Baverset oyo Eyebani Mpenza ewuti na Yohane 13

Kabola

Kuweikau hawa au wou: mombepokaahimokau. Hangangaa mombepokaahikau nodo kaKupokaahimi. Ane mombepokaahikau, ina raisa ope-ope tauna ikamu topeguruNgkukau.”

Iko, Ampumi hai Gurumi, mobagomoNa nodo hadua hawi mobahoi bitimi. Mewali, ikamu wori hangangaa mombebahoi mpobitikau. Kupopaitaakau pandiri ide inona bona apa au Kubabehi nipeulai. Iko motulungikau, mewali ikamu wori hangangaa motulungi worikau rangami.

Nauli Yesu, “Ide-ide, bara mani nuisa apa au Kubabehi, agaiana i alo au ina mai, hangko nuisari.”

Tou mpuu lolitaNgku ide: hadua hawi bara meliu karabilana hangko i ampuna. Hadua tudua bara meliu karabilana hangko i tauna au metudu.

Ane niisa hai nipeulai paturo ide, ina morasikau.

Ido hai meangkami, mowosui kumbaNa, hai mangala komo Naweweha i pekoNa. Roo indo, mokando owai i loia, pane mepongkami mobahoi bitinda topeguruNa, Naumpahi hai komo au i pekoNa.