Baverset oyo Eyebani Mpenza ewuti na Chɔ᷄ŋ 5

Kabola

“Mī di̍mu̍l nya̍ tōnya̍a̍ wa̍la̍ŋ, wānā o̍ wāna̍ tu̍e̍ī nyɛ̄ ya̍ I̍ di̍mī wo̍ pɛ̍, ndu̍yɛ̍, mbō tōsa̍ ndu̍, o̍ ko̍ŋ kɔ̍ɔ̍lī, mbō dɔ̄ū tīīnda᷄ŋndo̍ o̍ Mɛ̄lɛ̄ka̍ ni᷄ŋ o̍ ve᷅m ya̍ wo̍ pɛ̍, mɛ̄ɛ̍ wānā ko̍ŋ ō kāndu̍ ni᷅ŋ bɛ̍ɛ̍ yo̍o̍mū kpe̍e̍kpe̍i̍ nɔ̍ la̍mɛ̍ɛ̍lu̍ le̍ wo̍ sɔ̄lāa̍. Mɛ̄ɛ̍ wānā ko̍ŋ ā ki̍lūl lɛ̍ ndu̍ īyāma̍ le̍ ndu̍ nyɛ̄ pālāā tūsī chōo̍ le̍. Ō wa̍ māā yɔ̄ŋɔ̄ɔ̄ pɛ̍, mɛ̄ɛ̍ wānā ko̍ŋ ō fāŋa̍ŋ o̍ nɛ̄i̍ ku̍ɛ̄ o̍ pīɔ̍mndo̍ ni᷄ŋ ndo̍ chōo̍ mbo̍ kāndū wāa̍ yōōmū kpe̍e̍kpe̍i̍.

Mi̍ Chi̍i̍sū cha᷅ pōo̍ ho̍ō īhīni̍. Ndu̍yɛ̍, mbo̍ sīnā māā ō vīōū ni᷅ŋ a̍ nāa̍ ho̍ō. Mi̍ Chi̍i̍sū nyu̍nā ndu̍ āā vɛ̄ɛ̄, “A̍ hɛ̍na̍ŋ mā sēŋgū?”

Dīōmnda̍ cho̍ o̍ Yāu̍ Mɛ̄lɛ̄ka̍a̍ ni᷄ŋ nda̍ŋ mī lā pɛ̄ɛ̄ku̍ la̍ŋ, kāni̍ fo̍ndōle̍, lā nɔ̄ yīya᷄ŋndo̍ māā, lā nɔ̄lā mī lā sɔ̄la̍ yōōmū kpe̍e̍kpe̍i̍yo̍ o̍ nɔ̍ la̍mɛ̍ɛ̍lu̍ le̍ wo̍ o̍ dīōmndā lāŋ ni᷄ŋ. O̍ Yāu̍ Mɛ̄lɛ̄ka̍ ko̍ŋ ni᷄ŋ ko̍ni̍ dīōmnda̍ŋ lā chō lā dīmīa̍ŋ a̍ ya̍ o̍kɔ̄ɔ̄ ni̍. Kɛ̍ o̍ ko̍ŋ ni̍ŋ kpo̍u̍, lā chɛ᷅l mī lā dɔ̄ū tīīnda᷄ŋ nyāa̍ o̍ ya̍ ni̍ŋ le̍ mī lā sɔ̄la̍ yōōmū kpe̍e̍kpe̍i̍yo̍ le̍.”

Mi̍ Chi̍i̍sū lo᷅ o̍ ko̍ŋ mbo̍ dīmūl ndu̍ āā, “Chɔ̍ŋ mā chu̍a̍ wāla̍ nu̍mndo̍ mā kūɛ̄nu᷄ŋ.” Dīmīo̍o̍ le̍nde̍, mi̍ pōo̍ sīāŋgū o̍ lēpīlɛ̍ ni᷄ŋ kpe̍. Mbo̍ chūā wāla̍ ndɔ̄ɔ̍ mbo̍ kāndū kɔ᷄ŋnda̍ŋ Ndu̍yɛ̍, o̍ pāa̍le̍ pɛ̍ŋgīāālē Chu̍ūwa̍ chōo̍ sūɛ̍i̍ he̍ī yɔ̄nu̍ŋ ni̍.

O̍ ko̍ŋ, mi̍ Chi̍i̍sū di̍mūl wānāā bɛ̄ndūāā Chu̍ūwa̍ āā, “Mī di̍mu̍l nya̍ tōnya̍a̍ wa̍la̍ŋ, Po̍ Mɛ̄lɛ̄ka̍a̍ ō nɔ̍lā mbō to̍sa̍ nyɛ̄ o̍ nyɛ̄ a̍ bā ndɔ̄ le̍. Nyɛ̄ o̍ cha᷅ Fi̍nyā ndɔ̍ o̍ tōsāa̍ wo̍, ndu̍ ko̍ni̍ o̍ to̍sā ni̍. Nyɛ̄ Mɛ̄lɛ̄ka̍ Fi̍nyāa̍ ō tōsā wo̍, ndu̍ ko̍ni̍ Po̍ ndɔ̄ɔ̍ bɛ̍ɛ̍ ō tōsā ni̍.