Baverset oyo Eyebani Mpenza ewuti na Iohane 6

Share

Nauliꞌ Iesu, “Kódóꞌ miꞌi deꞌe pandeꞌ to mampoweꞌi katueꞌ. Heáná to mai i Kódóꞌ hai mepoinálái, tiꞌarapoheꞌ ina marimi hai tiꞌarapoheꞌ ina mangkadoꞌu duuꞌna i rue-ruena.

Inaona miꞌi Pueꞌ Ala to mampoweꞌi katueꞌ. Kamaróhó tauna tiꞌara mobunduꞌ. LaluitaNgkuꞌ to Kupahaweꞌákou mentóáꞌ hangko i Inaona Pueꞌ Ala hai mampoweꞌi katueꞌ to tiꞌara mokahópóꞌá.

Ineeꞌkou mobágóꞌ mampeliꞌ pandeꞌ to hampalai peá kaupuna hai poloꞌ mawai. Mobágóꞌmokou mampeliꞌ pandeꞌ to tiꞌara peisá mawai hai to mampoweꞌi katueꞌ to maroꞌa to tiꞌara mokahópóꞌá. Ánáꞌ Mánusiá to ina mampoweꞌikou pandeꞌ iti, láwiꞌ Ia miꞌi to napileꞌi Pueꞌ Ala hai to Napokana bábehiáNa iti.”

Deꞌe miꞌi peundeꞌána UmáNgkuꞌ: bona upu-upu tauna to moitaꞌAꞌ hai mepoinálái i Kódóꞌ ÁnáꞌNa, ina molámbiꞌheꞌ katueꞌ to maroꞌa to tiꞌara mokahópóꞌá, hai ina Kupopearóheꞌ i alo pobutusi i kahópóꞌána duniáꞌ.”

Nauliꞌ Iesu, “Deꞌe miꞌi to naundeꞌ Pueꞌ Ala bona nibábehi: mepoináláimokou i Kódóꞌ to Nahuoꞌ mai.”

Upu-upu tauna to naweꞌiAꞌ UmáNgkuꞌ, bateꞌna mai i Kódóꞌ. Hai heáná peá to mai i Kódóꞌ, tiꞌara ina Kusápuáka.

Nauliꞌ Simoꞌ Peturuꞌ, “Ane kipálehiKoꞌ Pueꞌ, i heánáꞌangkaiꞌ paꞌi ina lao, láwiꞌ Io peá to mohuwárá laluita to mampoweꞌi katueꞌ to maroꞌa duuꞌna i rue-ruena.

Kódóꞌ miꞌi deꞌe pandeꞌ to mendáulu mai hangko i surugáꞌ, pandeꞌ to mampoweꞌi katueꞌ i tauna! Heáná peá to mandeꞌ pandeꞌ deꞌe ina molámbiꞌheꞌ katueꞌ to tiꞌara mokahópóꞌá. Pandeꞌ ngkatueꞌ deꞌe, lempóna wátáNgkuꞌ to Kupeweꞌi bona tauna molámbiꞌ katueꞌ.”

Tiꞌara ara haweꞌ hadua to peisá mai i Kódóꞌ, ane tiꞌara nakióꞌ UmáNgkuꞌ to mohuoꞌAꞌ mai. Hai heáná peá to mai i Kódóꞌ, ina Kupopearó hangko i kapate i alo pobutusi i kahópóꞌána duniáꞌ.

Pandeꞌ to naweꞌikou Pueꞌ Ala, ia miꞌi Ia to mendáulu mai hangko i surugáꞌ hai mampoweꞌi katueꞌ i tauna.”

Kódóꞌ miꞌi deꞌe pandeꞌ to mampoweꞌi katueꞌ.

Hangko ionoꞌ, Iesu moala miꞌi rótiꞌ hai bouꞌ iti, Napekakaeá hai Naweꞌimoheꞌ topeguruNa bona ragáláꞌ-gáláꞌáheꞌ tauna to handaꞌ to tangaꞌraꞌ mehoda. Mandeꞌmoheꞌ upu-upu duuꞌraꞌ mabuhu. Mabuhumoheꞌ upu-upu, nauliꞌ Iesu i topeguruNaheꞌ, “Nirámpu pelábiána, bona tiꞌara ara to ratibe mbero.”

Kakaraoꞌraꞌ mowose lima ba ini kilómete hangko i wiwi rano, moitamoheꞌ Iesu molumao i wongko uwai lao modupaꞌheꞌ. Malááꞌ ntepuꞌuheꞌ, agáiáná nauliꞌ Iesu, “Ineeꞌkou malááꞌ! Kódóꞌnto deꞌe.”