Baverset oyo Eyebani Mpenza ewuti na Luku 8

Kabola

Kandə-ko kə̂ gayn dɔ nangə tə̂ kə̂ maji le tɔju njê kə̂ ooje tar lə Lubba kə mə kə̂ maji kə mə kə̂ gatə gatə, a n̂-ngəmje tar le, duwaje darə ngəng ngaâ n̂-naynje daw dandəje kandə.»

Kandə-ko kə̂ gayn horo kakə konnje tə̂ tɔju dəwje kə̂ ooje tar lə Lubba le ngaâ ɔtuje a, kəjə-tar kə nɛ̂n-kingaje kə rɔ-nəəlje kə̂ dɔ nangə tə̂ ɔrede kə nangə̂ karə dandə kandə kə majɛ̂ ang.

Kandə-ko kə̂ gayn dɔ ər tə̂ le tɔju njê kə̂ ooje tar lə Lubba le a, taaje kə rɔ-nəəl. A tar kə̂ dooje le ungu ngirɛ̂ məde tə̂ ang, dooje məde tə̂ mba gɔju kar baa, a ndɔ kə̂ nɛ̂n nan mə tee a, n̂-tusuje dinyaje.

Jeju pa arə njê-njaje goe tə̂ le nan: «Mə-kunn ləse to dda wa?» Bbəəl uta dɔde ddəm dɔde ayn ddəm ngaâ n̂-paje darə naan nan: «Dəw nəənn to dəw ddi wa? Mba n̂-ndangə nɛ̂n a, ləl kə maann kara ooje tɛɛ̂.»

Kandə-ko kə̂ gayn mbɔr ddəw tə̂ le tɔju dəwje kə̂ ooje tar lə Lubba le ngaâ Əsu ddee ɔru tar le məde tə̂ kə ddang, mba karə dooje məde tə̂ ta dingaje kaji ang.

Mba nɛ̂n tɔyn kə̂ to lo-kiyɛ̂ tə̂ kə̂ a tee kə ddaka ang goto, nɛ̂n tɔyn kə̂ n̂-kusu dɔɛ̂ kə̂ a tee kəm dəwje tə̂ kə ddaka ang goto.

Dɛnɛ̂n le oo be a, gərə to Jeju gəre ngaâ nisa, n̂-ddee noso nɔn gɔlɛ̂ tə̂. N̂-pa gəl nɛ̂n kə̂ nɔru nɛ̂n Jeju kə gusu kə̂ rɔ-to laa goto nɛ̂n kar tə̂ənn le kəm dəwje tə̂ tɔyn. Jeju pa arɛ̂ nan: «Ngonnəm kə̂ dɛnɛ̂n, mə-kunn ləi ajii. Aw kə mə-wul-lɔm.»

Njê-njaje goe tə̂ le ddeeje ngɔsi saa ngaâ n̂-ndoleje n̂-paje nan: «Əbbə-dəwje, Əbbə-dəwje, ja nayn bbo!» N̂-ndol ngaâ n̂-ndangə bamburanbo le ddəm maann kə̂ aw ləngə le ddəm narə əwje rɔde ngaâ lo to nyɛnɛnɛ.