Baverset oyo Eyebani Mpenza ewuti na Masese 23

Share

Tata ya moto ya sembo akozala na esengo mingi, mpe moto oyo abota mwana ya bwanya akosepela kati na ye.

Koboma nzoto te mpo na koluka kozwa bomengo, kotia mayele na yo te kati na yango.

pamba te suka na yo ekozala solo malamu mpe elikya na yo ekozala ya pamba te.

Tika ete motema na yo elulaka te bato ya masumu, kasi zalaka tango nyonso na posa makasi ya kotosa Yawe 

Kozangisa te kopesa mwana etumbu ; soki obeti ye fimbu, akokufa te.

Tika ete motema na yo endimaka kotosa mibeko, mpe matoyi na yo eyokaka maloba ya boyebi !

Tango okobwaka miso na ngambo ya bomengo, ekobunga, pamba te ezalaka na mapapu mpe epumbwaka na likolo makasi lokola mpongo.

Yokela tata oyo aboti yo, mpe kotiola mama na yo te ata soki anuni.