Baverset oyo Eyebani Mpenza ewuti na Masese 4

Share

Batela malamu motema na yo koleka biloko nyonso, pamba te makambo nyonso oyo tosalaka, wana tozali na bomoi, ewutaka na motema.

Bongisa nzela oyo makolo na yo ekolekela, mpe tambola kaka na nzela oyo oyebi malamu.

Longola lokuta na monoko na yo, mpe longola mabe na bibebu na yo.

Tala ebandeli ya bwanya : Zwa bwanya, pesa biloko nyonso oyo ozali na yango mpo ete ozwa mayele.

Nzokande, nzela ya bato ya sembo ezali lokola pole ya tongo makasi, oyo kongenga na yango eyaka malembe-malembe kino tango moyi ekobima makasi. Nzela ya bato ya mobulu ezali lokola molili, bayebaka te eloko nini ekokweyisa bango.

kosundola bwanya te, mpe yango ekobatela yo, linga yango mpe ekobomba yo.

Tingama makasi na mateya oyo bapesi yo, kobwaka yango te, batela yango malamu mpo ete ezali bomoi na yo.

Kokotaka te na nzela ya bato ya mobulu mpe kotambolaka te na nzela ya bato mabe.

Bana na ngai, boyokaka mateya ya tata, bozalaka na bokebi mpo ete bozwa mayele.