Baverset oyo Eyebani Mpenza ewuti na Luk 12

Kabola

Nammwe nno mwetegekenga, kubanga Omwana w'Omuntu alijja mu kaseera ke mutalowooza.”

Kale musookenga kunoonya bwakabaka bwe, n'ebyo byonna biribongerwako.

Ate n'abagamba nti: “Mwekkaanye, era mwekuumenga omululu gw'ebintu; kubanga obulamu bw'omuntu tebuli mu buyitirivu bw'ebintu by'alina.”

Kubanga awabeera obugagga bwammwe, eyo n'omutima gwammwe gye gulibeera.

Ani mu mmwe ne bwe yeeraliikirira atya, ayinza okwongera omukono ogumu ku buwanvu bwe?

Awo n'agamba abayigirizwa be nti: “Kyenva mbagamba nti: temweraliikiriranga bulamu bwammwe, nti munaalya ki, newandibadde omubiri, nti munaayambala ki?

Mulabe eno, enviiri zammwe ez'oku mutwe, zonna mbale. Temutya; muli ba muwendo okusinga enkazaluggya enkumu.

Muleke kutya, mmwe eggana ettono, kubanga Kitammwe yasiima okubawa obwakabaka.

Mwekkaanye binnamuŋŋoona: tebisiga wadde okukungula, tebirina materekero wadde ebyagi; sso Katonda abiriisa. Nga muli ba muwendo okusinga ebinyonyi!

Kale nno mulekenga kunoonya kye munaalya oba kye munaanywa; temweraliikiriranga.

Kale obanga omuddo ku ttale oguliwo leero jjo ne gusuulibwa mu kabiga, Katonda agwambaza bw'atyo, talibasinzaawo mmwe ab'okukkiriza okutono?

Kubanga tewali kikisiddwa kitalibikkulibwa; era tewali kikisiddwa kitalimanyibwa.