Baverset oyo Eyebani Mpenza ewuti na Luka 6

Share

kshaminẓadu embatiĕ minge zakke kshaminẓinai āne, hīdu embatiĕ minge hījanai āne; nabgihi withihi boje nenze lāẓu lōku mī oḍotita lāẓineri, mīmbu imbini lāẓu tulle mīmbu lāẓideriā ē lāẓuĕ minge wenḍe lāẓinai āne inzihi westesi.

gūnomi gattasi tani hīja inni nehi tājuti nehi patka pangata hōphnesi, dushtu gattasi tani lagee tājuti lagee patka pangata hōphnesi. hījata nenza mannani lehe rooni gūti zōline.

mīmbu ātihe īletari kōsomi ūña zīwu kīanaha mī īrsa gattaraï zīwu kīdu, mēlu kīdu, waddi hīdu, embatiĕ mī phalomi hāreka āha manne; mīmbu wālati lekko mannani mrīkateri āha manzeri. evasi lākwaagattarakiĕ dushtungkiĕ mēlu kīnasi mannesi.

lakka mī tanzi zīwu nōhi manni lehe, mīmbuwa zīwu nōnateri āha manzu.

tīrpu kīadu, embatiĕ minge tīrpu kīnai aĕ. doho gēth’adu embatiĕ mī muhe doho gēthnai aĕ.

wenzi manni mī tulle nānu weh’nai ēnaa iẓẓihe:— mī īrsagattaraï zīwu nōdu; mimmaa lāginaraki mēlu kīdu. minge bāka hīnaraï dīwinẓadu; minge dondo kījanari kōsomi prārdhana kīdu.

lōku minge ēni kīhi kījali inzihi mīmbu māndideriā ēle kīhiĕ mīmbu evaraki kīdu.

ninnaa gezeweta ro lappa hījanani bakki ri gezewa zakke wethmu. nī muheti himbori perha ōnanaï nī sokkawa perha ōarettu āngaani. nīnnaa rīhini wālatanaki hīmu; nī āsti perha ōnani tānati ēdāni wenḍe rih’ani.

imbini nehi mrānu ātiwa mlīa patka kampee; mlīa mrāta nehi patka kampău.

wālati mrānu tani patka bakkiti punnai āne. hāpkadanguta anzūra patka eh’uri; hīkeeridanguta drāksha patka dăuri.