶုၵ်း​ၸႂ်​လႆႈ​မႆႈ​ၸႂ် လူၺ်ႈ​လွင်ႈ​ဢၼ်​ၵဝ်​ႁဵတ်း​ပဵၼ်​ၶဝ်​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ဢၼ်​ၵူၼ်း​တင်း​လၢႆ​ယႂ်ႇ​ၽႄႈ​ၼမ်​ၵိုၼ်း​မႃး ၵႃႈ​ၼိူဝ်​ၼႃႈ​လိၼ်​ၼၼ်ႉ​ၸိုင်၊ ၶဝ်​လႆႈ​လုၵ်ႈ​ယိင်း​ဢေႃႈ။- လုၵ်ႈ​ၸၢႆး​ၽြႃး​ပဵၼ်​ၸဝ်ႈ​တင်း​လၢႆ ႁၼ်​လွင်ႈ​ဢၼ်​လုၵ်ႈ​ယိင်း​ၵူၼ်း​ၸိူဝ်း​ၼၼ်ႉ​ႁၢင်ႈ​လီ​ၼၼ်ႉ​လႄႈ ဢွၼ်​ၵၼ်​ဢဝ်​ၸွမ်း​ၵႃႈ​ၼင်ႇ​ဢၼ်​ဢလူဝ်ႇ​တူဝ်​ၸဝ်ႈ​ၵဝ်ႇ​မီး​ၼၼ်ႉ​ဢေႃႈ။- ထႃႇဝရႃႉ​ၽြႃး​ဝႃႈ၊ ဝီႉၺိၺ်ႇ​ၵဝ်​ဢမ်ႇ​လႆႈ​သင်ႇ​သွၼ်​ယူႇ​ၵႃႈ​တီႈ​ၵူၼ်း​သေႇ​သေႇ။ လွင်ႈ​မၼ်း​ၸမ်ႉ ၵူၼ်း​ၸိုင်​ပဵၼ်​ၼိူဝ်ႉ​ဢေႃႈ။ ဢသၢၵ်ႈ​မၼ်း​ၵေႃႈ ႁႂ်ႈ​ပဵၼ်​ပၢၵ်ႇ​ပၢႆ​သၢဝ်း​ပီႊ​သေ၊ ဝႃႈ​ၼင်ႇ​ၼႆ​ဢေႃႈ။- မိူဝ်ႈ​ၵႃႇလႃႉ​ယၢမ်း​ၼၼ်ႉ၊ ၵႃႈ​ၼိူဝ်​လိၼ်​မိူင်း​ၼႆႉ မီး​ၵူၼ်း​ဢၼ်​တူဝ်​ယႂ်ႇ​ႁႅင်း​ယႂ်ႇ​ၼၼ်ႉ​ၵမ်ႈ​ၽွင်ႈ​ဢေႃႈ။ လိုၼ်း​ၼၼ်ႉ​ၵေႃႈ၊ လုၵ်ႈ​ၸၢႆး​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ သိူၵ်ႈ​သမ်ႇ​ၵၼ်​တင်း​လုၵ်ႈ​ယိင်း​ၵူၼ်း​တင်း​လၢႆ​လႄႈ လုၵ်ႈ​ဢၼ်​လႆႈ​ၼၼ်ႉ ပဵၼ်​ၵူၼ်း​ဢၼ်​ႁႅင်း​ယႂ်ႇ၊ ၵူၼ်း​ဢၼ်​သႃႈ​ႁၢဝ်ႈ​ႁူင်​ႁၢင်း ၸႃႉ​ၸဵမ်​မိူဝ်ႈ​ၶိင်ႇ​ၵႃႇလႃႉ​ဢွၼ်​ၼႆႉ​ၼၼ်ႉ​ဢေႃႈ။

ၸွမ်း​ၵႃႈ​ၼင်ႇ​ဢၼ်​မၼ်း​ၸဝ်ႈ​သင်ႇ​လၢတ်ႈ​ဝႆႉ​ၼၼ်ႉ​ၵေႃႈ ၼူဝ်းဢႃႇ ​ႁဵတ်း​ဢေႃႈ။

မိူဝ်ႈ​ၼၼ်ႉ ၽြႃး​ပဵၼ်​ၸဝ်ႈ​လၢတ်ႈ​တီႈ​ ၼူဝ်းဢႃႇ ​ၼၼ်ႉ​လႄႈ​ဝႃႈ​ၸမ်ႉ၊ တီႈ​သုတ်း​တီႈ​ၵွႆ​သတ်ႉတဝႃႇ​တင်း​သဵင်ႈ​တင်း​လူင် ပေႃႇ​မႃး​ၵႃႈ​တီႈ​ၽၢႆႇ​ၼႃႈ​ၵဝ်​ယဝ်ႉ။ လိၼ်​မိူင်း​ပျေႉ​ၸုမ်ႇ​တၢင်း​ဢႃႉထမ်ႇမႃႉ​ၵွပ်ႈ​ပိူဝ်ႈ​ၶဝ်​ၼၼ်ႉ​ဢေႃႈ။ တူၺ်း​လူး၊ ၵဝ်​တၵ်း​ယႃႉ​ၽဵဝ်ႈ​ၶဝ် ဢိၵ်ႇ​လူၺ်ႈ​ၵၼ်​တင်း​လိၼ်​မိူင်း​ပႅတ်ႈ​ဢေႃႈ။

ဢဝ်​မႆႉ​ ၵူဝ်ႇၽရႃႉ ​လႄႈ​ႁဵတ်း​ႁိူဝ်း​သၢင်း​ၽေႃး​ပုၼ်ႈ​မႂ်း​တႃႉ။ ၵႃႈ​တီႈ​ၽၢႆႇ​ၼႂ်း​ၵေႃႈ​ႁဵတ်း​ပဵၼ်​လုၵ်း​ပဵၼ်​လုၵ်း​ဝႆႉ​တႃႉ။ ဢဝ်​ယၢင် ပႅၵ်ႇ ​တႃး​ၵႃႈ​တီႈ​ၽၢႆႇ​ၼွၵ်ႈ​ၵႃႈ​တီႈ​ၽၢႆႇ​ၼႂ်း​တင်း​သဵင်ႈ​တင်း​လူင်​တႃႉ။

ၽြႃး​ပဵၼ်​ၸဝ်ႈ​တူၺ်း​လိၼ်​မိူင်း​လႄႈ ႁၼ်​လွင်ႈ​ဢၼ်​တူႇ​ၼဝ်ႈ​ယူႇ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ ၵူၼ်း​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​လူင် ႁွတ်ႈ​ထိုင်​တၢင်း​ဢၼ်​တူႇ​ဢၼ်​ၼဝ်ႈ​ယဝ်ႉ။

ၵႃႈ​ၼႂ်း​တရိၵ်ႈသၢၼ်ႇ​ဢၼ်​ဢသၢၵ်ႈ​လိပ်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ မႂ်း​တၵ်း​လႆႈ​ဢဝ်​တူဝ်​ပေႃႈ​တူဝ်​မႄႈ​ၵူပ်ႉ​ၵူႈ​ၵၼ်​လႄႈ သႂၢင်း​သႂ်ႇ​ၵႃႈ​ၼႂ်း​ႁိူဝ်း​သၢင်း​ၽေႃး​ႁႂ်ႈ​ၶဝ်​လႆႈ​ဢသၢၵ်ႈ​လိပ်း ၶျၢမ်း​သႃႇ​လူၺ်ႈ​ၵၼ်​တင်း​မႂ်း​ဢေႃႈ။