Baverset oyo Eyebani Mpenza ewuti na Joyn 14

Kabola

“Ma lù moʼtə mbwaʼmə ghom a ghə̀ŋ. Ma kù mbwaʼmə ghom a ghə̀ŋ. Ma ko kù mbwaʼmə ghèn a ghə̀ŋ to ando mbyi nə̀ ku. Kə ghə̀ŋ be zhuŋsə̀ təwen ə təŋtə, kə ghə̀ŋ be fwaynə.

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Yesò gàʼ a ndzɨ̀mtə̀sə bàm ə wensə la, “kə ghə̀ŋ nə̀ femsə təwen ə təŋtə. Ghə̀ŋ byɨmə a Nyìngòŋ, ə be byɨmə a mò.

Ngyàmtə̀ yi a Tìʼ na tɨm a mo azhiʼ, a diʼ kəzhwì kə Ŋwoʼkə, kə ne ziʼi ghə̀ŋ no nə̀ nyʉ̀ nò tsèm, ə be nè ghə̀ŋ kwoʼtə no tèbe ghò yì a mà gàʼa li a ghə̀ŋ.

“Wìʼ yi a ghə̀ kòŋ mò diʼ wìʼ yi a ghə̀ zhʉtə təsoʼ ə tyomtə. No ndò a ghə̀ kòŋə̀ mo, Tìʼ ghom kòŋ wen, ma be kòŋ wen, diʼi ji shomsə a wen.”

Ma na sensə, Tìʼ ghə̀ ku Ngyàmtə̀ ə tsen a ghə̀ŋ, a ghə̀ faŋ ghə̀ŋ vəwenə to ghayn mùʼ. Ngyàmtə̀ a ghèn ne ndiʼ Kəzhwì kə Nyìngòŋ kì a kə diʼi nəmwèʼè kumə Nyìngòŋ. Viʼi mbyi zizi ko və lu shisə Ngyàmtə̀ a ghèn byìʼàndo vəwenə ko yenə wen, ko və kɨ wen. Ghə̀ŋ kɨli wen byìʼàndo ghə̀ tsi ghə̀ŋ vəwenə, diʼ ə nè ə ndiʼ a ghə̀ŋ a ntìntìn.

Ma nè no tèbe ghò yi a ghə̀ŋ bèm a mo azhiʼ ndi Tìʼ diʼ kədyòʼ kə wen chò fa mo Wàyn. Ghə̀ŋ sətsen bèm no tèbe ghò a mo əzhiʼ, mà nè a ghə̀ŋ.

“Ghə̀ŋ sətsen ə kòŋ mo, ghə̀ŋ a nghʉ̀ təsoʼ ə tyomtə.

Kəbəŋ kə Tìʼ ghom kə ə kiʼi tinsə a aloʼ sə diʼ to kədə̀ŋ. Kə tə faŋ kə diʼ alə̀, mu ma shə̀ʼtə̀ li a ghə̀ŋ. Ma dyʉ̀ ə shɨtə shì tsu a ghə̀ŋ.

Mà sətsen dyʉ̀ shɨtə, mà bwenə vi əlyɨ̀ ghə̀ŋ, ndi ghə̀ŋ dyʉ̀ ndiʼ vəghəŋ akəshi yi a ma diʼ tsu.

Tòmos ə mu bèm a wen la, “Yes zizi yes kɨ ji ale a Bobo, ko yes kɨ no tèbe kəshi kì a wù dyʉ̀ tsu a?”