Baverset oyo Eyebani Mpenza ewuti na Máakúsʉ 13

Kabola

Ŋuu tsəm táa pǎa wéi ńté ghâa, lə́ ŋuu yi a shə̌ghʼ tə́ kâa tə nkə́u ləlyəghʼtə́ táa ncwór.»

Pei laghʼə́ tû zéi! Koo pei lê. Ńté no káa pei pə́ njî wéi mpfu yi mêi məno táa tó.

Pə́ lə̌i ntáa ngôu wéi lə̂ ngwó fěʼ wéi, koo pei pûʼ mbəʉ zéi ńgó pei wo kə́u yʉʼ wó ə́ lǎʼ ńgó ho! Sê ghʉ̌ kə́u yʉʼ wó mpfu wêi, ə́ cóghʼ no ntsʉ pei, pei láʼ. Ə́ pə̂ yé yi ə́ fú tû pei po; Zəghʼə Ndêi-lěi lə̂ cʉ́ʼ ntsâr lə̂ zéi yʉʼ.

Ləfaŋ gháp ndesé táa mě, lə́ ə́ tsâr zâa láʼ mê yé po.

Lə́ ə́ ngwo lə́ leʼé, mbaa mpfu yi mwo məno táa kwatə́, mə́i káa cǒ ŋuu jí, mbaa pə́ pəcwôʼ Sê* tʉ̌-lə́pû, tə mbaa pə́ Môu Sê. Tǎa zə́ghʼə́-zʉ́ lə̂ pə̌ jí.

Pei lə̌i ntáa nzúʼ pə́ pə̂ ndeʼtə məntso cər məlâʼ mi ə́ páatə́ wéi, kəʉ mi ə́ pə́ ndǐ təsə, koo pei pôghʼ. Ə́ pə́ ntúŋu ńgó mêi məzə̂u tsə́mbi ndêitə́, lə́ ə̂ kə́ ndághʼ ḿbə́ yé ńgó nzʉ̂ me po.

Tə mbaa pei zéi, koo pei wáʼa mbəʉ zéi. Ńté no káa pei pə́ njî wéi mpfu yi ngaŋə nzeʼ wo kwó. Kəʉ a wo kwó pə́ mpfu ngwʉ̂? Kəʉ pə́ lə̂ twûʼ? Kəʉ pə́ ntôŋ-nkhwoʼ? Kəʉ pə́ mbaʼa-mbaʼ? Pei páa lə́ pə́ yi mboʼ a woghʼə́ woghʼə́ ńtó mpfu yi pei pə̌ ndé. Ə no yi məŋ ndaʼ lə́ pei lo, məŋ ndâʼ mbaa lə́ maa ŋuu ntsəm. Pei páa lə̂ ndé!

Ə lâʼ táa lěsê lwóʼo có, fou lesê ńdwóʼo cǒ, ndesé táa cʉʼʉ́ lə̂ məyʉʼ tə nzáa, wáʼ póu ngwʉ̌. Ə̂ lághʼ ḿbə́ pə̂ ləjitə́ ngwôʼ, lə́ ə́ mbə́ pə́ ghíʼ môu jitə lə̂ ndə́u məngyě shuŋú lə̂.

Ə́ pə́ ntúŋu ńgó pə tsəmbi ntsə́tə́ Nkəʉ Shʉʼʉ mbó məlâʼ mə́tsəm.

Pye tə nzáa táa lǎghʼ ləjôghʼ zâa pfú mbi, wǒwó lə́ páp lâʼ ńgó: “Mə̂ŋ Nzaʼ-nkʉ yi Sê lə ghʉ̌ ndaʼá mə́u lə̂ ngʉ́ ŋə́*”, ə́ lǎʼ yə́rə́ lǎghʼ futə́ lələʉ pye.

Ə́ ngwǒ lə́ pei, pei laghʼə́ tû zéi ńté ńgó pə́ táa lǎghʼ wéi wǒ yʉʼ yi pə́ feʼ məno wó; pə́ ghʉ̌ sə́u wéi cər məndə̂ cûʼtə pəyúda*. Pə́ ghʉ̌ lǎghʼ wéi wǒ mbi pəngə́mnaa gháp pə pəfou məlâʼ ńté ghâa, pei lêitə́ mə́u ndǎʼ gháp no zâa.

Ńté no pəcó pətáŋ-mə́laa táa kwatə́, cǒ ghí pə́ lâʼ ńgó â Nzaʼ-nkʉ, cǒ pə́ ndâʼ ńgó â ntsətə-nkəʉ Sê*. Gháp táa ghʉ̌ mənkəʼə-məno gháp pə məndǎa-jwô-mə́no lə̂ ndághʼ ńfutə́ pye, tə ə́ pə̌i lǔ lə̂ fútə́ mbaa pye pi Sê lə tsóʼ gháp ńdaghʼ ńgʉ́ pye pé.

Lə́ ə́ táa pə́ lə́ mêi məleʼé, ə́ mpfu yi ngwôʼ njwǐ zei yo lei mə́, pə jwó mə́nəu shə́rə́ shʉ́ŋ, mə́saŋ kə́ mbyér nkêʼ yé yʉʼ po. Pəcwôʼ-saŋ fú lə́faŋ mpfúŋtə́ sê, mətəʉ mi ə́ pə́ lə́pû nâa ntághʼə́.