Baverset oyo Eyebani Mpenza ewuti na Joyn 10

Kabola

Tsòŋ nə̀ vì ndiʼ ə tsoŋ, vi to ndiʼ ə zhwi be byɨbsə. Alì, mà nvi a mbyi ə nè la viʼi ə ntsi, ko və lu gho kəfo.

“Ma diʼ no ntsɨ̀ŋ byisə ə jùŋ. Ntsɨ̀ŋ byisə ə jùŋ nə diʼ yi a ghə̀ saŋlə ə pfʉ byìʼì byisə a ghə̀ tsɨ̀ŋ.

Byi shomsə ə zhʉ̀ gɨ ghom, dzɨ̀mtə̀ mò, ma kɨ səwensə.

Ma kù ntsìnə̀ yì a ghə̀ ko lu mè a byi a sensə, ko sə lu be ə pfʉkə. Wìʼ zizi ko ghə̀ lu ghaʼa ə shi səwensə fa mo kəvu.

Ma diʼ əchʉ mbàyn, mu no ndò a ghə̀ chò fa tsù, mu ghə̀ lu bwòŋ, ali ghə̀ ne chò kwenə, be chò fʉ to ando ghə̀ kòŋ, be kiʼi ə fozhɨvə ə zhɨ.

Ma diʼ to no ntsɨ̀ŋ byisə ə jùŋ, ma kɨ byisə shomsə, sə kɨ mò

Tìʼ ghom yi a ghə̀ kù byi na sensə a mò ə chò mò. Kə lə diʼi la wìʼ zizi ko ghə̀ lu be ghaʼa shi fa kəvu ə Tìʼ ə ghom. Yo Tiʼi ghom diʼ to kənyʉ̀ kə mùʼ.”

to ndə̀ŋndəŋ ando Tìʼ ghom ə kɨ mo, ma be kɨ wen. Ma tu ma ə pfʉ̀ byìʼì byisə shomsə.

Wìʼ kodiʼ a ghə̀ zizi ghə̀ zhwi mo, ma kiʼi kədyòʼ ə ku kətʉ kom a pfʉ̀. Be kiʼi kədyòʼ ə shi kətʉ komkə fa pfʉ̀, Kədyòʼ a kènkə diʼ mu à ku Tìʼ ghom a mò.”

Yesò ə gàʼ ali ə be mu gàʼ ə kwʉ̀ʼsə la, “Ma gaʼa a ghə̀ŋ to no nəmwèʼè la, ma diʼ əchʉ mbàyn yi a byisə chò fa tsu.

A vi a zhʉ a və loʼo wìʼ la ghə̀ ntsɨŋ byisə, ghə̀ ko diʼ ntsɨ̀ŋ byisə ko tì byisə, ghə̀ na yen to ando nyàm kəbo ə vì, ghə̀ nyɨŋ ə ghʉsə byisə, nyàm kəbo ə vi ku byi fa tsu sətsensə ə saykə.

Yesò ə mò li ngàyn ə tsen ə gàʼ la, “Ma gaʼa a ghə̀ŋ no nəmwèʼè la, wìʼ sətsen vi ə wʉ̀sə əchʉ mbàyn ke kwen fa tsu ə dyʉ̀ kuʼ kwen fa akəshi kə kədyàŋ, mu ghə̀ diʼ tsòŋ.