Baverset oyo Eyebani Mpenza ewuti na Yoh 6

Kabola

Yesu abagira ati: Niinye mugaati ogw'amagara; weena oija ahi ndi tarigira njara, na weena orikuunyikiriza tarigira iriho.

Manya Mutima niwe ahaisa amagara, omubiri tigwine mugasho; ebi naabagambira ni Mutima kandi n'amagara.

Mutarihendekyera ebyokurya ebirikuhwaho, kureka ebigumaho, bikabahitsya omu magara agatahwaho, nibyo byokurya ebi Omwana w'omuntu aribaha; ahabw'okuba Ruhanga Taata akamutaho akamanyiso k'okumuhamya.

Manya eki nikyo Tata ayenda, ngu weena oreeba Mwana akamwikiriza, atungye amagara agatahwaho; kandi ndyamuzoora aha kiro ky'aha muheru.

Yesu abagarukamu ati: Ogwo nigwo murimo gwa Ruhanga, imwe okwikiriza ogwo ou yaatumire.

Boona abu Taata ampa, baija ahariinye; kandi weena oija ahariinye, tindimubinga.

Simooni Petero amugarukamu ati: Mukama waitu, hari itwe n'oha ou twakuzaho? Ka niiwe oine ebigambo by'amagara agatahwaho.

Niinye mugaati ogw'amagara ogwarugire omu iguru; weena orya ogwo mugaati, aryamereera; kandi omugaati ogu ndiha ngu ab'omu nsi bagire amagara, nigwo mubiri wangye.

Tihariho obaasa kwija ahariinye, atareetsirwe Taata owantumire; kandi naanye ndyamuzoora aha kiro ky'aha mperu.

Manya omugaati gwa Ruhanga nigwo ogwo oguruga omu iguru, gukaha ensi amagara.

Niinye mugaati gw'amagara.

Yesu nikwo kukwata egyo migaati. Ku yaaherize kusiima, yaagigaburira abo bantu bashutami; n'ebyenyanja nabyo yaabitwaza atyo, yaabigaburira boona nk'oku baabaire nibeetenga. Ku baahaagire, yaagira abatendekwa be ati: Nimutooratoore oburagarika obwatsigaraho, hatagira akaaburaho.

Ku baabaire baagoyaho kilomita nka itaano nari mukaaga, baareeba Yesu naagyendera aha nyanja naizira obwato; batyo baatiina. Kwonka we yaabahuumuriza ati: Muhuumure; niinye.