Baverset oyo Eyebani Mpenza ewuti na YAHYA 4

Share

Sababu Allahu Taa̒ala boito Rohu, wau bo wolo kawasa lo Rohullah tau-tauwalo moo̒tubo li Paapa odelo woloolo mola Tio woluo.”

Bo wakutuulio mamei dungga, tumbao̒ malei dungga mai, deu̒ wolo kawasa lo Rohullah tau-tauwalo mamolubo li Paapa odelo Allahu Taa̒ala tabanali debo odelo u otohilaa li Paapa.

“bo taa mongilu taluhu u mawohi-U̒ mai madiilalo mototoa̒ngo poli ohiheo-hiheolo mao̒. Sababu tahulu u mawohi-U̒ boito mamowali mato lotaluhu todelomo batangalio u mopentelai ode bulemengio wau mongohi olio tutumulo ututuulio tutu wau ohiheo-hiheolo mao̒.”

Ti Isa lolametao̒, “Humayaalio otaawamu wowohi mai lo Allahu Taa̒ala wau tatoonu talohile taluhu olemu, tantuulo mao̒ yio̒ lohihilao tamohile uilumolo to o-Lio, wau Tio mamongohi mai olemu taluhu lo tutumulo.”

Lapatao̒ ti Isa lotahuda mao̒, “Ua̒alo-U̒ yito modudua̒ u otohilaa-Lio lo tamalolao mai ola-U̒, wau mopoo̒ lapato kalaja uiludu-Lio mai ola-U̒.

Loi̒ya mao̒ lotaabua boito, “Ti Tuani diila otuuntu, wau ali botie modeloma daa̒. Monto utoonu ti Tuani moo̒tapu mai taluhee lo tutumulo?

Taabua boito loloi̒ya mao̒ li Isa. “Otaawa lowatia Olongia Tamoo-poa̒ahua (tai̒lunte Almasi) mamei dungga. Wonu Tio meidungga, Tio mamo poo̒taa totoonulalo u hitua-tuawua to olanto.” “Wau̒lo Tio,” tahuda li Isa, “Wau̒ tabotia donggo hemo bisala wolemu.”

“Dulo mai bilohi talo poo̒taa mai olaatia totoonulalo hitua-tuawua u mapee̒enta pilohutu lowatia. Wolo otanu Tiolo boito Olongia Tamoo-poa̒ahua?”