Baverset oyo Eyebani Mpenza ewuti na Maka 13

Kabola

kiadama maba poso inio ke melai kaikuapou, ako meta aṉa me luluelani mela sole. Melai vo o pizato ala ti obeta barolo ala koa taku ko paitopaito kale, vo inio o pakiovou.”

So sole meta vailomo ni inainaomo, ako meta pui meqai nianiia sole koa taku ko barolou keru.

Ni so keru seke noqoemelou keru, ni ke melati ziovou keru titizikinio kale, meta pui tiṉoliṉoli meqai elou ko noi nio me kimevo avo kio seke melai kuirikani me ko ruqe kasi. Melai so keru taku ko barolou keru inio meta me qasekou koa pesipesi meko kerukeru kale ko kilo ama, ako pui me ṉaviko kerukeru kale inio meba pesiovou sole melai vo Tabu ala Auvana inio o pesiovou mekale kude.

Au ni miduku ta kota ruvurou melai aṉako bazubazu ta maba pui ti pui kopa ruvurou,” kiolake.

Ni vo Jisu ta mata eri kiolake sekasi, “Puliala maba ta okai nianiia koa ṉaniu ni taku aṉa maba a eveni lala a vaitou keru, se aukale ama mateana madu melai pui kekai nianiia, ni aṉa Baṉara vo Meqora lala melai pui aqai nianiia, melai aṉavo Mama Baṉara o kiada inio okai nianiia koa taku.

Ni so keru meme viqou keru ko matuma pazokinio ko bazu ni ke ṉavio kude kanaekinio ko bazu melai meta pui me ṉalou, ako ko quli poso ta kota ereilou inio sole, melai pui ko ikio peuru ma peuru ko paitopaito.

Sole meta vailomo, ako meta pui meqai nianiia sole koa taku aṉa a vaitou keru, omadeuvo sea nabulu poso jari pui kekai nianiiani vo pade ko tanala o vaitou keru. Esa raisiraisi ma ipu tiania ma vikale. Meta pui maroṉo, ako aṉata a vaitou ota podolo ama taku kale sole. Komi quli aṉa a melai bazuekako quli aṉako disaipeli madu mela kio mata abe mai bazueka sea kiadamu se aṉa ke luluelani, ni eri nio mela kiala: Meta vailomo!”

Ni matumatuma peuru poso ta ko kati pazokiniou kama edoloma matumatuma peuru poso, ni toutou poso ta kokai kasakeovou kama edoloma toutou poso, ni nunu ta ko elou komia kiadakoi. Melai koa kiadama quli ta ko rekoreko kai tanito meqora kai alilo ko tola jari pala inio.

Melai puliako peuru ma peuru paito nio ko Uri ama Bazu ta ko pikairiovou kiadama peuru ma peuru kale ama qoqono poso kasi.

Ako matu kubo maba madu inio ke kilou ni eri kikevou, ‘Aṉa inio voa Pakio vo Baṉara o pitoeveni lala!’ kikevou, ni ke saruemou matu kubo maba madu.

“Ni meta me ṉavi nio me balauvou. Ako seta ke noqoemelou, ni ke melati ziovou titizikinio kale ni seta ke pazomelou ilusato ko pade kale ni ke lojoemelou me se Lekasa poso ni Qavuna madu ko tanama kale, ni so inio meta meqai bazutou ko Uri ama Bazu sekasi.

Ako se lipalipa kama Pakio vo Baṉara o pitoemeni kikelani, ni se lipalipa kama poropita madu ta ke podakou ni ke erekou aqasiele ama quli ni ṉavaṉavala kama quli tu ke saruemo se vo Baṉara lula o pitoemeni, kebe mai roveovou ta.

Ni vo Jisu ta obeta olake pesio ni eri kiolake, “Ni koa tapata poso ko tova nio vo ṉaniu ta kutumana ota elou, ni kaboso ta pui opa talolou, ni ko suti ta kota pialou aukale azo, ni ko aukale ama quli ta kota vezovezokatou.