Baverset oyo Eyebani Mpenza ewuti na KISAH RASUL-RASUL 1

Kabola

Laguq side pade gen nerimaq kuase, sewaktu Roh Suci sampun rauh tipaq side. Dait side pade gen jari saksi-saksi Tiang léq Yerusalem, léq selapuq wilayah Yudea, léq Samaria, dait jangke dateng poton gumi.”

Jawab Deside Isa, “Bapa Tiang mésaq saq nentuang jelo dait waktune. Hal nike ndéq perlu side pade taoq, séngaq nike kuase Bapa.

Léq sopoq jelo sewaktu Deside Isa medaran bareng ie pade, Ie ngicanin préntah niki léq ie pade, “Ndaq lumbar léman Yerusalem. Antih léq derike jangke Bapa ngicanin napi saq sampun Ie janjiqang, saq laéq sampun Tiang badaq side. Séngaq Yahya baptis kadu aiq, laguq karing pire jelo malik side pade gen tebaptis kadu Roh Suci.”

Sesampun Ie ninggal, sengonéq petang dase jelo Ie rimpes nyatayang siq care saq nyate gati tipaq rasul-rasul nike bahwe Ie tetu-tetu idup. Ie pade serioq Deside Isa, dait Deside Isa bebaos kance ie pade mengenai Kerajaan Allah.

Sesampun Deside Isa bemanik maraq nike, Ie kerangkatan ojok sorge léq julu ie pade, dait awan ilipang Ie léman penyerioqan ie pade.

Waktu ie pade masih merhatiang andang langit, sewaktu Deside Isa kerangkatan, selung-selung due dengan bekelambi putéq nganjeng léq dékét ie pade, dait bebase tipaq ie pade, “Hai, dengan-dengan Galilea, kembéq side pade nganjeng doang léq derike serioq andang langit? Deside Isa, saq side pade serioq kerangkatan ojok sorge léq julu side pade, gen tulak malik siq care maraq nike éndah pade maraq saq side pade serioq.”