Baverset oyo Eyebani Mpenza ewuti na Matyu 10

Share

“Ket ita, ya panangibon ku dakayu, ket arig mettas nga uwed karne̍ru nga iturung ku iya edyan diya atap nga asu nga nauyung. Itu nga agsalsalingag kayu kuma ngarud nga arig nga malaga, se̍ nanacman kayu kuma pe̍ nga arig nga kalapati.

Ket ya mangipaidam iya biyag na, mapukaw nad mettas igina ya kaipapennan niya biyag na. Ket ya mangipalikud nga gennung iya panangipateg na iya biyag na gapu iyaken, masmac na nad ya kaipapennan niya biyag na.”

Ket bekken kuma nga diya mabalin nga mangpatey ngas iya beggi ya kansing nu, ta madi da mabalin ya mangpukaw iya kararuwa. Ngem ya kansing nu kuma nga gennung, ket e̍ Apu Diyus. Ta igina, uwed lugud ya turay nga mangpatey iya beggi se̍ mangpukaw pe̍ iya kararuwa ka impiye̍rnu.

Se̍ bekken pe̍ nga maikari nga maibilang nga toley ku ya madi mangitured iya arig nga panangagtu na iya krus na nga pakailansaan na mettas, tasun sumurut iyaken.

“Itu nga amin nga mangipakaemmu nga siaannamung iya imatang diya toley iya pannakitipun da iyaken, ket ipakaemmuc nad pe̍ nga siaannamung iya imatang niya Amac nga uwed ka langit ya pannakitipun ku kadiyan nga toley. Ngem ya mangipakaemmu iya imatang diya toley nga di nac kanu annamunganin, ket ipakaemmuc nad met iya imatang niya Amac nga uwed ka langit, nga madic pe̍ annamungan nga pulusin.”

Palaingen nu diya agsakit, paungaren nu diya natey, paunayen nu diya agkutel, se̍ pagtalawen nu diya sairu kadiya maluganan. Ket didi nga naitalec dakayu, nae̍cde̍ da nga awan bayad na, itu nga madi kayu met agpabayad iya panangitulung nu kadidi.

Dikad pe̍ madi kayu lugud mansingin, ta napatpateg kayu met ngem iya orey adu nga lignes.”

“Mabalin nga ipagarup nu nga inumbe̍t tac tasun pagtutunusec kuma diya toltoley idi nga lubung. Ngem ya kinapudnu na, ya numbe̍tac, bekken nga agbanag ka panagtutunus diya toley, no di lugud agbanag ka panagkukuntra da.