Baverset oyo Eyebani Mpenza ewuti na Lucas 6

Kabola

Panghatag kamo sa inyong isigkatawo ug kamo hatagan. Madawat ninyo ang hustong takos ug sobra pa gani nga mag-awas kini! Ang sudlanan nga inyong gamiton alang sa uban mao usab ang gamiton alang kaninyo.”

Ang maayong tawo magsultig maayo gikan sa maayong mga butang nga anaa sa iyang kasingkasing. Apan ang tawo nga daotan magbuhat ug daotan gikan sa mangil-ad nga mga butang nga anaa sa iyang kasingkasing. Kay kon unsa ang anaa sa kasingkasing sa tawo mao usab ang iyang isulti.

Higugmaa hinuon ninyo ang inyong mga kaaway ug buhata ang maayo ngadto kanila! Pahulama sila sa walay pagpaabot nga bayran kay sa ingon niini dako ang ganti nga inyong madawat ug kamo mahimong mga anak sa Labing Halangdong Dios. Kay siya maayo ngadto sa mga dili mapasalamaton ingon man sa mga daotan.

Busa pagmaluluy-on kamo sama nga maluluy-on ang inyong Amahan.

“Ayaw kamo paghukom sa inyong isigkatawo ug kamo dili hukman sa Dios. Ayaw pakasad-a ang uban ug kamo dili pakasad-on. Pasayloa sila ug kamo pasayloon usab.

“Apan sultihan ko kamo nga namati kanako: higugmaa ninyo ang inyong mga kaaway ug buhata ang maayo alang niadtong nagdumot kaninyo. Panalangini ang motunglo kaninyo ug pag-ampo kamo alang sa nagdaugdaog kaninyo.

Buhata ngadto sa mga tawo ang gusto ninyo nga buhaton nila nganha kaninyo.

Kon may mosagpa sa inyong aping, ipasagpa usab ang pikas. Ug kon adunay moilog sa inyong kupo, ihatag usab ang inyong sinina. Hatagi ninyo ang tanan nga mangayo ug kon may mokuha sa inyong butang, ayaw na kinig bawia.

“Ang maayo nga kahoy dili mamungag walay pulos nga bunga. Ang masakiton nga kahoy dili usab mamungag maayong bunga.

Ang matag usa ka kahoy maila sa kaugalingon niyang bunga. Dili ka makapupo ug igos gikan sa sampinit o ubas gikan sa kadyapa.