Baverset oyo Eyebani Mpenza ewuti na Lukasə 8

Kabola

Yi páʼ ə́ pěʼ nə́ ńgwǔəə á ndu ndəsê yi əshîʼnə, lə́ pəənə ándó pó zóʼ nə́ atsáb yə wɨ́ ḿbímə zɨ́d nə́ ntɨ́ əghɔ́b ətsəm, ńkə́ ńgwam ntɨ́ nə́ zɨ́d ńtíʼ ńdzə́m mənteemə́.”

Yi páʼ ə́ pěʼ nə́ ńgwǔəə á mə́m məsɔbsɔb, lə́ pɨ páʼ pó zóʼ nə́, lə́ nətáŋ mbîə, afoʼə, pópə əpú mbî ə́ kwúlə ághɔ́b pó zə́mə mənta mə́ kě nə̈ təənə̂ pô.

Yi ə́ wǔ nə́ á ndu ngwúb lə́ pɨ pó zóʼ nə́ atsáb yə wɨ́ ńkə́ ḿbímə zɨ́d nə́ akɔŋtə ḿbə́ ḿbóŋ məŋaŋə́. Pó pí nə́ mɔ́ akəmə ndɛlə́, lə́, akwaʼlə á yǐ pó wǔ ḿbɨ nə́ ndzəmə

A pítə ngǎŋndzəm əjí ńgə́, “Mbimə́ əjɨ ə́ ə́fó?” Lə́ nə ḿbə́ nkɨʼnənuə, pó tíʼə ḿbɔ́gə ḿbítə məmbɨ mɔ́b ńgə́, “Lɛ̌ əwə ŋwunə a ghɛn, ńtséebə tə nkǐ pópə kəfɨd zóʼnə yə́?”

Yi ə́ wukə̂ nə́ alaŋə́ lə́ pəənə ándó pó zóʼ nə́, Satanə a pə́ ńgyǐ ə́fógə atsáb yəwə́ á ntɨ́ pó ńjî ńgə́ kɔ pó pímə zɨ́d ńchwáalə.

Ńté ńgə́ ajûtsə́ á kě ə́wɨ́ chî páʼə á lyáŋ nə́ páʼə á láʼ nə́ kě kyaʼnə̂ pô, kɨ anu yətsə́ páʼ pə́ lɔʼkə̂ nə́ páʼə á láʼ nə́ kě á əshîsaŋ ə́fɛ́d pô.

Məngyě wə̂ a tíʼ ńjɨ́ ńgə́ ndú yitsə̌ ə́ kě ə́wɨ́ chî təmbɔʼ a lyáŋ pô, ńtíʼ ə́fɛ̈d ńnyinə̂ ḿbɛ́nkə nə́ apɔ́g ńgyǐ ńgwǔəə məko Yeso, ə́fiʼtə̂ anu páʼ á ghɛd nə́ a kwumə̂ yə́ á mbi ŋwu ntsəmə. Ḿbɨ ḿbə́ nə́ ndzaŋ páʼə a yáŋ nə́ tsɔʼə əghâ yi wə́. Yeso a tíʼ ə́sóŋə á mbô yí ńgə́, “Móonə mə, mbimə́ əzo ə́ tsóʼə gho. Ghɛn nə́ mbwɔ́dnə.”

Ngaŋə́zoŋə́ndzəm əjí ə́ ghɛn ńjimkə̂ yí ńtíʼə ə́sóŋə ńgə́, “Tǎ, Tǎ, pɛn yǐ kwúkə!” A lǒo á əsê ńkwantə̂ kəfɨd wə̂ pópə nkǐ wə̂ ə́ kə kɔ́ʼ nə́ lə̂, kəfɨd wə̂ a lə́gnə, əliʼ ə́ kə mbwɔ́dnə.