Baverset oyo Eyebani Mpenza ewuti na Génesis 3

Share

Che' bʌ tsi' q'uele jiñi x'ixic uts'atax i wut jiñi te' cha'añ mi' c'ux, mulantic tsi' q'uele yic'ot añ i c'ʌjñibal cha'añ mi' yʌq'ueñ i ña'tʌbal, tsi' tuc'u i wut jiñi te', tsi' c'uxu; yic'ot tsi' yʌq'ue i ñoxi'al, che' jiñi tsi' c'uxu ja'el che' bajche' jiñi x'ixic.

Jiñi lucum ñumen p'ip' i pusic'al bajche' pejtelel yan tac bʌ bʌte'el tsa' bʌ i mele lac Yum Dios. Jiñi lucum tsi' su'be jiñi x'ixic: —¿Isujm ba tsi' su'beyetla Dios: “Mach yomic mi la' c'uxben i wut pejtelel jiñi te' am bʌ ti jiñi pʌc'ʌbʌl”?

Mi caj cʌq'ueñet la' contrajin la' bʌ jatet yic'ot jiñi x'ixic, mi caj i contrajiñob i bʌ i p'olbal jiñi x'ixic yic'ot a p'olbal; i p'olbal jiñi x'ixic mi caj i low a jol, ixcu jatet mi caj a lowben i tuñ'oc.

Dios tsi' su'be jiñi x'ixic: —Mi caj c wen p'ojlesan a wocol che' cʌntʌbil a walobil. Mi caj a cha'len bajq'uel che' mi' yilan pañimil a walobilob, yom ma' wajñel yic'ot a ñoxi'al, jiñi mi caj i su'beñet chuqui yom ma' mel.

Mi caj a cha'len bu'lich cha'añ wersa e'tel cha'añ ma' taj a waj, c'ʌlʌl jinto ma' sujtel ti lum, come tsa' c meleyet ti ts'u'bejn; ts'u'bejñet jiñi cha'añ mi caj a cha' sujtel ti ts'u'bejn.

Dios tsi' su'be jiñi wiñic: —Cha'añ ti' caj tsa' jac'be i t'añ a wijñam yic'ot cha'añ tsa' c'uxu i wut jiñi te' tsa' bʌ c su'beyet: “Mach yomic ma' c'ux”, asiyemix jiñi lum cha'añet; wocol jax mi caj a taj i bʌl a ñʌc' ti lum c'ʌlʌl jinto ma' chʌmel.

Jiñi cha'añ Dios tsi' c'ajtibe: —¿Majqui tsi' su'beyet cha'añ pits'ilet? ¿Tsa' ba a c'uxu i wut jiñi te' tsa' bʌ c su'beyet cha'añ mach yomic ma' c'ux?

Dios tsi' choco loq'uel jiñi wiñic. Ya' ti jiñi pʌc'ʌbʌl i c'aba' Edén ti' tojel i pasibal q'uiñ, Dios tsi' wa'choco querubiñob bʌ ángelob, yic'ot tsi' yʌc'ʌ junts'ijt espada woli bʌ ti lejmel, woli bʌ ti wijlel ñumel cha'añ mi' mʌctañ i bijlel jiñi te' mu' bʌ i yʌq'ueñonla laj cuxtʌlel.

Jiñi wiñic tsi' yotsʌbe i c'aba' i pi'ʌl ti Eva, come i ña'ʌch pejtelel jiñi cuxulo' bʌ.