Baverset oyo Eyebani Mpenza ewuti na Yowanis 6

Kabola

Nɛɓa Yeese tonu sɛɛga kɛ, "Eet kiiwu sinɔ gaɓɛ wɛɛŋak. Iɗit sinɔ kus son lak eetik kiiɗɛkoy ŋaawu adaktan. Iɗit sinɔ ŋaadiɗi eeteek kiiɗɛkoy paar adaktan.

Sigɛ gaɓɛr bɔdɛɛk Wɛɛŋa sigɔ Geetitaanakik, ma kɛɛ any sinɔ kɔnyku ɓaŋkawuka etoŋkuk. Pɛɛni sinɛkɔ kɔna tonaak wɛɛŋa sigɔ gaɓɛr bɔdɛɛk.

Kat ijaagɗikɛɛ ɗamata sinɔɔnakoy badɛŋɔŋk, ma in ijaagɗikɛɛ ɗamata sinɔɔnakoy beeɗ nɔkoy nɔkoyk. Gaɓɛkoy kɔna Tɔn Etoŋk ɗama siniŋ, agut sinɔ yaaŋgeeɗɓa eekeerɛ aɓa dikoyɛ dikoy nɛɛkɛk.

Ɗɛyan Baabɛɛk iɗit sinɔ dɛnɛ Tɔɔn nɛɛk nɔ ŋaadiɗi sɛɛnek baŋɛ kɛnɔkoy laŋi wɛɛŋa sigɛkoy nɔkoyk nɔkoyk. Boŋkaakoy saak sɛɛn ɓeny sinaanɛkoy pediyaakiŋ."

Nɛɓa Yeese jumur sɛɛga kɛ, "Ijaag Waakoyotoŋk ŋaadiyɛ iɗit sinɛɓa wosɛyki Waakoyotuk."

Joop sigɛɓata gaɓɛ Baabɛɛk baŋɛ kurak son lak eetik. Iɗit sinɔ kus son lak eetik kiira ɔɔyɛɛt walasa adaktan.

Ɔɔtɛ sinaanɛ tonuɓa Simion Petros kɛ, "Suumi naakɛ, ŋaarii son lak wooɗuk? Lakin seŋk pɛɛni wɛɛŋa sigɛkoy nɔkoy nɔkoyk.

Eet kiiwu wɛɛŋakoŋk sinɛkan kus darik. Iɗit sinɛ ɗam kiiwu sinik baŋɛ beeɗkoy nɔkoy nɔkoyk, ege kiiwu sini buusɛ naak sinɛ gaɓa kɛnɔ dakɛ a wɛɛŋa joopa ɗookoŋkuk."

Kɛɛ iɗit sinɔ oolɛ akus son lak eetik ɔkɔn moko puruutuku Baabɛ sinɛkanti wosɛykik. Boŋkaakoy sɛɛn ret walasa waawuy sinaanɛkoy pediyaakiŋ.

Kiiwu Waakoyotoŋk sɛɛn sinɛkan kus darik nɛ gaɓɛ wɛɛŋa joopa ɗookoŋk."

Eet kiiwu sinɔ gaɓɛ wɛɛŋak.

Nɛɓa Yeese ɓɔŋgɔɔrɛ kiiwu nɛɛk nɛ pɔɔsɛ Waakoyo, nɛ kaasɛ joopa sigaagakan dokurɗeek, maɓɔrɛ oltiir gɛɛŋk ijaag oko sinɛk. Nɛɓa laŋir sɛɛg baŋɛ oko sinɛ sɛɛga ɗɛyɛɛɗik. Nɛ saaɓa ɗamiiɗ sɛɛg baŋɛ nɔ ɓooɗorark baŋiya, nɛɓa Yeese tonu nomtaanaka gɛɛna kɛ, "In tolɛɛ ŋaaytaanak sigɛkɔ ŋayɗiikik kɛnɔ kat badɛ any sinɔ balaaŋɔŋk.

Kɛɛwuɗiiɓa nomtaanak gɛɛnɛ a kaar a kiilo meetera aŋan maŋk tuul, nɛɓa dɛnɛr Yeesee a ŋawiitik maawɛ raŋk a wɔɔŋku emɗa nɛɛka, nɛ ɓuriiŋ. Yakanaɓa sɛŋk tonu sɛɛga kɛ, "Eetrɔ! Kat ɓuriikɛɛ."